【新手媽媽】孕期出風赧 靠意志捱過痕癢無比的日子
2019年03月08日18:24
0002
0002

懷孕期最怕嘅事就係病,後果可大可小,因為媽媽身體直接影響胎兒。在懷孕第29周嘅時候,有一日去完產檢,同做孕婦運動,食完個大板燒中午飯,行行下街右手開始覺得痕癢,記得個日嘅陽光都幾猛烈,又熱熱地,開頭都唔為意,但係起半日唔使嘅時間,情況已嚴重起來!

痕癢無比 忍唔住狂抓

不止痕癢,位置亦紅腫起來,而且更加出現了水泡,真係好辛苦,喺身體出現愈來愈多風赧(癩)同愈來愈痕癢嘅同時,即刻感覺到自己更加與同BB連為一體,因為驚唔知會唔會影響BB,嗰刻真係好無助,又紅又痕,個人仲好忟又瞓唔到。

藥生都幫你唔到

到第二日老公陪我去睇急症,都輪候一段時間後見到醫生,醫生一睇我大肚,就話都唔食得藥,但都開左啲孕婦可以食既藥同藥膏,好明顯,其實個啲藥無咩藥性,所以都起不了大作用。有朋友話應該睇中醫,不過其實都一樣,中醫都不建議開藥俾孕婦。

懷孕期出風赧原因

出風赧嗰刻就諗引致嘅原因,包括接觸過嘅物品、食過嘅野、同埋天氣,最後都係得不出結論。其實平時都我偶然有少少風赧出現,但只係好細範圍同好快就退,唔同今次,今趟應該係我人生最嚴重的一次,醫生都有解釋過,孕婦受荷爾蒙改變的影響都會係一個原因。

好彩嘅係今次無其他不適,而且醫生話唔會影響胎兒,都放心番,不過就唔用得藥咁解,最後我留左屋企幾日休息,著短袖衫,盡量放鬆心情,希望唔好愈來愈大範圍,最後慢慢復原,當然最辛苦嘅係媽媽,而且仲有少少疤留低,不過BB無事,其他都唔係問題啦!囡囡平安出世就最開心!

編者按:根據衛生署資料,蕁麻疹俗稱風赧,是一種很常見的皮膚病,患者在皮膚上出現凸發癢的紅色皮疹。大部分紅疹會自行消退,但亦有可能反覆出現。如情況不嚴重,可在家居護理。首要是尋找誘因及避免再次接觸。以清涼水沐浴可紓緩痕癢。飲食方面宜避免辛辣刺激性及不新鮮食物。避免各種可能令蕁麻疹惡化的因素及行為,例如搔抓、洗熱水澡、穿緊身衣褲、博頸鍊、冷天吹暖風機致皮膚乾燥等。(資料來源:https://www.pco.gov.hk/tc_chi/resource/files/child_2-7_Urticaria.pdf)

作者:Teresa Mama

一年內結婚生b完成人生大project,但驚覺才是人生新開始的在職媽媽

原文連結:

【新手媽媽】孕期出風赧 靠意志捱過痕癢無比的日子

相關文章:

【有洋蔥】弟為打機鬧父「垃圾」 姊姊寫信勸喻

親子頭條

每季我們都會找來專業醫療顧問,解答兒童及家長的健康問題,並與多間社區組織緊密聯繫,為家長們帶來全方位的育兒支援。

關注我們Facebook專頁
    相關新聞
      更多瀏覽