李偉健感激事業低潮有老婆陪伴 入行10年 憑Terry一角終發圍!
2019年04月13日11:20

處境劇《愛.回家之開心速遞》劇中每個角色都經常帶出驚喜,而近日最多人討論嘅,莫過於係劇中Terry(李偉健飾演)突然由傻人變返做天才!李偉健喺戲中演技大爆發,唔少觀眾都大讚佢好好戲!其實李偉健至今已入行10年,雖然其星路一直都浮浮沉沉,但李偉健曾表示,佢好感激一路以嚟太太都好支持佢,所以佢都好愛鍚太太,絕對係一個好老公!

原文:Sunday kiss-Kammy|圖片來源:Instagram、微博、電視截圖

延伸閱讀:

家明表哥原來係佢?袁文傑現身《卡拉屋企》做大茄

袁偉豪否認形象變差關女友事 「佢令我變得更加真誠!」

傻人終變奸李偉健演技大爆發

現年40歲嘅李偉健,喺劇中飾演龍力王(Terry),Terry思想愚鈍,純到好似綿羊咁,但最近一集講到Terry接受針灸治療時,因為被老鼠干擾儀器,加大咗針灸電流量而變得十分聰明,仲變得心機算盡,最後更設局陷害自己屋企人。

最近一集講到Terry接受針灸治療
治療時,因為被老鼠干擾儀器,加大咗針灸電流量而變得十分聰明

Terry平時成日畀人話佢好蠢,特別係畀劇中家姐林淑敏話佢「人頭豬」,但今次Terry「黑化」後,嚟個大反擊話返林淑敏:「你真係蠢唔係扮㗎喎!」睇到一班觀眾拍晒手掌,話李偉健「演技大爆發」,仲讚佢好戲,發揮得好好!

Terry唔只變到好聰明,仲變得心機算盡,設局陷害自己屋企人

入行10年 感激太太一直相伴

李偉健入行前係漫畫家,更曾喺漫畫雜誌《CO-CO! 》度推過連載漫畫。其後,於2009年參加香港先生而加入娛樂圈。今年係李偉健入行嘅第十年,佢雖然演出過唔少劇集,但其實其星路一直都浮浮沉沉。李偉健曾表示,可能係因為自己唔夠進取,抱著順其自然嘅心態,所以演出機會唔多。

李偉健入行前係漫畫家
李偉健
李偉健
李偉健畫畫其實好叻㗎!

李偉健更曾經被淋金油扮金像獎,要洗3日先可以甩色,但性格樂天嘅佢一直都冇抱怨過,反而好感激老婆一路以嚟嘅支持,支持佢嘅事業發展,因此佢都十分愛鍚對方,凡事都以對方為先,絕對係個好老公。

李偉健更曾經被淋金油扮金像獎,要洗3日先可以甩色

發表愛的宣言感動太太

李偉健去年十月同圈外女朋友阿寶結婚,結束15年嘅愛情長跑。李偉健透露,自己嘅求婚經過時,稱將之前兩人去旅行時拍攝嘅短片加入花同戒指嘅卡通特效,令女友知道佢有意求婚,最終成功結束呢段愛情長跑,至於現時心情就既開心又疲累。不過娶到個好老婆,幾赲都抵啦!

結婚當晚,李偉健對住一班親朋戚友向太太發表愛的宣言:「我愛你!有10蚊畀9蚊你!要你幸福快樂!」,令新娘子一度感動到講唔到說話,仲喊咗出嚟。

李偉健嘅人緣勁好,結婚時有好多朋友出席婚禮!

