影帝出巡 張家輝變食客打卡位
2019年03月25日22:32

自由行一場嚟到香港,打卡食飯走唔甩都係嗰幾度。正如香港人去日本旅行,唔排過隊唔幫襯過老店,點叫去過呀?話說中環出晒名間牛腩麵店日日都大排長龍,絕無誇張!條龍係就係長啲、食碗麵係就係曲折啲,不過今時今日除咗有自由行幫襯,仲有班港人和忠心耿耿明星食客,幾十蚊食碗麵再睇埋明星,仲唔超值?

撰文:東方新地 │ 圖片:新傳媒圖片

延伸閱讀:

豪搞百萬百日宴 李亞男拒修趕追仔

岑麗香宣布囝囝Jacob出世 「BB好大陣XX味!」

張家輝 變食客打卡位

早前喺中環呢間牛腩麵店遇見一個奇景,話說當日行經店外突然聽到一陣哄動,又尖叫又歡呼,唔知以為去咗紅館睇騷,點知望真啲,就發現有人戴住副超掩沒喺人海之中,原來係張家輝一支公嚟食牛腩麵。

張家輝
張家輝
名店之所以係名店,皆因真係有唔少明星名人食客幫襯開,中環間牛腩麵店就經常有巨星食客撐,日前就野生捕獲張家輝。
張家輝
張家輝
食飽飽等車走人,雖然張家輝戴晒黑超掩晒嘴,不過陣巨星除擋都擋唔住,冇耐店外條人龍已經發現影帝真身。

喂呀,野生捕獲影帝出巡喎,當堂連隊都唔使排、麵都唔恨食,成條人龍亂晒一味圍住佢,人人都爭住影番張selfie嗲番兩句。粗略估計,嗰度閒閒地一百幾十個自由行,團團圍住搞到水洩不通,難得張家輝一啲都冇唔耐煩,仲處變不驚保持笑容企定定做布景板任人打卡,呢啲咪大將之風囉!

難得家輝夠友善,被影迷認出仲笑笑口手指指同大家寒喧。

張家輝
張家輝
男男女女蜂擁而至,難得家輝依然笑容滿面,任影唔嬲。

掩沒人海

轉個頭一百幾十個自由行連隊都唔記得排,團團圍住家輝爭影相,當正佢係布景板,場面幾近失控。

足足擾攘咗十幾分鐘等刊到司機到,家輝才能安全甩身返歸。

同場加映:

張家輝13歲囡囡張童 亭亭玉立似關詠荷

張家輝同關詠荷結婚16年恩愛依然,二人育有一名女兒張童(Brittany),轉眼就已經13歲。日前大年初一,張家輝帶埋老婆同囡囡一齊去粵劇名伶白雪仙屋企拜年,見到張童而家已經亭亭玉立,似足媽咪後生版,個鼻就似爸爸張家輝,儼如爸爸媽媽嘅混合體。

原文刊於:Sundaykiss|圖片來源:汪曼玲Facebook

張家輝 13歲囡囡亭亭玉立

大年初一,好多名人都會四出拜年,而張家輝就同老婆關詠荷帶同囡囡張童去仙姐屋企拜年,13歲嘅張童久未露面,轉眼間已經亭亭玉立,網民仲話張童似足媽咪後生版,不過個鼻就似爸爸。

細細一睇,張童就嚟高過媽咪,唔知會唔會遺傳埋爸爸媽媽嘅演藝細胞,大個之後加入娛樂圈?

汪曼玲、陳寶珠

入住1.3億豪宅 張家輝、關詠荷平養餅印女

我們都是睇「娥姐」關詠荷大的,可惜06年生下獨女張童(Brittany)產量大減,繼13年無綫劇《情逆三世緣》後,直情絕跡幕 前,想睇關詠荷?惟有去半山、超市、仲有學校區博一鋪野生捕獲!

娥姐近年專心相夫教女,做張家輝背後女人,去年一家三口搬入 1.3億老牌豪宅嘉慧園,不過生活同養女日常繼續平實慳儉應使則使,久違了的娥姐,去到邊一樣咁貼地!

