基仔獲克勤教生育秘技
2019年04月14日03:00
克勤擔任基仔個唱嘉賓,卻逼問他為何結婚多年未生B。

【星島日報報道】古巨基在紅館舉行演唱會,第二晚邀請了李克勤擔任嘉賓,還有蒙嘉慧和關心妍夫婦到場支持基仔。已為人父的克勤,十分擔心基仔結婚五年還未有孩子:「我聽講昨晚位嘉賓爆你兩公婆成日摸手摸腳,但係我好想問你,點解你只是摸呢?為何咁耐都摸唔出啲咩來㗎?你不要只係摸至得㗎,要有舉同埋動先得呀!」隨即惹得大家笑到肚痛。

克勤更教他:「我都係由譚詠麟教我,他說要倒掛金鈎!生女就要用一招腳指尾拉西!」基仔聽完一頭霧水反問:「我想問,倒掛金鈎,你掛定老婆掛?拉西用邊個腳指尾先?哈哈哈!」克勤回應:「這些只可以意會啦!講出來冇意思,哈哈哈!你感覺不到便去問下阿倫啦,叫他詳細教你。」

關注我們Facebook專頁
    相關新聞
      更多瀏覽