薛凱琪洗脫「地獄廚神」變「最佳主廚」
2019年02月11日16:12

薛凱琪日前拍攝內地節目「完美的餐廳」拍攝,她笑言自己廚藝大獲好評,更在節目中獲「最佳員工」和「最佳主廚」獎,Fiona笑指自己都不好意思向好友炫耀:「我除左學識煮食之外,仲拍得好開心!其實個節目係鼓勵性,好似我呢個完全唔識煮嘢食的人,經過努力都可以得到冠軍架。今年過年我都入廚煮野食比家人試吓,贏到掌聲同大利是架!今次節目拍攝時間長,拍攝過程中同班好朋友共患難,贏到友誼係最開心。」

Fiona就話節目拍攝期間,要同組員「同居」,最尾一集仲寫信比大家,搞到其他組員爆喊:「原本大會要拍住我寫信過程,點知我寫得太慢喇,製作組都放棄叫我自己搞掂。當大家睇到我啲信個陣,有組員唔捨得喊左出黎,我都感動到眼濕濕!因為呢段時間大家住埋一齊,好似屋企人咁,依家突然要分開。我地拍攝即使幾辛苦,返到房都一定圍埋傾心事,有時放假都約埋去丟箭、攀石,總之健康到不得了。」

而佘詩曼亦擔任「飛行嘉賓」,除了品評眾藝人的廚藝和服務質素,更下廚煮「九大簋」同大家分享,Fiona亦盛讚對方廚藝超班:「佢當然煮得超好食,我地當中有個店員原來係亞佘粉絲,見到佢真人即場激動到喊!雖然依家拍完節目,但係我地都係保持聯絡,知道對方有新歌推出,都會幫忙轉發做宣傳。」

節目尾聲時,眾藝人參與「百人宴」考驗,薛凱琪深感壓力:「因為我由唔識煮食,到依家要準備百人宴,感覺真係好神奇!而當中我有Fans仲現場求婚,好開心可以喺節目當中,見證佢地婚姻。」

原文連結:

薛凱琪洗脫「地獄廚神」變「最佳主廚」

相關文章:

王雯拍新歌《Nuna Party》MV 鯨吞辣椒跳招牌「炒餸舞」

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