【經一專欄】診所職場事 【寶豬趣聞】幾十歲人張醫療卡 |珍寶豬
2019年03月14日16:48

【經一專欄・診所職場事】有日一位小姐嚟到~佢行到埋嚟淨係一味望住我…

我:「睇醫生嘅麻煩俾身分證明文件我登記啊」

佢遞出一張醫療卡。

我:「你未喺度睇過嘅係咪?呢張卡我哋唔收㗎~如果你要睇嘅,我哋可以開返收據俾你」

撰文:珍寶豬

延伸閱讀:

【創業淘金】由記者轉做廚師 遠赴泰國學藝 想客人要食船麵就記得我們 |船長泰國船麵工房

【財政預算案2019】財爺派糖完整版 睇你攞幾多 減四季差餉 退稅上限2萬元|陳茂波|財政司司長

佢立即發爛渣亦得,得咗:「我做咗幾十年人都唔知會有診所唔收我張卡囉」

凡事總有第一次,驚喜嗎?有破處嘅感覺嗎?

我:「係呀我哋唔收啊~如果你要用醫療卡最好打返電話上去問客戶服務附近有邊間診所收~」

佢:「你對眼咁細係咪睇唔清呀?我張卡唔係cheap嘢嚟喎」

你個人cheap嘛。人身攻擊係唔要得嘅行為啊!

我:「我哋唔係張張醫療卡公司都有合作嘅,唔關cheap唔cheap事嘅~」

佢:「我嚟到你話唔收,我可以點呀而家?」

一係你扯,門口嗰邊~一係就拎銀包出嚟俾錢。仲有咩揀呀?

我:「我哋可以開返收據俾你~你睇完就俾現金」

佢:「喂,你望吓我」

嗯,望咗,唔係太美麗。

佢:「我都唔細啦可?」

已經唔係唔細咁簡單啦。

佢:「我真係未聽過未見過亦唔知道會有一間診所係唔收我張卡囉!我張卡大公司嚟喎」

我:「小姐,我哋的確係唔收你張醫療卡,如果你真係想用嘅,你去搵返啲收你張卡嘅診所睇啦~又唔係得我哋一間診所」

佢驚訝我趕客而不作出任何挽留:「你講呢句就得啦,免費我都唔會嚟呀」

收皮啦,我哋醫生都唔會免費睇你啦,幾十歲人都唔化~

延伸閱讀:

【創業淘金】香港富豪榜大執位 蠔油大王李文達 身家逾1,300億元排第三

關注我們Facebook專頁
    相關新聞
      更多瀏覽