大起底!李彩華老公家族顯赫 傳擁11億四合院
2019年02月18日16:57

現年35歲李彩華(Rain)日前情人節在微博上留言「Rain+Eric=Mr & Mrs Huang!」,並貼出多張婚照,宣布已成人妻,未幾阿Rain嘅老公Eric Huang即被起底,有指佢身家豐厚,Eric在內地擁有不少物業,真係筍盤!

撰文:東方新地|編輯:Cyan|圖片來源:李彩華微博、新傳媒圖片|原文刊於《東方新地

延伸閱讀:

5天急救殘樣!非一般肌底液Clinique iD 一支重點抗皺保養肌底 回復緊緻肌膚

我跟他適合在一起嗎?「靈魂伴侶」會有的6個特徵

李彩華 拍拖半年閃婚

現年35歲李彩華(Rain)早前曾與前無綫藝人何遠恒分手結束3年情,之後一直寄情工作,亦沒有再傳出緋聞消息。誰料日前情人節,她就在微博上留言「Rain+Eric=Mr & Mrs Huang!」,趁機對外宣布她已成人妻,並上載多張婚照。

李彩華
李彩華
李彩華原來於2月2日同老公Eric領證,正式成為人妻!

Rain透露跟老公認識很多年,對方一直暗戀佢,直至去年初知道她跟何遠恒分手,於是展開追求,沒猜到男友在她生日時求婚,Rain只懂傻笑say yes!

李彩華
李彩華

李彩華
李彩華

相片中可看到Rain身穿「小背心」款兼拖尾的白色婚紗,簡單之餘又盡顯氣質,兩張Rain的單人照優雅大方,同時還有她與丈夫在露台上深情對望的相片。

李彩華
李彩華

李彩華婚事曝光後,其丈夫立即被起底,有指38歲的Eric Huang是於內地經營大型鋼鐵生意,身家豐厚,家族成員還為中央政府工作,背景顯赫。

據知,他在北京買入多幢物業,其家族更擁有價值逾11億港元(約9億元人民幣)的四合院。由於四合院均為一代傳一代,加上物以罕為貴,有錢都未必買得到。

據知Rain與在內地從事鋼鐵生意的老公Eric Huang拍拖半年就閃電結婚,早前他們到希臘聖托里尼小島度蜜月,近日將會返港過年。

舊情多不歡而散

李彩華嫁到個好人家,不少網友都送上祝福,事關阿Rain情路都算坎坷。早年她在黎燕珊主持的有線節目《往事.並不如煙之情書》做嘉賓大談感情事,她直言人生只有五段情史:「傳來傳去好似好多,但五隻手指數得晒!」

很可惜舊情也多數是不歡而散,她又大爆過去有男友劈腿及一腳踏三船:「往事通常唔開心咁結束,但唔係想指摘。對方有劈腿都令我當時好嬲,但受洗後覺得係上天畀經驗我。(講最嬲邊個?)冇邊個係幾好,(開口爆邊個劈腿?)唔會開名,人哋可能已有家庭或新戀情呢。」

否認小三

Rain坦言於分手後獲司機告知男友曾帶其他女人返歸:「當時男友趁我返大陸拍劇就帶另一女仔返嚟,司機見到屋企有對唔屬於我嘅鞋。又試過有男友追我前本身有女友,追到我後又有另一個女友。(做小三?)我係正印,係男仔同其他女仔分得唔清。」

李彩華
李彩華

Rain入行後首段戀情,係佢18歲同林峯拍電影《別戀》時發展地下情,峯峯係阿Rain嘅初戀,當年Rain透露見過林峯父母:「當年拍戲佢對我呵護備至,我好快就知道佢對我有好感。記得有一場戲我跌傷咗,佢好擔心,放工仲打電話嚟關心我。佢知道我鍾意食嘢,就買好多零食畀我,冇幾耐我哋就開始拍拖。當時係 puppy love,單純地喜歡大家,冇諗太多將來。」

不過因男方要去大陸發展,戀情維持半年就無疾而終。

與林峯甩拖後,Rain於03年被指介入丁子高與譚凱琪戀情,譚凱琪更向傳媒哭訴男友被搶。

Rain在04年拍攝蕭若元監製劇集《功夫足球》時,有指Rain被兒子蕭定一力追。

09年,她與保險業才俊王森楠(前名王傲山)拍拖兩年,二人發展到談婚論嫁,由於Rain常在大陸拍劇,有傳男方搭上新歡導致二人分手。

同何遠恆拍拖三年 分手收場

分手不久的Rain,即搭上做汽車零件生意的金融闊少潘啟翀,不過有傳對方兼職做「疊碼仔」,遭人走數千五萬,向她借千萬不遂,即狠撇阿Rain。二人於2012年6月分手,戀情只有7個月。

