董敏莉愛女百日宴 子子貪靚有性格
2019年03月14日18:23

藝人董敏莉(Monie) 榮升媽咪之後,一直專心湊女,日前別出心裁幫愛囡莊子子Martha攪pizza百日宴,與家人齊齊慶祝。Monie就話子子飽飽面,因此舉行Pizza派對迎合主題:「其實都係家人食飯,大家都係旨在見吓子子,佢呢晚表現都唔差,比陌生人抱都冇乍型,睇黎佢遺傳咗我外向的性格。」

Monie 不時在社交媒體上載囡囡可愛照片,不過媽咪就成日笑指愛囡似男仔,所以Monie在百日派對上,諗住幫子子帶番個喱士頭飾,可惜囡囡似乎唔鍾意,幾經爭扎自行脫掉:「其實佢一百日人仔,都已經好有性格,唔鍾意都逼佢唔到!可能佢好貪靚,覺得今日造型唔多襯,睇黎爸爸要努力搵錢比我地買衫Shopping,滿足我地兩母女購物慾喇。」

Monie 仲大爆愛女成為「小富婆」,將利士儲起留待做「嫁妝」:「我同老公都講咗大家不要做禮和送禮物,不過大家好疼錫子子,當中還有不少首飾,會好好收藏,希望子子將來金銀滿屋喇,到時我抱孫比佢一代傳一代!不過我都唔敢諗太多,依家已經覺得佢大得好快,有啲唔捨得啦。」

原文連結:

董敏莉愛女百日宴 子子貪靚有性格

相關文章:

【UTO娛樂】鄧乙己: 馮盈盈(FYY)的八字

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