撰文:東方新地|圖片:新傳媒圖片庫、滕麗名instagram

97年關詠荷憑《苗翠花》成無綫視后, 獲張家輝吻賀。

話就話最緊要劇本啱,自己唔抗拒復出拍劇、老公張家輝亦都話無反對,實情係54歲關詠荷離幕前愈嚟愈遠,全副心機用在相夫持家,同培育12歲獨女Brittany。早年有傳關詠荷一心鋪排送Brittany入頂尖大學,入讀一年基本學費10萬起跳的一條龍國際學校,平時又精揀七個碩士生為個女各科補習。

張家輝
張家輝
張家輝戲接戲密密賺錢養家,有指現時家輝片酬高達二千萬一部片。

雖然關詠荷否認「七大碩士生專人補習」一說,不過據知情人士透露,Brittany資質優異喜愛閱讀,加上媽媽全天候陪讀教養,一直成績名列前茅,的確係學校品學兼優高材生。除了讀書叻外,原來女兒亦遺傳父母演藝細胞,年紀輕輕已有興趣入行,據知情者透露:「Brittany對嗲哋工作非常好奇,喺學校都有學Drama,又鍾意睇網上YouTube影片學人做戲,不過,家輝同老婆覺得佢 仲細,想佢專心學業先,一路反對佢入行!」

張家輝
張家輝
前年張家輝首次以個人名義置業,用1.3億購入老牌豪宅嘉慧園的三千呎單位,去年初一家三口到鄰 居白雪仙家拜年,可見12歲Brittany愈大愈似爸爸。

三遷為個女

由西貢村屋搬入貝沙灣、去年張家輝再一改往常買樓投資靠老婆習慣,首次以個人名義置業,一 家人搬入半山老牌豪宅、三千多呎嘉慧園單位,同前特首董建華、仙姐白雪仙做鄰居。

嘉慧園

雖然住半山,難得生活繼續貼地,平時關詠荷同一般人妻無異,趁住囡囡返學上堂,親自去超市入貨買餸。買 完餸交畀司機時間校得啱啱好,就接放學趁機同Brittany傾吓母女心事。老竇張家輝雖然不在場,出 名餅印的12歲Brittany愈大愈似爸爸,十足十迷你張家輝同關詠荷拍拖一樣!

慳著爛衫

眨吓眼,張家輝、關詠荷的獨女張童(Brittany)已經12歲, 雖然家住億聲豪宅,但母女打扮樸實,囡囡件衫穿 了個洞照著可也,相當慳儉!

貼身湊女

兩公婆投資有道又搵到,不過有錢唔代表就要揮霍,兩母女由銅鑼灣行到跑馬地,邊行邊window shopping傾唔停,媽媽 一連幾個月都揹住同一個背包、囡囡手中就攬住得意公仔用品,簡簡單單已經樂趣無限!

兩母女有講有笑由銅鑼灣行到跑馬地,Brittany手中攬實個公仔用品,似係貼地媽媽關詠荷購入。
投資有道、 入住豪宅,張太卻 一如既往樸素,大半年來多次被鏡頭捕獲,都係孭住同款簡潔背包。

陪女返學放學以外,關詠荷日常與一般 人妻無異,空閒時親自行超市買餸,早 前就一個人去到銅鑼灣CitySuper入貨。

一身氣質打扮貼地不招搖,張太仲有 一樣好,就係入貨自備多個購物袋, 夠晒環保。

趁住囡囡返學去超市買餸,入完貨關詠荷call定司機在 商場後門等候,時間較得啱啱好去接女放學。

首屆視后

家陣心甘情願做影帝張家輝背後女 人,全副心機培養高材生囡囡,實情淡 出前關詠荷唔止係無綫萬千星輝頒獎典 禮首屆視后,過檔前亦一早係亞視當家 花旦,當年套套劇擔正做女一時,男友 張家輝只薄有名氣!

