離巢即嫁人!34歲沈卓盈宣佈婚訊
2019年03月13日16:40

現年34歲嘅沈卓盈早前離巢無綫,之前話時間啱就會結婚,估唔到今日佢宣佈婚訊,仲公開同老公Calvin嘅甜蜜浪漫婚照㖭,恭喜晒!

撰文:東方新地 圖片:沈卓盈IG、新傳媒圖片

延伸閱讀:

遭連番追問家事!呂慧儀拒回應 記者居然講呢啲⋯

陳松伶人生低谷幸遇老公張鐸 坎坷童年 被騙積蓄 曾患抑鬱…

34歲沈卓盈宣佈婚訊

沈卓盈喺IG上載婚紗照並留言:「從不期望驚天動地的愛情,只求細水長流的甜蜜。不知不覺間原來我們的緣份源於十年前的一面,可是種子並沒有在那一刻萌芽。猶幸上帝的安排、緣份的牽引,令我們在四年前的那一天再次重遇,讓彼此加深了解,一起學習,一起成長,再一同走向人生的新一頁,成為相依相伴的伴侶。❤」

據知二人喺上年年尾去咗巴黎和英國影結婚相,當然唔少得喺巴黎鐵塔下留倩影,非常浪漫!

沈卓盈接受傳媒訪問透露男友上年年中求婚,過程開心又浪漫!而佢好鍾意法國及英國,所以婚照都喺呢兩個地方影,佢仲話暫時以工作為先,對生BB佢話講緣份。

電視圈近年女團當道,早年有佘詩曼為首的「七魔女」,後有胡杏兒領軍的「胡說八道會」,不過最炙手可熱的可算是「少婦聯盟」。陳凱琳(Grace)、龔嘉欣(Katy)、譚凱琪(Zoie)、沈卓盈(Jessie)戲裡戲外更成為好友,friend到成立閨蜜團「少婦聯盟」,正所謂「三個女人一個墟」,四個圍埋嘈就一定啦,不過她們之間卻多了一份愛。少婦聯盟最近喜事重重,之前陳凱琳添丁,依家到沈卓盈結婚,真係恭喜晒喇!

沈卓盈
沈卓盈

沈卓盈
沈卓盈
由陳凱琳、龔嘉欣、沈卓盈及譚凱琪組成,不同性格背景的四人走在一 起,卻默契十足,是非欠奉,陳凱琳話:「因為我哋四個真係唔係好是非嘅人。」
沈卓盈
沈卓盈
早前沈卓盈等「少婦聯盟」為紀念成團一年,搵攝影師化妝師仲book埋酒店房影了多輯噴血性感照,除了穿上黑色泳衣在浴缸內擺pose外,還有大騷美腿的床照。
沈卓盈
沈卓盈
據知沈卓盈四女還有大量未出街的性感照,噴血程度直教成員男友問罪,為此龔嘉欣話:「冇喇!冇喇!唔敢再公開喇!」

沈卓盈 男友管接送

34歲的沈卓盈擁有女人夢寐以求的S形身材,多年來外界指她無寶不落,舊愛全是非富則貴,沈卓盈要為自己平反:「拍拖好正常,係每個人生活嘅一部分,只係外界經常過分放大我嘅感情生活,忽略咗我都有畀心機工作,演好每一 部劇。我啲家姐24歲就結婚生仔,所以我自小就對愛情有憧憬,曾經渴望22至24歲就嫁人,希望有個幸福家庭,但依家我覺得緣份最重要,有啱嘅人我會試,唔得亦唔會勉強。」

沈卓盈
沈卓盈
沈卓盈加入無綫13年,她表示每個人的時間表和命運都不同:「入行多年我都只想做好自己,冇得同人去比較,個人積極心態係最緊要。」

男友Calvin家族從事內衣生意,對住男友甚有原則的沈卓盈,就快可以打開幸福之門。她說:「現階段我同男友都有共識,行到最後一步就睇時機,佢求婚我先諗啦!女人幾叻都好,最終都係要搵個好歸宿support自己。男友已經去到一個地步唔需要經我就約我啲家姐食飯,連我3歲嘅姨甥女都好鍾意佢,搞到我呷醋。」

沈卓盈
沈卓盈
入行前做兼職模特兒的沈卓盈,由唔識化妝到現在女人味出晒嚟,其玲瓏浮凸身材更是得天獨厚。
沈卓盈
沈卓盈
沈卓盈性格獨立有原則,對於男友Calvin錫到燶不時做司機車出車入,她說:「只要搵到錫你嘅人,佢就自然會就晒你。」

延伸閱讀:

單文柔五月卸貨!陳展鵬B女英文名以「Q」字頭大有原因

關注我們Facebook專頁
    相關新聞
      更多瀏覽