遊日前必須注意!日本Google Map大混亂 定位舖名咩都錯!
2019年03月26日15:36

【日本google map】無論去邊玩,鍾意自由行旅遊嘅大家,必不少得用手機嘅地圖功能幫手定位搵路。最近日本就傳出Google同ZENRIN公司解除關於地圖資料嘅合約,令Google Map上一片混亂!唔止道路消失,就連鐵路路線都只得返半條⋯搞到日本網民個個都叫苦連天!

撰文:C @ Gotrip|編輯:BAG|圖片:Twitter

延伸閱讀:

《Marvel隊長》貓咪Goose新添戲份! Kevin爆Goose在《復4》仍活著|新蚊娛樂|

《Marvel隊長》2週內全球爆7.6億美元票房 邊個仲話嬸嬸唔好睇!|新蚊娛樂|

日本Google Map大混亂

上星期開始,日本社交網絡陸續出現「Google Map上嘅山路、小路、巴士站全部消息」、「建築物嘅資訊變舊咗」、「道路嘅形狀、名稱同地形都好奇怪」等等報告。網友發現本來寫喺地圖右下角嘅版權標籤「ZENRIN」消失咗,變成「地圖資料©2019 Google」。相信係由一直使用緊嘅日本國內大型地圖出版製作公司ZENRIN嘅資料,換成由Google自己製作嘅地圖資料而導致嘅混亂。

日本Google Map擬推出新功能而更新地圖資料,不過就導致咗大混亂狀態!

計劃推出離線地圖新功能

Google於3月6日公佈會更新日本Google Map,目的係為咗製作更清晰易明嘅導航功能、轉乘資訊、地圖下載功能等等更新。考慮作為新機能之一嘅「offline map」可以事前下載地圖,並喺離線狀態下都能夠使用到,但日本就因為「合約上的限制」而一直冇推行。Google方面就未有公布同ZENRIN解約一事係咪屬實。

「offline map」可以事前下載地圖,並喺離線狀態下都能夠使用到,但日本就因為「合約上的限制」而一直冇推行。

日本網民:道路、巴士站都唔見晒⋯

日本Twitter上,唔少Google Map用家都上載咗「謎之地圖」嘅截圖,發現唔少山路、線路、電車車站嘅訊息都錯晒,唔係道路消失,就係電車喺湖/海面上行走,錯到離晒譜。

網友:難得建好嘅電車路線竟然被cut咗一半⋯⋯

網友:市谷站個車站月台都冇埋,連豐川稻荷站都消失埋⋯⋯

網友:Google Map上嘅市谷站完全被水淹了⋯宮島松代汽船渡輪碼頭喺海中心⋯

網友:Google Map同ZENRIN解約,導致咗「博多站」嘅死亡。(車站誤名)

網友:唔知關唔關Google Map劣化事,我發現伊豆有間海中餐廳!

網友:Google Map劣化令茂庵變咗陸地孤島,前往茂庵嘅難度又上昇咗一層。

目前Google Map方面已經進行修復,但各位習慣便用Google Map幫手搵路嘅朋友,最好就暫時用另外嘅地圖app幫手啦!避免越跟越唔知自己去咗邊,阻礙咗行程。

延伸閱讀:

Marvel隊長真結局曝光 剪接師:Captain Marvel原版結局都唔知做乜!|新蚊娛樂|

關注我們Facebook專頁
    相關新聞
      更多瀏覽