關詠荷 歐陽震華 活動中重聚

早前,關詠荷(Esther)出席出席黃智賢的鋪頭開張活動,並遇上歐陽震華及滕麗名等多名90年代小生花旦,不禁令人聯想到三人當年的經典劇集《陀槍師姐》。Esther於活動中表示見到一班朋友好開心,「好似番咗Tvb開廠一樣咁熱鬧。」

關詠荷
關詠荷

關詠荷滕麗名玩自拍

同場的滕麗名更與關詠荷影張自拍照,並留言指:「見返好耐冇見嘅Esther 娥姐,轉眼廿數載尤像昨日,大家外貌沒多變,高興是各人也組織了家庭生活健康快樂,提醒了我人生就這樣已過了大半輩子………」

歐陽震華大爆自己去「微調」

另外,在活動上,Bobby大爆自己係最近去咗「微調」,Bobby笑說:「大家唔覺得我唔同咗樣咩?我就係微調到漲咗,我以前瘦過頭,所以就要微調一下塊面,圓番少少就親和多一啲。」

但同場出席開幕活動的關詠荷、歐陽震華呢個《陀槍師姐》的組合一出現,就勾起很多人的回憶,Bobby更爆自己曾經遊說Esther再拍電視劇:「就是《情逆三世缘》,拍得太辛苦了,所以她就不拍了。」

關詠荷
關詠荷

關詠荷想再拍劇

近年Esther主力照顧屋企人,久未復出拍劇並有新作品帶俾觀眾,故問及會唔會想拍番劇,Esther就話:「之前冇呢個想法,但啱啱行入嚟嘅時候見到咁熱鬧,突然間有一個想法,都可以開番一部戲嚟拍,因為可以懷念一下以前喺廠嘅日子。」

關詠荷
關詠荷

關詠荷望拍科幻版《陀槍師姐》

反而,Bobby就笑言指自己想趁觀眾仲認得自己時,再拍《陀槍》系列,關詠荷同時亦指若有好劇本一定再出山拍劇,亦想與Bobby再度合作,但若有下輯,她想演來自外太空兼有超能力的師姐,真有創意力!

關詠荷
關詠荷

《陀槍師姐》小回顧

1998年的《陀槍師姐》可謂TVB經典神劇之一,當年關詠荷飾演朱素娥一角,形象非常深入民心,因而其後香港唔少觀眾都會以「娥姐」代稱關詠荷。

關詠荷
關詠荷

《陀槍師姐》中,除了有關詠荷做女主角之外,滕麗名亦有份演出角色「三蚊雞」

關詠荷
關詠荷

當年的《陀槍師姐》除了令關詠荷走向事業的高峯,更成為了當年「影幕上十大理想警察」的唯一女性得獎者。

關詠荷
關詠荷

而男主角Bobby於劇中飾演「警界神槍手」陳小生,更與關詠荷飾演的朱素娥由最初好似貼錯門神一樣,到後來慢慢變成互相產生情愫,成為男女朋友。

高海寧轉新髮型同關詠荷撞哂樣

高海寧 (高ling) 最近為TVB新劇《殺手》轉新look,將原本到膊頭嘅頭髮一下子再剪短啲,兼換上一頭橙粉色的one-length新髮型,成個人望落感覺即時醒神哂之餘,仲要勁新潮!啱啱換咗個新髮型就梗係即刻影番幾張相同大家開心share吓啦!

唔止咁,高ling仲將近乎完成變髮嘅短片放上個人社交網,原來係燈光嘅照射下,髮型師將高ling個頭漂至金色。

再剪一剪頭髮,高ling𣊬間變成短髮金毛ling,望落都幾有型喎!

高海寧同關詠荷撞樣

不過,原來個髮型最終完成係橙粉色,非常特別!高ling仲特登影四格相俾大家睇真啲,唔知係咪角度問題,高ling淡妝加埋個新髮型突然好似同關詠荷撞樣咁,唔少網民都留言話指佢勁似娥姐!

View this post on Instagram

🧡New Look。Like it? @dydy_11 #peachyhair #peachymakeup #newhaircut #newlookforsummer #殺手 #林森森

A post shared by Ko Ling 高海寧 (@sammkoling) on Aug 27, 2018 at 9:23am PDT

關詠荷之前都試過剪個one-length髮型,望落兩個人又真係有幾分相似喎!唔知大家點睇呢?

延伸閱讀:

38歲鍾欣潼孕味濃疑成功造人 鬆身衫遮肚兼推滑雪之旅!

關注我們Facebook專頁
    相關新聞
      更多瀏覽