【專訪】關楚耀新歌MV似微電影 坦言見同期歌手奪獎心情忐忑
2019年02月21日11:23

如看不到 請到Youku觀看

關楚耀近日推出新歌《写真家》,新歌MV除了在香港拍攝,亦找來台灣混血女新人合作在台灣拍攝,MV似足微電影,重現不少情侶之間會發生的事。而2019年,阿關直言會做返多啲音樂:「見到好多自己同期出道嘅歌手都已經上晒台拎獎,畀咗一個好好嘅動力我」

關楚耀新歌《写真家》用攝影做主題,他透露歌曲中充滿自己以前的戀愛經驗和回憶,不過最後都不能修成正果:「所以有一種遺憾喺度!」問到現實中又有沒有保留前女友的相片,關楚耀直言有:「有時唔覺意拉開個櫃桶,再睇返嗰啲相,其實都會定咗幾秒。」

今次新歌MV除了在香港拍攝之外,關楚耀更在台灣邀請了導演和一個台灣女演員與他完成這MV:「呢個MV入面嘅故事,其實大家可以當睇一個小小嘅微電影,因為好多情節相信大家拍緊拖或者單身嘅你都有經歷過。」

對於今次又是推出慘情歌,關楚耀亦表示自己比較受歡迎的作品都是比較慘的歌:「其實自己都有自我鼓勵性,有啲社會性議題嘅歌,只不過大家都係鍾意我唱慘情歌。」

談到上年拍攝無綫劇《特技人》,他表示第一次拍劇好開心,自己亦很想繼續拍:「當然睇下有冇機會,睇下角色方面!」不過關楚耀2019年就將擺放好多時間做返音樂:「呢幾年好多時間去咗做演員,特別在2019年1月1日我去咗叱吒頒獎禮,見到好多自己同期出道嘅歌手都已經上晒台拎男歌手獎,金曲獎。自己喺台下個心有啲忐忑,亦都畀咗一個好好嘅動力我去同自己講2019年我一定要做返多啲音樂!」

關注我們Facebook專頁
    相關新聞
      更多瀏覽