【未來香港小姐】囡囡扮公主似陳茵媺 網民:勁有冠軍相
2019年03月14日18:23

藝人陳茵媺(Aimee)同老公陳豪結婚6年,育有2子1女,一家五口一直都畀網民熱捧。貴為2006年香港小姐冠軍嘅Aimee,呢日就上載咗囡囡扮公主嘅相,仲同自己當年選港姐嘅相合拼,真係成個餅印咁,同媽媽一樣有港姐冠軍相!

撰文:Kammy|圖片來源:Instagram、新傳媒集團資料庫、微博

延伸閱讀:

【親子好去處】復活節必去 愉景灣沙灘獵蛋奇兵| 附登記詳情

預防妊娠紋 先控制體重

囡囡扮公主超似陳茵媺

陳茵媺係選美出身,喺2006年獲得香港小姐冠軍及國際親善小姐,繼而入行。2013年下嫁喺拍劇時認識嘅陳豪,婚後生咗大仔陳梓燁(Aiden Joshua)、二仔陳浩鋒(Nathan Lucas)同囡囡陳凱婷(Camilla)。唔經唔覺,囡囡Camilla依家已經兩歲啦,近期仲開始鐘意扮公主,真係愈大愈靚女!

陳茵媺
陳茵媺
陳茵媺一家五口

動畫《魔雪奇緣》近年深得小朋友嘅喜愛,就連陳茵媺囡囡都唔例外。呢日,陳茵媺就喺社交網站到分享自己終於屈服咗買套Elsa套裝畀囡囡,仲上載埋Camilla扮Elsa嘅相,相中囡囡戴上皇冠,手持權杖,仲有戴埋戒指同頸鏈,超可愛!

陳茵媺
陳茵媺
陳茵媺細女Camilla扮Elsa,真係好可愛!

有咁得意嘅相當然要同好朋友Share啦!陳茵媺隨即將相片send畀好姊妹朱凱婷(Heidi),點知對方竟然即時諗起Aimee當年選美嘅相,仲將兩張相合拼埋一齊!Aimee更以英文留言:「買咗套Elsa皇冠套裝畀佢(我終於屈服了)之後,我影咗右邊張相仲Send埋畀我朋友,因為佢真係好可愛…😜然後我嘅好朋友製作咗呢張拼貼畫,大家睇下佢send返咩畀我!😂😂感謝親愛的朱凱婷畀咗個充滿歡樂嘅早上我!❤️ 」

陳茵媺
陳茵媺
Camilla同陳茵媺真係好似樣,一樣咁靚女!

囡囡勁有港姐冠軍相

唔少網民都覺得Camilla同Aimee真係好似樣,成個餅印咁一樣咁靚女,一樣有港姐冠軍相!唔知Camilla大個之後會唔會好似媽媽咁去選美呢?

陳茵媺
陳茵媺
陳茵媺係選美出身,喺2006年贏得香港小姐冠軍及國際親善小姐
陳茵媺
陳茵媺
Camilla真係愈大愈靚女

其實Camilla同Aimee細個個時都真係好似樣㗎!

陳茵媺
陳茵媺

陳茵媺
陳茵媺

延伸閱讀:

【親子好去處】佐敦一日遊 帶你食盡特色美食

關注我們Facebook專頁
    相關新聞
      更多瀏覽