車禍傷大陣 林夏薇老公擲千萬呵番
2019年03月04日23:40

闊太林夏薇,去年六月約滿無綫宣布停工全力造人,更有指其估計身家高達30億的金融才俊老公莫贊生(Jason),大手筆以生一個獎一億獎償,鼓勵老婆全速生B,原本一切準備就緒,林夏薇卻在六月遇上車禍,撞傷大陣打亂全盤生B大計,連月來更要做物理治療矯正脊椎,心情大受影響。

出名錫老婆的莫贊生自然好心痛,為呵番老婆,除咗擲千萬林夏薇拓展「功夫集團」飲食業務,半年間速開四間新店外,又陪老婆歐遊放血散心, 等老婆順番條氣盡快回復狀態,再努力追B。

撰文:東方新地 圖片:新傳媒圖片、Instagram

延伸閱讀:

盤點娛樂圈10個單身女筍盤!個個都內外兼備!

年過40國際中華小姐逐個睇 美麗艶壓歲月流逝!

林夏薇 車禍傷大陣

去年六月,林夏薇駕駛其保時捷跑車返回山頂住所途中,遇上交通 意外,疑遭小路出大路的保時捷四驅車攔腰撞到,座駕損毀,林夏薇還 因此撞傷大陣,涉事女司機被控不小心駕駛罪,案件日前(2月20日)宣 判,法官指林夏薇供詞前後矛盾,裁定被告罪名不成立,車禍受傷的林 夏薇不滿判決,嬲爆在個人社交網撰千字文大控訴宣示不滿,無奈表 示:「人在做天在看,馬路殺手太多了,大家真的真的要小心!」

林夏薇
林夏薇
15年下嫁身家估計高達30億的金融才俊莫贊生,林夏薇去年約滿無綫後決定停工造人,揚言希望生一仔一 女,卻因車禍阻延全盤生B大計。

頸椎受傷

於車禍後,林夏薇即在 IG 上載 X 光 片,顯示其頸椎受傷情況,她的頸 椎亦明顯比正常頸椎冇晒弧度。

手經常麻痹

林夏薇反應咁激,除咗為攞回公道,女人傷大陣亦可大可小。據 知情者透露:「撞完車之後,老公已經即刻陪薇薇睇骨科醫生,醫生話 薇薇頸椎變形,尾龍骨又有幾節移位,要做一段時間物理治療,觀察 情況進展,受傷初期薇薇就算食住止痛藥依然痛到瞓唔到覺,手仲成 日感覺到麻痹,雖然已經做咗大半年物理治療,但到依家隻手仲會間 中有痹嘅感覺,咁耐都未好番,佢兩公婆又點會唔擔心。」

發千字文控訴

去年六月林夏薇駕駛其保時捷跑車返回 山頂獨立屋寓所途中,疑被小路出大路 的保時捷四驅車攔腰直撞,四驅車女司 機被控不小心駕駛罪,案件日前(2月20日)宣判,法官裁定被告罪名不成立,令林夏薇嬲爆不滿判決,在社交網撰千字文宣示不滿。

家人好擔心

貴為林峯堂妺,家族顯赫的林夏薇,15年下嫁身家豐厚金融才俊 莫贊生,Jason(莫之洋名)本想老婆婚後做少奶奶,畀過億家用任 使,不過林夏薇事業心重想做女強人,除咗拍劇又大搞飲食生意, Jason都讓步全面配合,直至去年家人發最後通牒,放聲氣希望盡快抱 孫,林夏薇同老公亦有共識,決定放下幕前工作步伐,火速幫老公造 人繼後香燈,今次車禍令生B計劃受阻,雙方家長都非常緊張。據知 情者透露:「長輩們吩咐Jason一定要照顧好老婆,必須要徹底治療康 復好先得,始終陀B腰骨負荷唔到會好辛苦,佢哋都話依家唔心急 得,好彩薇薇年紀唔算大,復原應該會快啲,Jason本身好鍾意小朋 友,本來薇薇一路有做開運動,身體keep得好fit,但今次整親條 腰,心情唔好連身體都差咗,呢輪就要中西合璧治療同調理!」

林夏薇
林夏薇
未知是否受交通意外影響,稍發現有可疑車輛或 跟車太貼就表現緊張,日前林夏薇帶埋愛犬孖老公外出,驅車到銅鑼灣遊艇會時遇上記者,兩人 表現驚愕!
林夏薇
林夏薇
記者表明來意後,林夏薇夫婦表現友善,不過就以趕時間為由未肯接受訪問。

