憶母遇溺、細佬暴斃 張衛健:感恩天主賜予力量去面對
2019年04月01日21:00

藝人張衛健,除咗係出名嘅孝順仔同好老公之外,係出名虔誠嘅天主教徒。近日,張衛健就現身一個分享會,期間分享咗唔少嘅自身經歷,包括媽媽當年遇溺事件、細佬張衞彝逝世,佢仲自爆曾經結過3次婚,即刻引起全場哄動!

撰文:Kammy|圖片來源:Instagram,微博,Facebook,新傳媒集團資料庫

延伸閱讀:

【內有懶人包】劇透注意!《Marvel隊長》與《復仇者4》4大關聯重點

手指疼痛未必是媽媽手 小心患類風濕關節炎

張衛健憶母遇溺

現年54歲嘅張衛健出名係孝順仔,佢仲不時會分享同媽媽嘅生活點滴。張衛健媽媽2013年曾係游泳時遇溺,更兩度冇心跳脈搏同呼吸。當時張衛健喺杭州拍戲,趕回港期間不斷祈禱,但張衛健坦言,當時「已經打定輸數」,仲搵嚟神父去幫媽媽做一個祈禱儀式。

張衛健
張衛健
張衛健出席天主教分享會

幸好,媽媽經過一輪搶救後,終於都醒返。張衛健仲話,媽媽度過難關後,可以「自己坐喺度食牛肉粥」,令佢放下心頭大石。

張衛健
張衛健
張衛健與媽媽

細佬暴斃 難向母親交代

其後,張衛健更提及細佬張衛彝(Henry)去年逝世一事。講到張衛健同Henry,相信唔少人都會記得Henry曾任張衛健經理人,但後因佣金問題反目,自始兩兄弟關係大不如前。而Henry出事時,被發現昏迷上水獨立屋浴室內,最終證實死亡,終年50歲。

張衛健
張衛健
張衛健提及細佬張衛彝時更一度眼濕濕

當年張衛健同太太張茜正喺泰國旅行,張衛健直言當時「好Shock」,一直唔知道點同媽媽交代,仲話自己曾經寫過好多劇本,但去到個一刻就諗唔到點同媽媽開口,「到底應該係話Henry死咗?Henry過咗身?定係Henry走咗?」後來,太太提議話「Henry返咗去天主身邊」,張衛健認為呢句話最恰當。

張衛健
張衛健
張衛健細佬張衛彝

張衛健返香港後搵媽媽,指當時係一生最緊張嘅時候,因為唔知媽媽會唔會接受唔到。不過,當張衛健交代完後,媽媽竟然十分平靜,欣然接受兒子已經離世,更冇因為「冇因為白頭人送黑頭人而過度傷心」。另外,張衛健亦感恩天主賜予力量去面對事件。

張衛健
張衛健
張衛健與媽媽

自爆曾結過3次婚

眾所同知,張衛健係個「愛妻號」,同太太張茜喺2007年完婚,二人一直恩愛至今。張衛健喺分享會中表示,如果冇信仰嘅話,佢可能「比大鬧天宮時期嘅孫悟空失控」、「感情世界比韋小寶複雜混亂」,可能會變成一個不負責任嘅男人,佢更自爆曾結過3次婚,即刻引起全場哄動!其後佢就急忙補鑊話「3次都係同一個新娘」,仲指信仰令佢可以克服種種誘惑。

張衛健
張衛健
張衛健同太太張茜

張衛健解釋,同張茜第一次結婚已經係十幾年前嘅事,當時佢有住「偶像包袱」,唔想畀Fans洩密,所以就同張茜偷偷到南京註冊,秘密地舉行婚禮。

張衛健
張衛健
張衛健自爆同陋茜結過3次婚

第二次,張衛健因為自己係天主教徒,而想舉行天主教婚禮,剛好太太係菲律賓旅遊大使,就被邀請去當地聖奧古斯丁教堂舉行婚禮。點知婚禮前5日,佢哋被通知由於太太唔係天主教徒,而且未喺香港上婚前輔導課程,所以當地唔畀佢哋如期進行。

張衛健
張衛健

最終,當地都願意借出教堂,但唔可以提供神父。張衛健表示:「最後唔知邊個安排一個唔係神父嘅神父,做戲咁做,真係暈低!」

張衛健
張衛健

第三次,由於張衛健對菲律賓婚禮耿耿於懷,最終喺修女提議下,喺香港再次舉行婚禮,不過今次就只有自己、太太、媽媽、修女同執事,一共5個人喺教堂內完成。

張衛健
張衛健

張衛健陪媽媽捉棋鋪鋪輸 背後原因被網民大讚

「大帥哥」張衛健係一個重情義嘅人,佢一向都非常愛護家人。眾所周知,張衞健十分疼錫老婆張茜,但其實佢都好愛錫八旬母親。呢日,張衛健就上載兩張同媽媽玩波子棋嘅相片,相中媽媽好專注咁捉棋,而佢就耐心地等媽咪慢慢諗,佢仲話同媽媽捉棋次次都輸!

張衛健
張衛健

不過,其實張衛健一啲都唔介意輸贏,因為捉棋可以鍛鍊媽媽腦筋,亦都可以多陪老人家,佢喺社文網站留言指,「陪我媽下棋,十局有十局都是我輸的,因為她老人家的步法是亂走的,不過重點是想她多動動腦筋。這就是大帥哥背後的簡單生活。」唔少網民見到呢個情境,都大讚張衛健十分孝順同好乖仔,仲展現出鐵漢柔情嘅一面!

張衛健
張衛健

張衛健
張衛健
張衞健喺社文網站留言指,陪媽媽捉棋,十局有十局都係佢輸

陪伴是最重要

除此之外,孝順仔張衛健早前帶媽媽到花卉巿場買花,返到家仲陪她插花,更留言指:「我認為對於老人,我們的陪伴是最重要的。」自13年媽媽游水遇溺危殆,身體機能一直下滑,張衛健比已前更珍惜同媽媽相處嘅時光,平日佢一有時間,都會陪媽媽做佢喜歡嘅事,如游泳、食飯等。

張衛健
張衛健
帶媽媽到花卉巿場買花,返到家還陪她插花
張衛健
張衛健
他更珍惜與媽媽相處的時光,平日他一有時間,都會陪媽媽做她喜歡的事,如游泳、食飯等

延伸閱讀:

【母乳教室】餵母乳戒口清單+上奶食材大檢閱

關注我們Facebook專頁
    相關新聞
      更多瀏覽