尖沙咀酒店自助餐:【全新日韓台主題!必食惹味泡菜芝士焗龍蝦!】- 柏景餐廳
2019年04月11日10:10

酒店自助餐全新日韓台主題!必食惹味泡菜芝士焗龍蝦!

尖沙咀呢間酒店自助餐又有新主題喇!今次結集左港人最愛日韓台既食物,唔駛飛都食到呢3地既野食!小編已經率先試左,日本代表有清酒芝士扒扇貝,清酒滲入扇貝肉內,加上鰹魚絲提升其鮮味,真係好有磯燒風味!台灣代表真係估你唔到,自助餐將街頭至hit既奶蓋茶引入,真係全港第一間酒店自助餐有既奶蓋茶!而韓國代表一定係韓式泡菜芝士焗龍蝦,香辣惹味泡菜完全中和芝士既膩感,令人覺得好韓feel!依家等小編同你一齊睇下佢地引入左咩必食日韓台食物先

前菜沙律

▲沙律選擇眾多,原來餐廳仲有沙律自助餐呢個option

日式食物-和風刺身、卷物、壽司

▲自助餐提供4-5款刺身,一定會有港人最愛三文魚!

▲今次係日韓台主題,睇得出餐廳特意悉心設設和風既壽司

日式食物-居酒屋、屋台風味

▲清酒芝士扒扇貝,清酒完全滲入扇貝肉內,加上鰹魚絲提升其鮮味,日本清酒、味醂及巴馬臣芝士溶為一體!

▲另一居酒屋風味就係避風塘廣島蠔 ,廣島蠔肥美飽滿,避風塘香辣惹味脆炸廣島蠔,獨特風味無比

▲關東煮勁有屋台風味,有蒟蒻、各類魚漿,亦精純入味。

韓國風味食物

▲熟食必食當然有韓式泡菜芝士焗龍蝦!波士頓龍蝦本身就多肉,肉質鮮甜彈牙,加上惹味辛辣泡菜同芝士,又唔會好溜!

▲韓式粉絲

台式養生食物

▲呢個咁精緻既擺設原來係鮮淮山蟹肉沙律金杯,以鮮淮山、絲絲蟹肉及同新鮮芒果一同釀於薄脆杯,又好味又養生。

▲熟食方面有小編最愛既蚵仔煎,不過呢度蚵仔煎唔似夜市咁濕濕稠稠,比較似港式既蠔餅!

▲港台都最愛既茶葉蛋!

▲台式麻辣烤沙巴龍躉 – 台式麻辣汁加入鴨血、油豆腐、大蔥、指天椒等配菜製成麻辣烤魚,龍躉皮脆肉嫩。

▲無限添飲芝士奶蓋茶,鹹香濃稠芝士奶蓋配上不同種類茶

日韓台3地甜品各有千秋!

▲韓式代表人參奶凍,參味濃郁呀!

▲日式代表有靚靚既櫻花奶凍蛋糕

▲台式代表有珍珠奶茶凍

▲當然唔少得自助餐既各款蛋糕!

小編私心推介-喇沙湯麵!

▲黎呢度食Buffet小編私心推佢地個自助麵檔,自己夾料同揀麵,就可以比師傅煮喇!

「我

日韓台」三重滋味自助餐@柏景餐廳

地址: 香港九龍尖沙咀廣東道 33 號中港城皇家太平洋酒店園景翼 2 樓

電話: 2738 2322

供應日期:2019 年 4 月 1 日至 6 月 30 日

供應時段及價錢:

星期一至五自助午餐(中午 12 時至下午 2 時 30 分)-成人$358; 小童$248

星期六、日及公眾假期自助午餐(中午 12 時至下午 2 時 30 分)-成人$438; 小童$298

星期一至五自助晚餐(晚上 6 時至 9 時 30 分)-成人$638; 小童$388

星期六、日及公眾假期自助晚餐(晚上 6 時至 9 時 30 分)-成人$688; 小童$438

菜式每天輪流供應,部分菜式只於晚餐時段供應

所有價目以原價另加一服務費

圖片及文字來源:香港人遊香港

關注我們Facebook專頁
    相關新聞
      更多瀏覽