澳門趕戲返港度歲!周潤發掃海味慰妻
2019年02月10日01:07

雖然身家估計高達56億,但發哥(周潤發)生活簡單樸素,更從不言休,去年拍完電影《無雙》後,更加快工作步伐,忙完宣傳即緊接投入拍攝新戲《光輝歲月》,近月留守澳門趕戲,不過,向來重視農曆新年的他,就趁新春假期同發嫂回港度歲,爭取時間同家人、好友敍舊,日前他一個人出動去掃海味,在海味舖揀了大堆滋補食品,相信是買給連月陪他開工勞心勞力的發嫂進補,「民間特首」出巡去到邊都咁受歡迎,不停被市民要求Selfie。新正頭能夠「野生捕獲」發哥,真係比收到大利是更開心!

撰文:東方新地 圖片:新傳媒圖片、影片截圖

延伸閱讀:

14歲細女黐身攬實 Fit爆彭羚放真‧林狗

公開昆凌跟足飲水時間表極速修身 兩星期激減5kg!

周潤發 重視農曆年

16年拍完《寒戰2》休息年多,上年回歸影壇同郭富城合拍懸疑警匪片《無雙》,一拍戲就瞓身的發哥,配合電影上映又四出落力宣傳,忙到冇停手,以為拍完該片,發哥會休息一排充電,但熱愛電 影工作的他,卻火速歸位開工拍另一部新戲《光輝歲月》,近月就留 守澳門趕戲。

不過,重視傳統節日的發哥,農曆新年已經同發嫂回港度歲。據知情者透露:「發哥同發嫂都好重視農曆新年,每年點忙 都好,亦一定要爭取留港同家人好友食團年飯,所以佢一早同劇組 講明,農曆年會放假返香港過年!」

周潤發
周潤發
近月在澳門趕拍電影《光輝歲月》的發哥,拍外景時 又被當地影迷野生捕獲,今次電影造型特別,發哥 特地留有一頭瀟灑長髮,增添幾分滄桑感。

新戲造型曝光

再拍文藝片

近年大都拍大製作劇情片的發哥, 三十多年後再回歸拍文藝片,更首 度同影后袁詠儀合作,令人充滿期待。

極速掃海味

日前發哥獨自出動去掃海味,當日未見發嫂同行,發哥先到富 豪酒店攞車,之後揸車到九龍城入貨,只見他入到一間相熟海味 舖,同老闆邊吹水邊揀海味,出名親民的他,同店員亦非常熟 絡,對揀海味更好熟行,絕不假手於人,自己睇啱就買,揀嘢連吹 水花30分鐘,已經買了一大堆滋補海味離開,相信是買給連月來陪 他四出奔波工作的發嫂補身,買完嘢一出舖頭,已畀兩個妙齡少女認到,一直追住佢要求合照,發哥來者不拒,不過就先將戰利品放 上車,之後再逐一滿足大家。

夫唱婦隨

發哥無論身處何地拍戲,發嫂例必貼身照顧,夫唱婦隨恩愛得羨煞旁人,兩公婆趁新春假期返港度歲。

好有風度

發哥豪掃海味,買到左右手大抽細抽。 親民冇架子的他唔介意同市民一齊迫,出門口 時更好有風度將戰利品舉高唔會撞親街坊。

出碟成好友

難得返港過年,發哥亦爭取時間約好友敍舊,另一日發哥便約了好友黎彼得到九龍城歎牛腩麵。據知情者透露:「發哥90年代曾經出過唱片,佢首「12分十分吋」曾經紅極一時,嗰時仲攞過音樂獎項,呢隻歌就係Peter(黎彼得)同Paco(黃柏高)一齊做策劃,所以佢同Peter咁多年嚟都keep住聯絡,一得閒就會約埋出嚟傾偈敍舊!」

