朱千雪爆當年XXX上陣選港姐 「媽咪自細都叫我唔好…」
2019年04月02日16:20

現時30歲的朱千雪(Tracy)當年被封為「民間港姐冠軍」﹐2012年當選港姐季軍後,即備受無綫力捧拍劇,樣子甜美不在話下,而且笑容真摰不造作,觀眾緣極佳!早前,Tracy出席公開場合時則大爆自己當年參選港姐時…

撰文:東方新地|圖片:電視截圖、朱千雪INSTAGRAM

延伸閱讀:

「龔水戀」炒大鑊鬧分手 呂慧儀:最快講分手的愛回家CP!

必睇新劇《鐵探》10大追劇位 網民:紅姐、黑仔都夠好睇!

朱千雪爆當年XXX上陣選港姐

話說,日前朱千雪出席活動時接受傳媒訪問,Tracy就大爆自己媽媽好貪靚,所以媽媽由細到大都好鼓勵Tracy化妝,而且更叫Tracy不要不化妝出街,不過純尚自然美的她則反而決定以一支唇膚走天涯,認為只要感覺上望落較精神則可。

然而,Tracy其後更大爆自己人生第一次化全妝是於選港姐的時候!即是去港姐面試都是以素顏示人,而非化行妝上陣,認真對自己美貌相當有自信!

回顧當年她參選港姐時的片段,不難發現她真的是以零化妝參與競選,不過即使如此,Tracy望落依然雙眼炯炯有神!另外,除了素顏外,還見到她眉上的痣也沒有去掉,亦沒有特別修整眉毛,完全零添加上陣!

不過當選後的朱千雪當然少不免需要於上鏡時化上全妝,而她亦於訪問中表示自己不用工作時一般都會選擇不化妝,皆因可令皮膚休息一下,笑指皮膚都需要透透氣。

事實上,Tracy本身天生麗質,即使平日不施脂粉,亦一樣靚靚,反而更添清秀美。

View this post on Instagram

Back to school Monday 🤓📚

A post shared by Tracy Chu (@tracytschu) on Apr 8, 2018 at 8:12pm PDT

即時回顧:

朱千雪 轉攻做Law界女神

朱千雪近年減少拍劇,專心攻讀法律博士課程,有傳即將畢業的她,已獲金鐘一間著名律師行招攬預留職位,而她也有意淡出幕前轉職法律界!

「不為今日決定感遺憾」

早前千雪生日Fans為佢搞生日會,活動後她在IG舒發感受,佢話當日最多人問佢嘅問題就係「如果真的可以穿越,你會想回到過去改變歷史嗎?」佢話:「答案係『不會。』因為沒有以前每一段的經歷,就不會有今天的我。我現在最喜歡的就是現在的自己…或許有一天我會更喜歡將來的我,但到時候那個我也不會為我今天的決定而感到遺憾。謝謝今天來活動的fans, 是因為有大家的支持,我才能肯定我做的決定是對的。」唔知佢口中所講的「決定」,係咪傳聞所講淡出娛圈做Law界女神呢?!

好姊妹湯洛雯岑杏賢 大表支持

千雪嘅兩位好姊妹岑杏賢與湯洛雯都話表示無論對方有任何決定都會支持她,岑杏賢話好佩服佢,因為讀法律課程好辛苦,而佢可以同時兼顧幕前及學業,覺得佢好叻女。至於湯洛雯話作為朋友佢做想做嘅嘢都作出支持,同樣岑杏賢一樣覺得佢係好叻嘅女仔,工作學業同時兼顧都冇問題。

騎呢冧server 屈居第三

朱千雪為2012年香港小姐季軍,參選時深得網民支持,在多方面民意調查的支持度均領先其他對手,當年無綫電視首次推行一人一票選出港姐冠軍, 朱千雪因而成為大熱,但最後網上投票系統伺服器發生問題,三甲依舊按評判評分選出千雪最終只獲得季軍,而冠、亞軍分別為張名雅、黃心穎。呢件事已經叫觀眾大感可惜呢!

唔少人提起2012年港姐競選,都為千雪只得季軍不值!
千雪BB由出道至今一直是觀眾寵兒,完全是美貌與智慧並重的表表者,在娛樂圈人氣高企之餘,現時更正修讀法律博士學位,小編女神呀~~
朱千雪
朱千雪
當年朱千雪民意調查支持度領先,可惜最終失落冠軍寶座。圖片來源:TVB

朱千雪
朱千雪

圖片來源:TVB

早前他接受《兄弟幫》訪問,佢話:「爸爸媽媽一直都好鼓勵我哋三姐妹咩都去試下,咩都去做下,總之唔係壞事,冇危險就得,所以我參選時都無同佢哋講,因為我知佢哋一定俾,直至入咗十強先打返加拿大同佢哋講。」

高學歷港姐
高學歷港姐

《EU超時任務》入屋

千雪選港姐後加入無綫,參演過不少劇集,如《再戰明天》,但說到其代表作一定係2016年《EU超時任務》!千雪飾演的Madam Ling凌晨風令人留下深刻印象,與渠頭(王浩信飾) 的一段情更是讓觀眾心酸落淚!

可惜Madam同渠頭最後都係…
喺當年台慶頒獎禮中,朱千雪同王浩信都憑《EU》成為視后、視帝大熱,不過最終只獲「最受歡迎劇集搭檔獎」,唔少觀眾都好失望!

真性情鬧爆金剛

今月初播出的第二集《街坊廚神舌戰東京》做嘉賓,千雪與劉佩玥擔任嘉賓,跟主持金剛及小儀大鬥廚藝。期間金剛小儀偷用千雪的冰水,呢個moment千雪要爆啦!勁大聲鬧爆金剛︰「呢邊咁大個水喉你唔開!」嚇到小儀勁驚話︰「朱千雪同平時唔一樣,好惡呀!你明明係好溫柔㗎!」

家底雖厚但愛靠自己

朱千雪家境不俗,8歲時隨家人移民加拿大,於當地著名學府西門菲沙大學畢業,有指她於19歲時已獲從事五金生意的父親送贈兩個市值逾千萬、分別位於小西灣藍灣半島和愉景灣的物業,可謂「唔憂做」。但好學不倦的她仍努力充實自己,去年在中文大學完成企業傳播碩士學位,期間係邊拍劇邊讀書!

富貴
富貴

朱千雪 香港城市大學法律博士學位

千雪BB之後再到城市大學攻讀法律博士學位,,真正體現美貌與智慧並重。

富貴
富貴

朱千雪
朱千雪
千雪BB不單止人靚,又是高材生,現時再於城市大學攻讀法律博士學位,可說是真正的美貌與智慧並重!

朱千雪一邊工作,一邊利用工餘時間溫習,十分勤奮。

朱千雪
朱千雪
朱千雪有高學歷、高收入、高顏值,一直被網民視為女神!

延伸閱讀:

胡杏兒泰國渡假首晒第2胎孕照 網民:陀得超靚!

關注我們Facebook專頁
    相關新聞
      更多瀏覽