2015年,李彩華同當年的「新五虎」何遠恆經朋友介紹認識撻著,二人拍拖三年,戀情由低調到近年大方認愛,更多次傳出好事近,還以為阿Rain好快做何太,不過因婚姻理念沒有共識,她接受本刊訪問時強調沒有涉及第三者,去年1月「閃分」,結束三年情。

李彩華
李彩華
跟何遠恆拍拖三年,李彩華由否認到確定男友地位,二人不時結伴睇騷,又不時做黐頭芒開心在社交網上放閃,可惜此情不再。
李彩華
李彩華
李彩華在內地劇接劇,男友又在上海搞裝修生意,兩人聚少離多,長期分隔兩地亦是分手致命傷。

哽咽認分手

據阿Rain好友透露,阿Rain思想傳統,每次拍拖都認真投入,都想同對方有將來一齊組織家庭,可惜兩個前度王傲山及潘啟翀都沒有這想法,當年跟阿Rain拍拖,一個瞞住女友外邊偷食,另一個又做疊馬仔欠下巨債,向阿Rain借千萬還債,令她對愛情缺乏安全感。

李彩華
李彩華

李彩華
李彩華

李彩華
李彩華

想趁早生B

因何遠恆熱烈追求攻陷芳心,加上男方比阿Rain年長十年,理應相當成熟,但拍拖三年,對方卻未有為二人將來計劃,感情一直原地踏步:「阿Rain思想傳統,同BoBo(何遠恆暱稱)都拍咗拖三年啦,加上自己過咗三十歲,都想快啲結婚,趁後生早啲生小朋友,佢本身好鍾意小朋友,其實男友媽咪都有催佢哋結婚,想快啲抱孫,但BoBo四十幾歲人 仲好似大細路咁,完全冇planning,阿Rain試過幾次喺傳媒面前,講話想一兩年內結婚,但BoBo都仲係毫無表示,阿Rain點會唔心淡,佢覺得好冇安全感!既然睇唔到大家有將來,唔想再拖落去,咪提出分手!其實分手件事,對阿Rain都好傷,佢啲好姊妹同Rain媽都輪住陪佢,怕佢唔開心!」

李彩華
李彩華
今次到LA開演唱會,Rain媽未有同行,形單隻影的Rain李彩華,倍添落寞!
李彩華
李彩華
似乎分手傷痛仍未平復,李彩華一提男友已經想喊,哽咽回應同男友再冇聯絡,之後急急腳行去入閘登機。

過億富婆

自從2011年主演內地劇《回家的誘惑》爆紅,Rain已經是手持過億物業的富婆,現在不用靠男人,但阿Rain唔會因此女權至上,反而好遷就男友。據知情者透露:「阿Rain喺內地劇接劇好忙,BoBo喺上海搞裝修生意亦冇時停,兩個經常分隔兩地,見面時間少好難維繫,但阿Rain對男友好體貼,為咗爭取時間見面,有時喺內地拍劇,BoBo專登飛去探佢,阿Rain拍完劇就算幾攰,都一定會陪男友食飯行吓街,好珍惜呢段感情。」相反何遠恆反而唔識體諒女友。據知情者透露:「阿Rain好孝順,唔會只掛住拍拖,乜都要預埋阿爸阿媽,好似去旅行咁,佢好多時都帶埋爸爸媽媽一齊去,仲會諗邊啲地方啱佢哋玩,但BoBo就成日想二人世界,兩個因為咁嗌交,出到去旅行,又只顧陪阿Rain,唔識細心照顧埋老人家!」思想愈來愈多分歧,難怪李彩華要忍痛分手!

李彩華
李彩華
在內地爆紅賺到過億身家的李彩華,感情路上多次遇人不淑,同何遠恆三年情最終未能開花結果,感情再交白卷!
李彩華
李彩華
李彩華上年推出寫真集,內𥚃有唔少性感造型,當時阿Rain就透露男友好支持她。
李彩華
李彩華
李彩華出名係孝順女,賺到錢經常帶父母一齊去旅行,之前就豪花30萬請父母去杜拜旅行。可惜男友卻經常因為想過二人世界,同阿Rain有摩擦。
李彩華
李彩華
李彩華出名係孝順女,同媽咪感情好好!

戲裡戲外女強人!郭少芸入行27年辛酸歷程

延伸閱讀:

輕鬆打造減齡空氣瀏海! 日本節目公開3大實用貼士

關注我們Facebook專頁
    相關新聞
      更多瀏覽