凌晨孖余德丞迎接情人節!蔡思貝:BLESSED WITH錫我的人
2019年02月15日01:11

蔡思貝同余德丞(Dickson)由旅遊節目《緬甸奇幻旅程》開始,已傳二人撻著,Dickson上年踢波突然昏迷送院,思貝更係第一時間飛奔醫院探望對方嘅人,之後一直都以緋聞情侶姿態示人。直到12月初,Dickson在ig貼出合照,留言表示:「人與人之間嘅關係就係咁奇幻」,令這段緋聞更加疑幻疑真!昨日是情人節,二人再次在社交網上放閃,似係想公開戀情!

撰文:東方新地 圖片 :新傳媒圖片、Instagram

延伸閱讀:

拍拖半年閃婚!35歲李彩華閃嫁鋼鐵商人

回味電視螢幕上5個愛的宣言 大家曾見證的美好回憶!

蔡思貝 余德丞 合作旅遊節目傳緋聞

之前,余德丞同蔡思貝一齊主持旅遊節目《緬甸奇幻旅程》,二人合作主持節目的確為唔少觀眾帶來新鮮感,更被因拍節目而擦出愛火花!去年Dickson在踢波期間暈倒,情況一度危殆,當時蔡思貝已經火速到醫院探望。

蔡思貝隔空示愛

之後余德丞康復出院後,蔡思貝於個人社交網上載多張與他的合照,並留言:「With the right person,(POO) in life become tastier, sometimes even enjoyable」意指與對的人一起,生活就會變得更好,甚至會更愉快,未知係咪想借機暗示與余德丞撻著咗呢?

另外,蔡思貝除咗留言外,仲Hashtag話finding the one、blessed、for real等字出現,令傳言更顯得撲朔迷離!令唔少人都覺得蔡思貝講緊嘅係當時企喺佢身邊嘅余德丞!

有網友就懷疑佢同余德丞係因為去完緬甸拍節目而成功撻著,唔知係咪真嘅呢?

二人拍節目撻著?

早一排,蔡思貝孖住余德丞去到緬甸拍攝旅遊節目《緬甸奇幻旅程》,二人除咗介紹當地著名景點、品嚐當地食物外,更不時會打打鬧鬧,二人互動十足!

有次蔡思貝分享佢同余德丞一齊係緬甸搭船嘅相,二人除咗做出電影鐵達尼中男女主角嘅招牌動作外,仲留言:「幸運同幸福只有一步之距」唔知蔡思貝搵到帶俾自己幸福嘅另一半未呢?

View this post on Instagram

幸運同幸福只有一步之距👣 . Tonight at 8pm #緬甸奇幻旅程

A post shared by 蔡思貝 SISLEY CHOI (@sisleychoi) on Jun 23, 2018 at 2:54am PDT

據知,拍攝節目期間,二人曾一齊被困緬甸山頭長達9個鐘。拍完節目之後,仲係咁傳出緋聞添!

最近,余德丞仲呻爆蔡思貝唔得閒應約食飯同做運動,究竟佢兩個依家係咩關係呢?

蔡思貝 同余德丞襯「情侶裝」

余德丞8月8日晚與朋友在西營盤中山紀念公園球場踢波,其間疑身體感不適到場外長椅休息,未幾突然暈倒,其後由救護車送往瑪麗醫院搶救,情況一度非常危殆。之後Dickson住院近一個月,終獲醫生批准出院,昨日 (23日) 更首次公開現身,孖住蔡思貝一齊出席活動,兩人喺活動上同樣著上黃黑色打扮,似足情侶裝!

蔡思貝 余德丞
蔡思貝 余德丞

喺台上兩人更「打情駡俏」,Dickson笑言:「我一醒番你就短髮,差啲唔認得你!」之後Dickson更單膝跪地,向蔡思貝送上一紮以蔬菜紮成嘅「花束」,場面好似求婚一樣。

蔡思貝 余德丞
蔡思貝 余德丞

問蔡思貝呢日佢哋係咪以情侶檔身份出騷?佢話:「係好朋友身份!」更感情表示::「佢暈咗時我好震驚,即刻趕去醫院,我發現自己好珍惜呢個朋友,可以話友情升溫!」Dickson聞言即向思貝講「對唔住」。

