Anjaylia囡囡首曝光 眼大大似靚媽咪
2019年03月04日17:50

藝人陳嘉寶(Anjaylia)今年1月為老公黃頌祈(Epaphras)誕下B女Hosanna,榮升人母!今日黃頌祈喺IG首次貼囡囡正面照,仲公開囡囡嘅中文名㖭!

撰文:東方新地|圖片:陳嘉寶ig 、新傳媒圖片

延伸閱讀:

【日本親子遊】日本佐世保及小值賀之旅(景點篇)

【母乳教室】母乳營養的重要! 奶粉媽挑選奶粉時應注意哪些母乳營養?

囡囡正面照首曝光

今日黃頌祈喺網上晒出囡囡嘅正面照,見Hosanna同媽咪一樣有對大眼睛,個樣又靚又可愛,Epaphras話:「最近多咗個新興趣:留喺屋企做攝影師,幫呢位小姐係咁影相⋯我正式宣布:1.我電話就快冇位;2. 我已經被徹底融化…介紹番,呢位係我嘅官方專屬模特兒Hosanna Wong,黃恩言小姐。代過咗滿月冇幾耐嘅佢同各位哥哥姐姐打個招呼,祝大家日日開開心心,身體健康。」佢仲搞笑話「多謝天父佢唔似爸爸」!

囡囡農曆新年前出世

Anjaylia今年1月喺個人社交網站宣布囡囡喺農曆新年前出世,順利誕女!佢宣布囡囡英文名叫Hosanna,Anjaylia更代囡囡留言同大家打招呼,指囡囡依家好健康,雖然暫時未能逐一回覆大家嘅留言,但仍感謝大家嘅祝福同關心!

宣布陀B半年

Anjaylia一向細細粒勁纖瘦,但被發現手腳帶點水腫、肚凸凸,似乎孕味甚濃!而Anjaylia終於喺網上親自公布喜訊:

「最近我身邊的朋友都在說我很奇怪,問我為甚麼做了運動之後手腳和臉瘦了這麼多,肚子的肉肉卻好像不減反增…現在謎底要給解開了!因為那不是單純的肉肉啊!那可是一個寶寶呀!哈哈……

陳嘉寶
陳嘉寶

Anjaylia在字裏行間似係暗示已陀B半年:

「感謝神的賜予,也要特別感謝我身邊的小天使們在過去半年來貼心的守護,謝謝你們時刻緊盯並照顧着我這個不羈大頭愛自由的人。我會繼續好好努力做好自己,不管是鏡頭前後的那一個身份,都會繼續盡善盡美。謝謝大家對我們的祝福,若果未能一一回覆,請多多包涵。願主祝福各位。」

Anjaylia到峇里出席鄭嘉穎陳凱琳婚禮時,影相似乎都有刻意遮肚?

大牌檔影婚照夠貼地

Anjaylia嘅婚照終於曝光,影相地點竟然係新郎幾代土生土長嘅長洲,實在令人驚喜!Anjaylia表示男友家族幾代都係土生土長嘅長洲人,所以決定重返舊地!拍攝地點包括男友由細食到大嘅大牌檔、男友充滿回憶嘅小學等,充滿人情味又有意義!

陽光海灘同歐洲宮庭婚紗相就見得多,而Anjaylia呢輯土炮長洲婚紗相夠特別同貼地。
一日行程去勻多個男友成長地點拍攝,呢個茶檔仲係未婚夫細細個嗰陣爺爺成日帶佢去,有次仲畀人撞到,成壺滾水照頭淋,依家仲留低撻淥親嘅傷痕戰跡。
除咗沙灘、茶檔,亦都有去男友間小學取景,Anjaylia又踢爆未來老公細細個經常被校長罰企。

Studio拍攝夠經典

不過Anjaylia就更喜歡喺studio影嘅一輯相,佢認為雖然整體比較classic,但就算多年後睇番都唔會覺得過時,而且現場有鮮花十字架布置,配合兩人嘅宗教信仰。另外Anjaylia自十幾歲就開始做兼職模特兒,放學後經常出入studio,有好多回憶同感情!

另一輯婚照喺studio拍攝,Anjaylia話鍾意呢輯相夠classic:「就算多年後再睇番都唔會覺得過時,而且現場有鮮花十字架布置,配合我同未婚夫嘅宗教信仰。」

延伸閱讀:

【親子好去處】放電必去 屯門公園共融遊樂場 超高攀爬塔+沙坑掘恐龍蛋

關注我們Facebook專頁
    相關新聞
      更多瀏覽