《荷里活》大結局 龍四文雄終極對決鬥法 瑪利蓮咁樣救四哥?!
2019年02月22日13:23

聽日就係TVB《荷里活有個大老千》大結局!大家都睇到心都離一離,皆因劇情發展愈益緊湊,而唔少人都好想快啲知道大結局會係點,一於依家即刻同大家簡單講下大結局會點發展啦!

撰文:東方新地|圖片:劇照、電視截圖

延伸閱讀:

許凱新劇突然發福面脹似麵包 網民:還我《延禧》傅恆!

入行30年專演巴辣角色!馬蹄露:試過畀路人指住鬧xx!

龍四文雄終極對決鬥法

話說前晚嗰集就講到污點證人阿北為保妻兒性命而於男廁用龍四師兄龐峰(秦沛飾)俾嘅刀片自行了斷,令龍四(鄭則仕飾)等人失去最有力指證文雄(湯鎮業飾)嘅大好機會!

阿北為保妻兒性命自殺
釋放文雄

當然,龍四又點會輕易因而放棄除去文雄嘅機會呀!所以佢就連同廉署等人再次重新佈處捉拿文雄嘅計劃,於是就集合小雨、加俊、舒奇、瑪利蓮等人合力演出一埸大龍鳳嘅騙局,以搵出文雄打算消滅多年來受賄嘅證據,即多年賄款!

眾人合力演出一埸大龍鳳

今晚呢集,龍四等人就正式出動,然而瑪利蓮為怕再出任何意外而冇機會表明心跡,於是就鼓起勇氣同龍四表白,點知對方就話一切完結後先會俾個答案瑪利蓮。

瑪利蓮擔心冇機會表明心跡

點知龐峰就睇穿龍四嘅計劃,於是就帶走文雄,而龍四就繼續隨機應變假裝打劫文雄,並引導文雄承認自己受賄,結果成功令廉署成功將文雄拘捕!不過,期間四哥不幸中槍倒地!

龐峰識穿龍四嘅計劃
四哥不幸中槍倒地

大結局(23/2) 四哥命懸一線

去到星期六大結局嗰集,就講到四哥命懸一線,醫生都話龍四命不久矣之時,瑪利蓮向耶穌禱告,希望用自己終身幸福換取龍四條命!正當眾人都擔心不已時,最後四哥竟然憑驚人嘅意志力大難不死!

至於大壞蛋文雄就當然受到法律的制裁後,更被安排至有晒咁多年被文雄冤枉囚犯嘅大囚室,往後一生於獄中贖罪。

文雄受法律制裁

與此同時,文雄一事落案後廉署追輯龐峰,幸得四哥相助,最終龐峰解開多年認定龍四害死其親弟嘅心結。至於點回答瑪利蓮嘅求愛,龍四就自覺自己俾唔到安全感對方,而拋下一句「曾經滄海難為水」婉拒瑪利蓮。

廉署追輯龐峰

延伸閱讀:

盤點《皓鑭傳》五大亮眼男角 于正捧紅出道多年「新人」

關注我們Facebook專頁
    相關新聞
      更多瀏覽