【絕世好爸爸】自閉兒子將升讀中學 陳錦鴻四出揾學校
2019年03月19日17:00

藝人陳錦鴻早年為咗照顧被評估為自閉症及中智智障嘅囝囝陳駕樺,而宣布全面停工,但隨著囝囝慢慢長大,錦鴻都出返嚟拍戲。近日,陳錦鴻出席節目錄影時表示,自己最近都比較忙,因為除咗工作之外,亦要四處幫囝囝揾中學,希望可以揾到個面試機會。

撰文:Kammy|圖片來源:新傳媒圖片庫、微博

延伸閱讀:

【台灣親子遊】台北親子旅館 玩樂空間+免費寄明信片

【親子好去處】荃灣多元化親子餐廳 親子小廚神Workshop+互動裝置訂製個人化薄餅

囝囝將升中陳錦鴻四出揾學校

有「絕世好爸」之稱嘅陳錦鴻早前為咗照顧現年11歲、患自閉症嘅囝囝陳駕樺,已經冇拍劇多年,但最近錦鴻都開始復出,為ViuTV拍攝劇集同遊戲節目錄影等。唔經唔覺,陳錦鴻嘅囝囝即將升讀中學,錦鴻近月都忙於幫囝囝揾學校。佢表示,已經喺屋企為囝囝進行模擬面試,而且拜託人幫手搵學校。

陳錦鴻
陳錦鴻
陳錦鴻一家三口

訓練囝囝逆境自強

陳錦鴻指,雖然暫時未揾到學校取錄駕樺,但認為呢個都係一個過程嚟,又指自己最想喺囝囝8歲時開始受到打擊,以培養佢逆境處理,調適佢點樣面對負面情緒。錦鴻又認為雖然依家起步得比較遲,但都唔緊要,「令佢明白自己唔係好叻,都要面對被人揀。」陳錦鴻續指,自己有四出拜託校長、老師等給予囝囝面試機會,「就算個仔唔成功都好,但我都想畀佢試下有第二次面試經驗,想畀佢有個成長過程學習。」

陳錦鴻喜見囝囝長大

囝囝陳駕樺經歷面試失敗,但整個過程都有一家人陪佢一齊去面對,包括預備面試、睇新聞等。陳錦鴻坦言囝囝有因此而緊張到失眠,但卻令佢喺3個月時間成熟同獨立咗唔少,好似大咗2、3歲咁,而最大嘅改變係囝囝依家願意獨自一個瞓教,令錦鴻大感欣慰。

陳錦鴻太太杜雯惠同囝囝

陳錦鴻多年嚟都照顧得駕樺十分好,一直以嚟都唔會過分保護囝囝,願意畀個仔試唔同嘅事,佢更表示,即使駕樺唔鍾意讀書,可以喺15、16歲就出嚟做嘢,按自己嘅興趣去做,作為父母嘅都會盡力配合佢,十分開明!

0
0

好男人典範

陳錦鴻、鄧萃雯將會合作參演ViuTV劇集《婚內情》,劇中陳錦鴻會飾演一名出軌畫家,佢話自己結婚15年,一直盡量唔拍親熱戲,為唔想令太太杜雯惠唔開心,仲話親熱鏡頭可免則免,令到屋企人唔開心就唔好。今次復出,都係喺太太支持下「攞正牌出軌」!

陳錦鴻
陳錦鴻

陳錦鴻已經冇拍劇4、5年,依家駕樺就讀六年級,唔使爸爸陪,時間多咗。加上囝囝而家11歲,正藉青春期,開始對異性好奇,而家可以揸住個劇本,同佢解釋男女間嘅關係,個劇題才貼地,啱晒佢做教仔嘅教材,所以就決定出山喇!

0
0

阿仔已經諗定生仔叫咩名

雖然駕樺只係得11歲,但係而家已經諗住要結婚生子,仲為將來嘅囝囝改好名,叫做「陳小虎」。早前父親節,個仔冇表示,於是陳錦鴻就扮成孫仔『陳小虎』打電話畀駕樺,同佢講:「父親節快樂!」。收咗線之後,駕樺就立即打電話畀錦鴻講:「父親節快樂!」所以陳錦鴻覺得,而家教導年青人係唔需要打同鬧,反而要諗有咩辦法,可以誘導到佢哋自動自覺!!

杜雯惠陳錦鴻 : 請給予自閉童多點耐性

自閉症兒童因為不懂表達自己,因此有機會被外界排擠。為了照顧患自閉症的兒子,陳錦鴻和Ada減少工作全天候照料,知道兒子不喜歡擠迫嘈吵的環境,大時大節都會一家人靜靜的過,培養兒子其他興趣。現已是小五生的駕樺,特別喜歡閱讀,最近更愛上打乒乓球及短片製作,令陳錦鴻和Ada感到鼓舞。Ada對兒子的發展充滿信心,唯獨人際關係仍需改善,由於兒子難以表達自己,令他在學校受到同學排擠,甚至欺凌,在這方面Ada花了最大心力教導,她希望兒子學習社交之餘,其他同學也學懂共融,因為校園就是社會的縮影,社會就是充滿不同類型的人。

陳錦鴻
陳錦鴻
杜雯惠大讚老公好顧家,多年來為妻兒勞心勞力,父子情深得猶如熱戀中的情侶,「有咩好得過見到老公同個仔咁愛大家,個仔每一日都話『我好愛你呀爸爸!』老公又話︰『我好愛你阿仔!』見到咁已經係我最大滿足感。」

