醉駕出事講大話 郭子豪累「跳躍F4」失廣告
2019年04月05日23:32

一子錯滿盤皆落索,用嚟形容近日醉駕仲講大話嘅郭子豪應該最貼切,去年憑劇集《跳躍生命線》大隻仔形象入屋彈起,原本前途一片光明,不過3月27日凌晨,郭子豪卻因醉駕被捕,原本犯錯跪低知錯能改,應該仲可以博到原諒,偏偏郭子豪事後受訪,仲大話掩飾否認係當事人,罪加一等自毁前途,事件更禍及「跳躍F4」(由何廣沛、郭子豪、張彥博及羅天宇組成)形象,據知原本「跳躍F4」傾洽的部份廣告,就因為郭子豪形象大跌 被廣告客hold起!認真累己累人!不過何廣沛及張彥博就齊撐好兄弟,認為只要佢人冇事其他嘢都係後話!實在手足情深!

撰文:東方新地 圖片:新傳媒圖片、instagram、facebook

延伸閱讀:

陳茵媺曬泳衣照被指上圍離奇縮水!網民:大波星人去咗邊?

歌手李明蔚患癌器官衰竭兼面癱 感激馬浚偉出錢出力圓歌唱夢

郭子豪 畀公司照肺

唔通真係四肢發達頭腦簡單, 上月27日凌晨在尖沙咀醉駕被捕的郭子豪,事發後接受傳媒訪問,竟然否認係當事人:「唔係我,我喺屋企,今晚冇揸過車!」不過唔夠半日,他又發聲承認係自己醉駕,行為可笑!事件觸怒無綫高層,緊急透過經理人召郭子豪回公司照肺。

據知情者透露:「Arnold(郭子豪)都係喺第二日先通知經理人發生咗呢件事,嗰晚佢回應傳媒話唔係自己,報道出晒街, TVB 高層睇到好嬲,覺得佢身為公眾人物,行為唔檢點仲唔自愛,講 大話完全破壞晒辛苦建立嘅健康形象,高層警告佢好好反省,仲要即刻公開認錯補鑊!」

27 歲的郭子豪,操得一身健美體格,在無綫四年,憑大隻仔建立 健康形象,但日前在尖沙咀被警方打擊酒駕截查車輛時,未能通過酒精呼氣測試,超標一倍醉駕被捕,加上受訪時講大話,令辛苦建立的健康形象幻滅,還累及拍檔!

劇集《跳躍生命線》內容寫實貼地,贏口碑更贏獎項,在去年《萬千星輝頒 獎典禮》贏得「最佳劇集」,演員馬德鐘、張曦雯、何廣沛、郭子豪及張彥 博等均人氣急升。

廣告客投訴

原來事件牽連到正在上位的「跳躍F4」形象,令四子傾洽中 的部份廣告被客戶不滿抽起。據知情者透露:「無綫近年小生凋零,上年咁難得先捧到『跳躍F4』呢班小鮮肉,公司真係好睇重佢哋,除咗拍劇,仲參與唔少綜藝演出,公司好希望好似當年捧 五虎咁,將呢個組合長線發展,原本走勢唔錯,經理人仲幫四子 傾緊啲廣告,點知發生啲咁破壞形象嘅嘢,廣告客投訴不特 止,仲話件事未明朗,等Arnold上完庭再傾,廣告隨時泡湯!」

郭子豪
郭子豪
因拍《跳躍生命線》令何廣沛、郭子豪、羅天宇及張彥博 成好友,四人更組成「跳躍F4」合體拍MV〈無畏的肩膊〉,MV點擊還衝破百萬大關。

爛玩蒲精

在英國修讀大學,回港做Model入行的郭子豪,外形大隻健康,但原來係爛玩蒲精。據知情者透露:「其實喺做Model嘅時候,佢已經好鍾意落夜場玩,因為佢好多ABC朋友成日會約埋落吧飲酒,佢每次都飲得好瘋狂,不過因為佢成日健身keep fit,鍾 意嘅活動睇落好健康,大家先以為佢係乖乖仔!」 經一事長一智,希望郭子豪真能好好反省,珍惜辛苦建立嘅 大好前途!

因劇集《跳躍生命線》令形象入晒屋,「跳躍F4」成TVB新一代力捧對象,近期就經常合體出活動及在私人晚宴演出。

公開認錯
郭子豪
郭子豪
醉駕出事後,郭子豪一度唔認係當事人,令事件鬧大兼形象插水,除在拍劇現場公開道歉,他亦 在IGStory,寫上「對唔住」認錯以及用叮噹漫 畫自勉。

兄弟回應力撐

郭子豪醉駕後復工,除咗認錯向公眾道歉,更強調未有顧及「跳躍F4」形象,向三位兄弟道歉!

