麥明詩被郭子豪問林作持久力 女方大爆前度:XXX咁!
2019年04月02日21:50

TVB週末最新遊戲節目《娛樂大家》由汪明荃、森美、蘇永康及余德丞擔任主持,而最新一集就以「香港小姐」為主題,更邀請10A港姐麥明詩(Louisa)做嘉賓,點知期間Louisa被郭子豪問到前度林作嘅持久力時,Louisa即咁樣回應!

撰文:東方新地|圖片:電視截圖

延伸閱讀:

邱淑貞二女沈日睇藝術展露腰晒腿 網民:都係沈月靚啲!

「龔水戀」炒大鑊鬧分手 呂慧儀:最快講分手的愛回家CP!

最新遊戲節目《娛樂大家》

最新一集《娛樂大家》以「港姐再選美」為主題,於是請嚟唔同屆嘅港姐冠軍如:向海嵐、麥明詩、邵珮詩、陳曉華等擔任嘉賓。雖然《娛》係個遊戲節目,不過該集亦趁機會由主持人之一嘅汪明荃專訪一眾前港姐,分享當年選美一夜成名嘅感覺。

然而,今次就緊係唔係同大家講個專訪,而係想同大家講《娛》嘅另一個環節-Cheat Chat。呢個環節嘅玩法係每位參賽者喺進餐前均會得到一個指令卡牌,而各位玩家互相交談時要避免做出自己牌上嘅指定動作。

例如陳曉華頭上嘅卡牌係「講雙位數字」,咁陳曉華就要避免講雙位數。
如陳曉華唔覺意講出「17」,就表示佢輸咗嚕。

郭子豪問林作持久力

期間,汪阿姐就問Louisa喜歡有爆發力嘅成名抑或係慢慢持久嘅成名,分到「轉移話題」指令卡牌嘅Louisa就答對方:「我覺得持久係好事,因為有時有啲係曇花一現」,並指若然可以持續做唔同嘅類型嘅工作同時又可有穩定收入就最好。

之後,郭子豪就突然發問Louisa:「林作持唔持久?」,再補充指喺「毅力、工作方面」。 被問到前度男友,黃庭鋒可能為免女方尷尬,於是就叫郭子豪唔好逼女方飲酒壓驚回答,但Louisa反而指要回應問題!

郭子豪問完後,有幾位在場主持及嘉賓都唔覺意失笑一下。

飲完酒壓驚嘅Louisa就淡定大方問答郭子豪指林作「正常人咁囉」,之後郭子豪冇放過Louisa,繼續追擊:「大概幾耐?」,森美為免該段太唔出得街,於是即時解圍:「拍咗拖幾耐」,郭子豪再跟機重新問:「拍咗拖幾耐」。

吳若希乘機抽水

就連吳若希乘機抽水話郭子豪唔應該講說話時省略啲字,令人引起誤會。至於Louisa對此就表示唔想再喺節目回應私事。

即時回顧:

林秀怡打招呼被麥明詩當透明

馮盈盈在分享自己「俾人當透明」的經歷,憶述錄影當日早上同王浩信喺街頭拍攝時,一大堆內地遊客爭住同王浩信影合照,而自己就慘被當透明人,當下「無人問津」馮盈盈唯有「扮忙」問導演「埋得位未,我可以試位了」,不過佢就慶幸沒有被人叫去幫手揸機。

之後談到新人可能很多時候被當臨時演員,6號就表示「港姐就比較好,不會被工作人員人當透明」,但馮盈盈就即刻面有難色表示「都唔係架」,她就曾被幕後人員問「你點入行?訓練班定係?」,當馮盈盈表示自己係「香港小姐」後,對方更追問「咁你係幾第名?」,馮盈盈唯有尷尬道出自己係冠軍後,對方才醒水,道歉並指自己最近太忙,無留意新聞。

陸浩即抽水

而林秀怡亦都分享自己「俾人當透明」的經歷,她表示平時在化妝間,即使素不相識都會向同事打招呼「say hi」,「但就有一次,有個同事見過幾次,拍同一套劇,但無對手戲過,喺化妝間見到佢就即刻講 hello,佢望一望我,然後就繼續做自己嘢,我傷心咗好耐,諗自己係未做錯咗事呢,係唔係得罪咗佢呢?」6號就插嘴話「你係咪同張繼聰打招呼,佢唔理你下話?」,順便抽下「唯唯」梁競徽水!

林秀怡話語間透露出對方係女藝人、同劇但無對手戲,但就可能是對方「神經大條」,很專注工作,難以分心。不過6號就估係麥明詩,並一口咬定,皆因二人之一齊拍過《是咁的,法官閣下》,而麥明詩不止「神經大條」還「大幾條」,事關「因為其實有時佢返到嚟都唔同我哋打招呼架」,FYY再補多句「我哋代麥明詩同你講聲唔好意思」。不過其實大家都係講笑,因為麥明詩戲中同秀怡都有不少對手戲,所以自然不會是她了。

麥明詩生日收荷里活巨星Inbox

麥明詩27歲生日時,為咗告別26歲嘅自己,壽星女就特別喺個人社交網寫下長文,表述個人心聲,當中就提到過去一年開初都唔太順利,又自我矛盾又迷茫中掙扎,仲話生日希望學識「不順利中仍懂得開心 」,睇嚟Louisa要繼續以正能量面對將來!