由於社會文化有變,Ada認為現在校園欺凌的情況比以前嚴重,令她近年積極推廣相關教育,她認為社會大眾不應只關心受害者,欺凌的一方背後亦可能有家庭問題。「本身個小朋友開心,點會透過蝦人去得到快樂?一定係佢屋企有問題,或者有啲事影響到佢。」

陳錦鴻
陳錦鴻
陳錦鴻與駕樺父子情深,即使到外地工作也不停打視像電話,見少一面都不行。
陳錦鴻
陳錦鴻
兒子開始踏入青春期,陳錦鴻笑他識得貪靚,嚷着要減肥,還講到將來想結婚生仔。

陳錦鴻
陳錦鴻
陳錦鴻為照顧兒子停工多年,看到兒子開始懂得照顧自己終鬆一口氣,有興趣再拍劇,但不能演奸角,怕分析力較弱的兒子會誤會。

訓練孩子面對言語欺凌

Ada坦言兒子在學校「有畀人蝦」,主要是言語上,有時是兒子出問題在先,令同學有說話。但她不能事事出面擺平,要教導兒子如何面對和解決輕微的欺凌。「我問佢你想唔想畀人蝦?唔想就下次咁做就得㗎喇,你試吓吖!如果佢面對嚴重欺凌,令佢身體同心靈上受到好大打擊,咁我當然要處理,但暫時都冇,學校嘅小朋友都好乖,即使有啲同學會蝦佢,但好多同學都對佢好好。返到屋企佢會同我講學校嘅事,今日同學點樣,講完佢就去玩,第二日又開心返學,證明呢啲事對佢影響唔大啦。」

陳錦鴻
陳錦鴻
Ada表示與陳錦鴻的夫妻相處之道是互相包容,要記著對方的優點,不忘初衷,「要諗番當初點解你會揀呢個人。」

她建議同路家長,當知道小朋友遇到校園欺凌時,要想清楚三件事:對小朋友的影響、小朋友是否有責任、能否自己解決。「如果影響好大,當然要介入處理。校園係社會縮影,我哋始終要畀小朋友及早面對,我哋唔會永遠喺小朋友身邊,將來大個佢面對呢啲事,唔會係你幫佢投訴同鬧番人,佢都要自己處理。」

因為Ada有讓兒子打機、看短片,令他與同學之間多了話題。

為照顧自閉兒 全面停工

陳錦鴻 和老婆杜雯惠於04年結婚,07年誕下兒子陳駕樺。不過夫妻兩人發現兒子在2歲大的時候仍未會說話,於是便聘請語言專家為兒子提供治療,後來在4歲那年,發現原來兒子患有自閉症,不但學習能力緩慢,而且與人溝通也有障礙,情緒亦較容易波動,加上出現過度活躍徵狀。於是陳錦鴻決定放下一切,全面停工,將所有時間投放到兒子身上,陪伴他成長。陳錦鴻曾表示,本來打算最少生三個,但為了全力照顧兒子,唯有把生育計劃拖延,去年他坦言造人大計已展開,不過尚未成事,一切都是睇天意啦!

換個方式去愛「你」

多年來負起照顧兒子的責任,頗為不易。為了讓兒子能在一個舒適和輕鬆的環境下成長,陳錦鴻選擇搬離鬧市,移居到鄉村生活。而且每星期均親自帶兒子去接受言語治療。陳錦鴻表示最初駕樺是完全不搭理自己,亦不會叫他,令他感到非常苦惱。後來他改變了與兒子互動的方式,例如改以唱歌、手機錄獨白等方法,去加強父子之間的溝通,花了約1年的時間,兒子的情況終得到改善。

陳錦鴻
陳錦鴻

給予無比耐性 未曾想過放棄

陳錦鴻又謂單是教兒子上廁所都花了5年時間,但他不曾想過放棄。他指:0至8歲是自閉症兒童的黃金期,雖然需要花很多的心力和時間,但為了兒子,卻是在所不惜。另外,陳錦鴻和太太更親自做了兩本關於生活自理的圖書給兒子,夫妻兩人將一些日常生活的行為,如:洗面,穿鞋和梳頭等親自示範一次,並且拍下來,讓兒子能將這些小事記下來,慢慢教會他。

囝囝考獲全級第一 想成家立室

夫妻兩人為了兒子,可謂煞費苦心。不過皇天不負有心人,努力終會有成果,現在兒子不僅在主流學校學習,而且精通數學、繪畫和音樂,更曾考獲全級第一。陳錦鴻又謂:「過去幾年一直教兒子己所不欲、勿施於人,現在教他男人要工作才能養妻活兒,唔可以餓死老婆瘟臭屋,結果被兒子叫我去工作。」另外,又大爆兒子已有成家立室的念頭:「他也說要去工作和結婚生仔,因為去年他已經表示有女朋友,情人節我們還準備了禮物讓他送給那個女仔,最搞笑是他已經替將來的孩子命名為小虎。」

79cd3ca5jw1ei4cx88rwxj20b30820ty
79cd3ca5jw1ei4cx88rwxj20b30820ty
駕樺考獲全級第一

陳錦鴻
陳錦鴻

陳錦鴻
陳錦鴻
以前一句話都不說,現在可以在眾人面前朗誦
陳錦鴻
陳錦鴻
駕樺的畫作
陳錦鴻
陳錦鴻
陳錦鴻和太太所付出的心力,令兒子的自閉症情況得以改善,確實非常勵志,感動了不少人。就如杜雯惠所說:自閉症學童絕對不會絕望。

延伸閱讀:

【母乳教室】新手媽媽餵母乳/人奶必知的6件事

關注我們Facebook專頁
    相關新聞
      更多瀏覽