【媽媽的愛】乖仔一句好食 阿媽包夠200粒麥提莎湯圓
2019年02月25日18:42

仔女嘅一句「好食」,永遠媽媽最大嘅讚美!最近有網民分享因一句「好食」,令媽媽一次過包夠200粒麥提莎湯圓,網民連食3日最終要「嗌救命」。其實好多媽媽下廚都係希望得到仔女一句讚美,各位孝子孝女們可以試下讚多啲媽媽唔同嘅菜式,咁就每日都有唔同菜食啦!

撰文:KM |圖片:LIHKG

延伸閱讀:

【親子好去處】多啦A夢郵局回歸銅鑼灣 | 寄信俾未來世界嘅自己

新年煎糕零失敗秘技

乖仔一句好食 阿媽包夠200粒麥提莎湯圓

最近有網民於連登討論區分享趣事,表示元宵節當日媽媽好開心咁向佢講學識咗包麥提莎湯圓。結果就端出一碗「湯圓」皮全破裂,內涵的麥提莎更溶在湯底內。網民媽媽解釋「唔小心煮爆咗少少,照食都好好食㗎仔」。整碗湯圓雖賣相不佳,不過,孝順嘅佢依然話好食。

結果媽媽聽到囝囝呢一句「好食」,就返入廚房繼續包湯圓。結果一包就包咗接近200粒,網民表示已經早午晚三餐連續食3日,最終忍唔住上網求救。

有網友問佢,究竟媽媽整咗幾多粒湯圓,網民就上載一張約有30粒湯丸嘅相片,並表示「依度嘅6倍左右」

網民齊分享 一句話的威力

而曾經亦有連登討論區網民分享「一句話的威力」。其中一名網民就向媽媽表示想食橙,媽媽就買咗超級多橙佈滿整個雪櫃!亦有網民向媽媽表示喜歡吃魚,結果整個雪櫃都被魚塞滿。

延伸閱讀:

順產好?剖腹好?拆解分娩方法利弊

關注我們Facebook專頁
    相關新聞
      更多瀏覽