View this post on Instagram

26歲開始的並不燦爛 – 還記得我去年生日時因個人經歷及輿論壓力感到巨大的挫敗感和傷痛,往後幾個月更續於自我矛盾及迷茫中掙扎著。但這段時間給予了我機會去生活和成長 – 因爲生活就是有黑有白有笑有淚,成長就是在黑暗中仍展望明天太陽會出來,並且在陽光下知道黑夜將又會來臨卻能處之泰然… 26歲的下半年,我收到好多禮物 – 拿到資格、遇到一些貴人、參與的劇集播放、迎接更多的節目及拍攝。這許多的禮物,去年給我的話我可能會覺得理所當然,但今年的功課讓我學懂每一件好事都要好好珍惜。 生日願望?不是明年順利開心 – 反而是明年能在不順利中仍懂得開心 – 因為pessimistically optimistic來說:「it could have been worse」。 #生日快樂

A post shared by Louisa Mak 麥明詩 (@louisa_mak) on Dec 10, 2018 at 6:50am PST

不過,另一方面,Louisa就喺生日正日時收到嚟自荷里活巨星麥迪文(Matt Damon)嘅私人inbox!呢位「麥迪文」一開波就自我介紹,之後更主動稱自己對Louisa有興趣,希望可以認識呢位壽星女!

荷里活巨星麥迪文(Matt Damon)

再收驚喜生日禮物

一向醒目嘅Louisa就梗係唔係咁易被呃到,皆因呢個係個假賬戶,所以都只係得啖笑同大家開心share吓!另外,雖然Louisa今日生日,但喺工作中度過嘅佢又自爆收到驚喜生日禮物,唔知邊個送嘅呢?

麥明詩台慶跳舞被鬧爆兼狂恥笑

早前,麥明詩同馮盈盈有份參與台慶嘅表演環節「青春歌舞50+1」,位位女藝員著上校服短裙晒美腿相當養眼,可惜麥明詩就被多次影到甩Beat兼舞姿生硬,有唔少網民仲狂彈佢嘅表現,指「都唔知你做乜」、「冇時間綵排咩」等。

雖然麥明詩有啲甩Beat,但勝在個樣夠淡定!

馮盈盈一齊慢半拍

睇真啲,其實甩Beat嘅都唔止麥明詩一個,就連噚晚因真空出席紅地氈而成為熱話嘅馮盈盈一樣跳到有啲甩Beat!

馮盈盈一樣有跳到慢半拍嘅情況出現!

二人企前排跳,明顯各自都有跟唔上節奏嘅問題,睇嚟下次上台前要惡補一吓跳舞技能先得喎!

麥明詩即時耍冧

其後,被網民恥笑嘅麥明詩都留意到網友嘅「意見」,結果好快就喺個人社交網為自己嘅表演耍冧:「向大家眼球致歉!因為早幾日先返香港,已經盡咗力惡補(合十)其實本人都覺得應該企最後面,不過排位已被安排。」,原來情有可原!

之後,麥明詩再上載上台跳舞前喺後台等候嘅片,Tag住「準備上刑場嘅心情」及「#四小時速成班」,圖文並茂咁道歉兼解釋,希望網民唔好再鬧得咁勁,唔知大家又接唔接受呢?

片中亦見到馮盈盈都好緊張!

麥明詩苦讀3年 考獲美國執業律師牌

估唔到麥明詩在入行後,原來一直自修法律課程,早前佢成功通過New York Bar Exam,考到美國執業律師牌,近日麥明詩飛咗去紐約奧爾巴尼法院宣誓同拎證書,今日佢喺社交網留言:「埋頭苦幹;用時間和努力說服別人」其實近年不少香港人都希望考取美國執業律師資格,這樣便能為中國或香港的公司在美國上市、或進行合併。

麥明詩平日要拍劇、做主持、出騷,唔少人話佢當選後愈來愈瘦同憔悴,皆因從未公開提及要考美國律師牌,收工回家後仲要苦讀法律課程,真係少啲毅力都唔得!

麥明詩劍橋大學法律系

2015年港姐冠軍麥明詩在澳洲出生,回流香港後就讀於拔萃女小學及拔萃女書院,2009年於香港中學會考考獲中國語文科和英國語文科5*級、以及8科A級的十優佳績,為當屆會考狀元。

麥明詩
麥明詩
麥明詩2015年港姐競選以大熱姿態勇奪冠軍!

麥明詩原本打算在香港升讀預科,但因為她在會考取得十優,已獲英國威靈頓公學 (Wellington College) 取錄,因此決定先到該校讀預科,適應英國的生活。2011年升讀劍橋大學紐納姆學院法律系,2014年取得法律學學士學位二級榮譽畢業。

她參與拍攝《星星探親團-英國劍橋篇》,帶觀眾回到英國母校,講述自己的劍橋升學之路及劍橋生的衣食住行。

不少好友都有留言恭喜佢,讚佢好叻女!

不過同時都有唔少網友叫她不如返去做律師賺錢,又指娛樂圈不適合她,未知當事人點睇呢?

延伸閱讀:

朱千雪爆當年XXX上陣選港姐 「媽咪自細都叫我唔好…」

關注我們Facebook專頁
    相關新聞
      更多瀏覽