蔡思貝
蔡思貝

余德丞:醫生話我係心律不正

Dickson就親自憶述昏迷當日嘅情況:「當時踢踢吓波有啲眼瞓,咪出咗場邊休息,跟住就瞓着咗⋯⋯之後醒番,其他嘢完全冇印象,係聽媽咪講我瞓咗兩、三日,醒番就認得屋企人,雖然唔係落到床咁誇張,但真係奇迹嚟!醫生話我心臟亂跳,即係心律不正。」

余德丞
余德丞

講到外表瘦咗唔少,Dickson直言:「其實體重差唔多,醫生叫我呢兩個月唔可以做劇烈運動,淨係可以踩吓室內單車,我咪睇吓波先,踢波就出年先再踢。」講到大病過後嘅得著,佢就話:「個人慢活啲、珍惜生命同朋友,以往一句『祝你身體健康』好似冇乜嘢,但經歷過先知一切唔係必然!」

蔡思貝 余德丞
蔡思貝 余德丞

台下有唔少fans到場為Dickson打氣,Dickson藉機感謝喺佢患病期間幫助過佢嘅家人、朋友同fans:「好多謝我媽咪同埋啲親戚,因為我喺醫院嘅時候一日三餐都照顧得我好好,喺昏迷期,都有好多人嚟探我,我好多謝佢哋,就算無嚟醫院嘅我都多謝你哋啲訊息,仲有啲粉絲DIY卡、拍嘅片,同埋全香港嘅市民又為我集氣令到我醒返!」

蔡思貝 余德丞
蔡思貝 余德丞

第一次見家長

呢日蔡思貝父母都有到場參觀活動,見到Dickson向蔡思貝「求婚」嘅場面,蔡媽媽即場拍晒手掌,原來Dickson第一次見蔡思貝父母,呢對緋聞情侶更唔介意同蔡父蔡母一齊合照影「全家幅」。

蔡思貝 余德丞
蔡思貝 余德丞

蔡思貝笑言:「我十個有九個朋友都見過我爹哋媽咪,我爹哋媽咪好開通,好鍾意同我啲朋友打成一片!」Dickson即刻話:「係咩?咁我都過去同佢哋打成一片先!」

蔡思貝 余德丞
蔡思貝 余德丞

此後二人常常以情侶檔出席活動,甜蜜程度真係似足真情侶!

而去年11月30日Dickson在IG上載了兩張與思貝的合照,其中一張相他合埋眼做咗個冧爆嘅表情,將個頭挨落思貝膊頭,Dickson更留言都相當令人充滿遐想:「人與人之間既(嘅)關係就係咁奇幻 佢鐘(鍾)意睇書 我鐘(鍾)意睇波 佢鐘(鍾)意刺激 我鐘(鍾)意舒適 佢唔鐘(鍾)意俾人控制 我鐘(鍾)意控制人 可能就係因為咁 當我亂咁噏當秘笈 佢會講埋我份台詞 當我認真同人溝通緊 佢會係汁(側)邊輕鬆慢慢等 下刪一千字」言語有啲曖昧,唔少網友話佢哋合襯高呼佢哋不如在一起!

蔡思貝、余德丞孖住過情人節

而昨日係情人節,佢哋又放閃,呢次係更閃!Dickson上載兩條片去社交網話要為今個月6日剛剛過了28歲的蔡思貝補祝生日,但睇真啲,佢哋其實係一齊孖住過2月14凌晨!

Dickson先自拍唱生日歌,最初搞笑地祝自己生日快樂,其後鏡頭一轉見蔡思貝聽住Dickson唱生日歌,一路甜笑一路許願仲嗲爆話:「許願要許好耐㗎!」之後Dickson趁蔡思貝瞇眼許願時偷偷吹咗佢嘅生日蠟燭,蔡思貝冇嬲之餘又係咁賣萌!

其後蔡思貝亦有轉發片段,並說:「BLESSED WITH錫我的人。」嗌Dickson做「錫我的人」,加埋個紅色心心,網友都話思貝生日過咗咁耐先嚟切Cake,問佢哋係咪假補祝生日真慶祝情人節喎!

延伸閱讀:

【情人節2019】按相戀時間揀戲睇!12套必看愛情電影

關注我們Facebook專頁
    相關新聞
      更多瀏覽