Terry黐實51歲胡渭康 靠大叔擴闊朋友圈

《愛‧回家開心速遞》Terry李偉健同KC歐瑞偉譜出忘年大叔似層層曖昧關係就話係劇情需要,又食正日劇《大叔的愛》熱潮,實情Terry戲裡有大叔緣,戲外單身多年亦一樣嚮往與同性朋友畫至愛水彩漫畫消磨時間。最近在Terry個人社交網,他與同劇演員、51歲胡渭康曝光率突然激增,據知情人士透露,未婚又冇另一半阻手阻腳,Terry與同樣愛好健身又貪靚的胡渭康特別傾得埋,自然投緣。

胡渭康
胡渭康
係畫畫高手、自稱畫界「小甜健」的Terry李偉健同胡渭康因拍劇結緣,仲好識做親筆畫番個靚到閃令令嘅肖像畫送畀最新忘年密友。

Terry李偉健遲起步知名度又一般,有得同資深藝人發展友誼,Terry特別殷勤又肉緊,知情者說:「就嚟40歲先憑處境劇叫做有人識,Terry知道keep住個勢對事業發展幫助好大。」

胡渭康
胡渭康
為劇情需要同KC咀完又咀、大叔的愛令李偉健同歐瑞偉人氣急升,而劇外Terry就因為KC埋到胡渭康堆,近日交往甚密。

Terry
Terry

續指:「日日喺電視台趕劇冇得擴展交友圈,所以同胡渭康一拍即合後,Terry都好識做,噓寒問暖、一齊食一齊玩又約埋一齊健身,始終胡渭康入行三十幾年、識咗幾輩圈中人,呢啲忘年朋友真係交得過!」能成為密友總帶著愛,唔同年代都可以打破隔膜。

胡渭康
胡渭康
二人都係單身、又有鋪操肌癮,據知情人士透露李偉健以新人自居,對胡渭康既殷勤又尊敬,所以特別投緣。

Terry
Terry

《愛回家》Terry化身IT狗題材超貼地

之前《愛回家》講到做咩職位都失敗嘅Terry被舅父KC安排加入IT部。

好彩Terry有自知之明,一早講定自己只係識開機同關機,畀足心理準備Ivan。

Ivan就向Terry講解部門日常運作,點知Terry講咗句大眾對IT人嘅誤解:「我以為IT部好得閒添,日日都有好多時間打機!」

之後Ivan就介紹三位同事,分別叫Keyboard、CPU、Mouse,全部都同電腦有關。而佢哋都無同Terry打招呼,只係閃閃縮縮咁望咗Terry一眼。

Terry好唔識做咁問:「佢哋個個著衫Style都差唔多,係唔係制服,我係咪都要跟住著?」,令幾位同事即刻喺手機到鬧爆Terry!

Ivan教Terry整電腦口訣:「Check吓啲制,再Reboot部機就搞掂,唔使同人解釋點樣整返,如果整唔掂就講啲懶係深奧嘅IT術語,拎部電腦返IT部搞就得喇!」

Terry真係做到好成績,成功幫熊若水整返部手提電腦。為咗更加融入IT部,佢決定唔再著華麗嘅西裝,轉為著格仔恤衫、成為活脫脫嘅毒男,仲改咗自己個名做Wi-Fi。

之後更搞笑嘅係,一向熱愛演戲嘅Terry竟然講講吓嘢話唔慣面對面同人講咁耐嘢,真係唔只外表改變,性格都改埋。

有次威龍百貨畀黑客入侵,令到沉默寡言嘅IT部同事終於大開金口講嘢!

之後Ivan仲化身「IT狗」,帶領一眾下屬同黑客決一死戰,之後仲出現咗Matrix一幕!

IT部日以繼夜咁工作終於成功清除到所有病毒!

其實今集《愛回家》係想道出IT部嘅辛酸!因為現實世界裡面做IT嘅人就被叫人IT狗,上至修理電腦,下至換燈膽都會叫IT人幫手搞掂。Ivan講咗句:「我哋唔好咁快就否定自己嘅專業,總有地方需要我哋。記住,我哋係IT人,唔係IT狗!」

網民睇完呢集之後,都即劇大讚Terry演技,希望佢真係搵到啱自己嘅職業,更有網民表示自己係IT狗,題材貼地寫實又有共嗚!

延伸閱讀:

【鐵探】石修患怪病3年體重暴跌45磅 感激秋官出手救一命

關注我們Facebook專頁
    相關新聞
      更多瀏覽