搞大飲食王國

老婆受傷又嚇親,Jason當然心痛,為呵番老婆, Jason一早已有行 動,除了體貼陪老婆頻密覆診及做物理治療,更擲千萬氹老婆。據知 情者透露:「佢知道薇薇呢兩年好落力去搞自己嘅飲食生意,雖然生意已上軌道,但薇薇仲會不停諗啲新菜式去吸引食客,對生意好著緊,今次Jason就加碼出錢支持薇薇,又幫手搵舖搵廚 師,等老婆全心發展業務之餘又唔使咁操勞,佢仲同老婆講明 投資不設上限,只要薇薇鍾意,開多幾間舖都冇問題,有Jason咁落力幫手,唔使半年已經開多咗四間分店!」

財技了得兼學識廣博,正是莫贊生打動林夏薇最大原因,林夏薇就曾開腔大讚老公見多識廣:「做生意佢係前輩,會畀好多意見我!而且佢浪漫過我,會好貼心照顧我!」

揸車接老公

日前林夏薇由山頂寓所驅車到中環接老公莫贊生,當日薇薇駕駛的保時捷跑 車,正是上年六月出車禍被撞的車輛,跑車前面車門位置及車頭都明顯花晒又有凹痕。

交老公揸車

林夏薇會合老公莫贊生後即做 番乘客,交由老公負責駕車。

陪玩散心

林夏薇所言非虛,莫贊生出錢出力支持老婆搞大飲食王國外,還細心安排歐洲、美國等地旅行散心,讓老婆放鬆心情養 好身體。據知情者透露:「受傷之後,Jason見薇薇心情唔 好,揸車行返出事嗰條山路仲有陰影,盡量減少工作應酬,貼 身照顧老婆,盡量會自己揸車或安排司機接載老婆出入,一有 時間就陪老婆去旅行,等老婆可以放鬆心情去玩同買嘢。」

受交通意外判決影響心情,日前林夏薇駕車外出亦明顯無厘心機,當日下午,林夏薇先駕車去新文華酒店接老公莫贊生,會合老公後轉由莫贊生駕駛,不過發現記者兩人就表 現驚愕,更將車駛至中環警署外,待記者表明來意,夫婦才放下戒心,但就示意不受訪,之後兩人驅車去銅鑼灣遊艇會 準備出海。

公道自在人心,又有個財力雄厚兼錫自己的好老公時刻支持,薇薇都係時候收拾心情,冇嘢比養好身體為莫家開枝散葉更重要!

前後腳落車

林夏薇未有同老公一齊落車,反而在 車上等司機到來,才落車會合老公。

莫贊生將車駛到銅鑼灣遊艇會後,同老婆前後腳落車,其後再call司機到駛走保時捷。

速開四分店

除咗拍劇,林夏薇15年開始投資飲食生意,短短三年間已開設了十多間「功夫集團」旗下食肆,有指莫贊生近半年再擲千萬投資氹老婆,半年速開四間(天后、大角咀、新蒲崗、旺角)分店。

做生招牌

林夏薇除為舖頭做生招牌,還不時會落店舖監督業務,又會請圈中人試菜。

廚娘慰夫

林夏薇唔止係老闆娘咁簡單,更入得廚 房出得廳堂,煮得一手好菜的她,不時 在家下廚整兩味氹老公。

歐美遊放血

林夏薇於車禍撞傷大陣,除要做物理治療外,連心情亦受影 響,莫贊生近幾個月就不停陪老婆 歐遊散心,飛完美國又飛倫敦,周 遊列國享受生活呵番老婆。

林夏薇
林夏薇
自稱係「空中薇」、「時差薇」的林夏薇,真係坐飛機多過人哋坐車。

飛三藩市在機上食件三文治,林夏薇就不經意大晒身上行頭,鑽戒同鑽石鏈墜閃爆入鏡。

三個月就連飛兩轉英國,林夏薇更愛在名勝留倩影,不過低調的莫贊生就極少出鏡。

同老公遊倫敦睇街頭藝術表演。

性感出活動

去年約滿無綫,林夏薇暫停拍劇專心造人, 不過賺錢活動及大型盛事仍會出席參與,去年底她就以一身大露背盛裝出席華鼎獎。

豪派利是

家底豐厚的林夏薇,農曆年同圈中好友陳山 聰、林子善及趙希洛等團拜兼大派利是。

是非纏身

兩夫婦去年更是非纏身。擅長收購、融資的莫贊生,是多間上市公司董 事,身家估計高達30億,不過去年12月,在將軍澳電視城附近圍欄,莫贊生 被貼街招指他是空心老倌,令人質疑林夏薇同老公經濟狀況,不過,林夏薇 回應事件就直指無聊,更在IG連發三段文及Po出自己輕鬆在家布置聖誕樹 的短片,力證生活無憂及心情未受影響。

林夏薇
林夏薇
被貼街招後,林夏薇發文表示:「不爭、不理、不解釋!」

延伸閱讀:

型爸親湊5歲女返學!吳彥祖近照驚現M字額

關注我們Facebook專頁
    相關新聞
      更多瀏覽