Do姐拍廣告爆肚考起農夫
2019年04月02日03:00
Do姐大彈農夫在廣告中扮女人的造型肉酸。

【星島日報報道】鄭裕玲(Do姐)及農夫為保險公司拍攝廣告,昨日廣告短片於記者會首播,農夫在廣告中以女裝示人。席間,農夫大嚷Do姐拍攝時爆肚令他們難以招架,事緣拍攝當日談到退休話題,Do姐一句:「我退休你哋有咩做啊?」更令他們無法回應。陸永直認真的難以招架,Do姐即說:「你哋有時我都招架唔到,呢啲叫互招架。」陸永笑說:「你可以權威壓我哋嘛!你有權威之外,仲有智慧。」問到是否很怕Do姐退休?陸永笑說:「係當日Do姐講出嚟畀我哋去思考!我諗都仲可以唱兩嘴嘅。」

此外,提到廣告中農夫扮女人,Do姐說:「咦!真係好肉酸,太肉酸,個樣都唔親民。」問C君可怕嚇親未婚妻?C君笑說:「我做男人都嚇親人㗎啦!佢應該已經習慣咗。」陸永笑說:「阿嫂係視障加好大膽。」問到Do姐可會出席C君12月舉行的婚禮?Do姐笑說:「當日無咩做咪去囉!我擺抵人情,影張相就走,太夜喇!」C君笑說:「哦,咁你擺抵咗人情,唔影相都得,相我發返畀你囉!」

關注我們Facebook專頁
    相關新聞
      更多瀏覽