【幸福得來不易】王祖藍爆曾遭亞男拒愛 傷心欲絕喊唔停
2019年02月13日18:47

有「最萌」身高差距嘅王祖藍同李亞男,呢對恩愛夫妻結婚即將4周年,佢哋嘅愛情結晶品Gabrielle亦喺去年出世,一家三口非常幸福!不過,祖藍近日接受電台訪問時就自爆,原來當年曾經畀老婆李亞男拒絕而傷心三年,當時仲喊到收唔到,幸好佢哋隨後因緣分而重逢,依家先可以組織到幸福家庭!祖藍更揚言,即使無懼日後工作上惹到狂蜂浪蝶,全因有自知之名及信心。

撰文:Kammy | 圖片來源:Instagram

延伸閱讀:

【親子好去處】可口可樂博物館今月閉館重整 盤點7大小學參觀必到熱點

【食譜】繁忙媽媽好幫手 18款賀年菜式輕鬆煮

王祖藍自爆當年分開原因

就嚟2月14日情人節,對王祖藍同李亞男呢對恩愛夫妻嚟講,唔單止係情人節咁簡單,更係佢地嘅結婚週年紀念。好多人一直都好佩服呢對「長短腳之戀」,依家佢哋生埋愛情結晶品更加令人羨慕!不過,近日王祖藍就喺電台節目到透露佢哋拍拖相識嘅經過,原來呢對恩愛夫妻曾經經歷過好多考驗,現時嘅得來不易。

王祖藍
王祖藍

節目中,祖藍透露2006年藝人之家認識李亞男,提及追求亞男的原因,佢指當時除咗被亞男嘅美貌吸引外,自己心裏亦很希望有個好乖嘅伴侶管束自己。縱使祖藍知道佢哋嘅條件同背景有別,追求亞男冇咩勝算,但絕對值得拼命一試。

王祖藍
王祖藍

祖藍表示:「我有諗過我哋唔襯,佢嗰個年紀,一定係鍾意王力宏嗰種靚仔,點會鍾意我呢?通常男生唔敢追一個女生係因為怕瘀,冇勝算嘅話,一個男生係唔會追一個女仔,但我覺得佢已經好到一個地步我係唔怕瘀,所以就追佢。」

王祖藍
王祖藍

不過,雖然祖藍當時好勇敢咁行出第一步,但結果事與願違,祖藍自爆當時傷心欲絕:「嗰次被拒絕後,我係喊到停唔到眼淚,我係有心理準備失敗,我唔介意面子,但仍然會傷心,因為真係好喜歡佢,佢差少少就同我喺埋一齊。」

王祖藍
王祖藍

緣分天注定 三年後重遇

祖藍表示,當年被亞男拒絕後兩年有三年冇聯絡,但三年後二人卻巧妙地因緣份而再次遇上。佢透露,後來教會有個Trip請佢同亞男去美國,但自己收到消息後一啲開心都冇,只係驚:「我用咗3年時間忘記佢,但點解又有呢個Trip,我好驚佢喺我面前,又日久生情嘅話,我會死!」

王祖藍
王祖藍

因此,祖藍就主動搵樂小姐,希望推薦亞男去參加節目《舞動奇蹟》,令佢去唔成個教會Trip。不過,亞男當時雖然答應參加節目,點知有日佢起身一落床就拗柴,三個月唔能夠跳舞,所以佢選擇咗跟隨教會去美國。

王祖藍
王祖藍

緣分天注定,結果二人就撻著咗,祖藍認為呢一切都係神嘅安排:「既然三年嚟大家都喜歡對方,咁就唔係衝動,認識嘅就係真正嘅對方,所以就決定喺埋一齊。」不得不提,祖藍當年曾為亞男而寫下《跌落凡間的天使》,首歌令亞男十分感動,亦係其中一個原因令佢哋再次一齊。

93e2793fly1fcq332s73ij21kw14t4qs
93e2793fly1fcq332s73ij21kw14t4qs

曾因自卑而放棄

節目中,祖藍亦被問到點解最初兩人唔選擇繼續發展,祖藍指當時大家都太過年輕,亦唔想毀掉對方事業。其實祖藍以前都曾經提過:「我嗰時係咩啫?兒童節目主持,冇人識,身高又……而佢,華姐喎,又高又靚,我唔敢高攀。」雖然佢曾因自卑而放棄,但緣分天注定,兩人雖然分開過,但最終有情人終成眷屬。

王祖藍
王祖藍

無懼狂蜂浪蝶

王祖藍同李亞男喺2015年嘅情人節正式拉埋天窗,不過新婚不久,祖藍就要到大陸拍劇三個月,當時更有傳亞男因此情緒出現問題:「傻啦!我唔會呃自己,一來我自己係唔會畀呢種機會發生,我去邊佢都知道,我身邊嘅同事都好錫亞男,係唔會放過我」、「我同亞男十年感情,點會因為一個眼神,就好似搵番青春一樣?」另外,祖藍亦指自己會確保自己嘅婚姻冇問題,同亞男之間會懂得保鮮。

王祖藍
王祖藍

內地節目直擊王祖藍陪產過程

王祖藍同李亞男喺2018年12月17日喜獲千金Gabrielle,但係就喺12月22日先正式對外公佈依個喜訊,原來王祖藍一早已經安排好內地節目對佢進行貼身追訪,直擊佢由內地返港陪李亞男生B嘅過程!片段喺內地東方衛視綜藝節目《沒想到吧》最新一集播出,當時王祖藍喺內地工作完,就急急腳上車去機場,直飛香港。

王祖藍
王祖藍

到達香港之後,王祖藍就上咗保姆車,發現原來老婆已經幫佢準備好晒所有嘢,包括BB車同日常用品,令王祖藍不禁大讚老婆細心:「她就是沒毛病(冇得彈),所有事情都是她去弄,寶寶的房間、所有的衣服、迎接寶寶的聚會,她基本上一個人都搞定,如果沒有她,我最近就真的不知道同一個怎麼樣的心情,好好地去工作。」

王祖藍
王祖藍

王祖藍
王祖藍

祖藍仲話覺得生命入面好多嘢都估唔到,就好似兩個身高完全唔同嘅人,都可以愛上對方,相信Gabrielle出世之後,會有更多「估唔到」等住佢兩個去發掘!

王祖藍
王祖藍

去到醫院,王祖藍就換上全副裝備,準備入產房陪李亞男生BB,生B過程當然冇拍攝低,不過老婆幫你生咗個咁可愛嘅囡囡,祖藍一定要好好愛錫亞男呀!

王祖藍
王祖藍

王祖藍
王祖藍

李亞男:同嫲嫲餅印一樣

李亞男生完之後喺Instagram分享多張Gabrielle嘅玉照,其中一張係佢同嫲嫲嘅對比照,仲未足月嘅Gabrielle原來同嫲嫲真係好似樣,連李亞男都忍唔住hashtag「同奶奶餅樣(印)」

王祖藍
王祖藍

王祖藍
王祖藍

王祖藍
王祖藍

王祖藍
王祖藍

王祖藍
王祖藍

王祖藍
王祖藍

王祖藍
王祖藍

王祖藍
王祖藍

延伸閱讀:

【止咳湯水食譜】增強免疫力 15款清熱止咳湯水合集

關注我們Facebook專頁
    相關新聞
      更多瀏覽