何廣沛:「我有WhatsApp問候佢,發生咁嘅事當然會唔開心,我作為 朋友都唔開心,其實飲酒都係人之常情,唔係咩大罪過,佢 錯在飲咗酒揸車,希望佢汲取教訓,以後唔好再犯!最緊要 人冇事,已經係不幸中之大幸,廣告嘅嘢我唔太清楚,要問 番公司!(佢最初講大話喎?)慌失失唔知點應對,都係人之 常情,人誰無過?」

郭子豪
郭子豪
父親經營製衣生意,出身富裕的郭子豪更是高材生,小學、中學就讀名校喇沙書院,更是倫敦帝國學院機械工程系畢業。
郭子豪
郭子豪
有富貴老竇撐腰,郭子豪做新人 時已經過少爺生活,原本同家人同住康樂園獨立屋的他,近年搬住大埔龍城堡獨立屋過獨立生活,及揸80萬Audi代步,富貴逼人。

張彥博:「知道呢件事我只係問咗兩個問題,第一係佢有冇撞到 人,第二就係佢有冇受傷,知道佢冇事其他嘢都係後話,咁 喺《跳躍生命線》之後的確係多咗工作,但廣告客啲嘢就唔太 清楚,都要問番公司,至於佢係咪鍾意飲酒,有時慶功宴飲 吓都會,其他時間我就唔太清楚!」

郭子豪
郭子豪
郭子豪出事後,上無綫《東張西望》節目公開認錯,坦 言對事件非常自責,向公司、家人及朋友道歉,並再三承諾日後會改過,希望大家給予機會!
郭子豪
郭子豪
近期郭子豪亦有份參與重頭劇《法證先鋒4》演出。

回顧歷年9位涉嫌酒駕被捕藝人

回顧過往,亦有多位藝人曾涉嫌於酒後危險駕駛,而以涉嫌「酒後駕駛」被捕及判罰!

|李治廷

李治廷(Aarif)因參演電影《歲月神偷》而為人熟識,2011年,李治廷於新蒲崗駕駛私家車時表現唔穩定,被警員截獲,吹波仔讀數為32度,當場被捕。

被斷正嘅Aarif最後被判罰款6,000元及停牌6個月,並須參加駕駛改進課程。

|周家蔚

同年,香港小姐亞軍及最上鏡小姐周家蔚於旺角太子道東涉嫌酒後駕駛,其後發現酒精超標約一微克,之後於觀塘裁判法院認罪,並判罰4,000元及停牌6個月,及需要上駕駛改進課程。

View this post on Instagram

同细老Afternoon Drink

A post shared by Janet Chow 周家蔚 (@janetchowkawai) on Sep 14, 2018 at 2:11pm PDT

|羅鈞滿

前TVB藝員羅鈞滿於2016年於九龍太子道醉駕,未能通過酒精呼氣測試外,更超標逾三倍而被捕。

其後,羅鈞滿於觀塘裁判法院觀塘法院認罪,被判社會服務令及停牌兩年,而羅鈞滿於庭外亦表示自己對事件感到後悔。

|陳宇琛

石修囝囝陳宇琛於上年駕車時於旺角太子道東被警方截查,並揭發其酒精呼氣測試錄得約38度,超出每100毫升中最多22微克嘅限制。

其後他於觀塘裁判法院承認酒後駕駛,被判罰款5000元,以及停牌一年。

|梁漢文

梁漢文於2018年1月23日凌晨涉酒後駕駛,在花園道與羅便臣道撞欄,當時其呼氣測試錄得酒精濃度超標近四倍,因此被控一項不小心駕駛及一項呼氣酒精濃度超標罪,梁漢文亦主動承認兩項控罪。

最後梁漢文被法官判罰160小時社會服務令及停牌2年,並罰款1,500元,及須在停牌令完結前3個月自費參加駕駛改進課程,並須即場交出駕駛執照。

|李璨琛

上年2月20日駕車沿太子道東駕駛期間,於九龍城遭交通警員截查,接受酒精呼氣測試證實超標兩倍,涉嫌酒後駕駛被捕。之後,李璨琛於觀塘裁判法院承認控罪,法庭要求李璨琛聽取社會服務令報告,保釋期間不能駕駛,並需交出駕駛執照,及繳付擔保費五千元。

李璨琛
李璨琛

當時問到會否戒酒,他直言:「已經停咗冇飲,阿女出世後更加理解,責任大咗好多,經過深切反省自己,為咗自己、為咗屋企人、為咗社會,無論點都唔會再飲酒揸車,已經儘量避免飲酒,但係做呢行有時應酬一兩杯,汲取今次教訓,真係唔會再飲酒揸車。」,其後李璨琛被判罰120小時社會服務令及停牌1年。

|盧頌之

演員盧頌之(DaDa)於2015年駕車時報稱閃避切線車輛失控撞欄杆,之後被揭發涉嫌酒後駕駛。其後,DaDa被判罰停牌1年、120小時社會服務令及罰款3,000元,及接受駕駛改善課程。

|蔡一傑

2011年,組合「草蜢」成員之一嘅蔡一傑駕駛跑車沿薄扶林沙宣道上斜時,突然鏟上行人路,撞毀鐵欄、郵筒及消防街井,跑車更衝前二百米,越過行車線猛撼防撞欄,再彈回原本行車線始停下。當時,蔡一傑於現場吹波仔錄得82度,兩小時後返警署吹大機,亦錄得66度,故被控以酒駕。

最後,蔡一傑承認酒後駕駛,被法官判接受社會服務令160小時,罰款1.2萬元及停牌2年,停牌期完結前須自費參與駕駛改進課程。

延伸閱讀:

傅嘉莉拍新劇被高Ling藐爆 抽錯水怒犯眾憎!

關注我們Facebook專頁
    相關新聞
      更多瀏覽