揀頂級花膠

發哥一嚟已經睇中頂級花膠,最後買了大堆滋補海味。

發哥係九龍城地膽,同成條街的舖頭店主店員都熟晒,入到海味舖,亦唔使老闆介紹已經識行勻全舖得揀好嘢。

孖靚靚拍文藝片

近年幾乎清一色拍大製作劇情片的發哥,新片《光輝歲月》可說 是他自三十多年前拍完文藝小品《秋天的童話》後,再度回歸拍攝文 藝片,戲中拍檔更是首度和他合作,當年亦憑文藝小品《新不了情》 摘得金像影后的袁詠儀,兩大影帝影后合作已經令人充滿期待。據 知情者透露:「發哥已經好耐冇拍文藝片,佢一睇劇本就已經好鍾意 個角色,加上今次係第一次同靚靚合作,佢都好期待,佢兩個演技 都咁超班,拍埋一齊開工冇耐已經好有火花。」

出門口被追影

影迷層面遍及老中青的發哥,攞住兩袋戰利品離開海味舖時,就即刻畀兩個年輕少女認到,追住佢Selfie。

去到邊都咁受歡迎的發哥,呢種場面一早見慣,他就氣定神閒先將海味放上車,之後已經遞手向身後少女攞手機Selfie,非常友善親民。

貴為國際巨星,發哥在澳門拍戲每到一處都引起騷動,外景場 地被擠得水洩不通,在拍外景空檔,總有人搵發哥合照,他亦來者 不拒,影完合照還會同大家寒暄幾句,如此親民巨星,難怪發哥可 以有咁多粉絲。被市民捕獲,造型亦被曝光,今次發哥電影造型跟 以往清爽形象有極大分別,一頭瀟灑長髮更添幾分滄桑!雖然造型 帶點復古頹廢,但卻掩不住發哥巨星氣場!

身材fit爆

行山運動日子有功,63歲發哥身型fit爆,體能勝過唔少後生仔。

食麵被圍

返港過年的發哥,爭取時間約朋友敍舊,日前他出動去九龍城約好友黎彼得食牛腩麵,不過一入舖頭,又被食客捕獲Selfie。

家姐大讚無私

近年反璞歸真的發哥,平日最愛行山獵影同大自然接觸,名成利就卻享受平凡。早前發哥胞姊周聰玲接受電台訪問,就大讚細佬無私大愛:「生活簡單並不簡單,平凡中見不平凡,這叫做超然、逍遙自在,佢已經昇華到活出了般若智慧!能夠做善事讓更多人受惠係福報!」 富貴如浮雲,懂得享受簡單幸福,就是發哥的瀟灑人生哲理, 值得向他學習!

期間發哥密密講電話,似乎係打畀仍未出現嘅黎彼得!

帶友食好西

兩人在舖頭吃麵吹水近1小時,離開時發哥仲搭住黎彼得膊頭傾唔停。

見發哥畀人捉住不停Selfie,黎彼得好有耐性企埋一邊等他。

韓國電視台追訪周潤發自揭捐身家背後原因

早前,周潤發明言自己於去世後會捐出自己整副身家,令不少人大讚發哥行為!最近,韓國電視台MBC《真實故事探索隊》來港,訪問現時63歲嘅發哥「捐出8,100億韓圜(約56億港元)財產是真的嗎?」,相信唔少人都相當有興趣知道!

周潤發
周潤發

周潤發
周潤發
發哥決定百年歸老後將全部身家捐出做善事,大愛行為引起韓國電視台關注,早前就專誠派攝製隊來港追訪他。發哥在節目中話:「錢不是你永遠擁有的,有一天會走,還是留下來給人用。」

節目組詢問發哥捐出全副身家的原因時,發哥表示:「財產不是你永遠擁有的,有一天走了以後,還是留下來給別人。」,發哥更認為人死後不如將錢留俾有需要嘅人,比一切更有意義。

發哥仲指發嫂陳薈蓮非常贊成佢捐出全部財產!

韓國節目組更翻查1989年發哥到韓國擔任《星期六!愉快的星期六》嘉賓時,曾透露節目後會參與慈善表演,希望大家捐多啲錢,可見當時已經熱心公益!

1989年,發哥到韓國擔任《星期六!愉快的星期六》嘉賓。

發哥於訪問中,表示每日能食三餐,有張可瞓教嘅床已經係幸福嘅生活!

周潤發豪捐全副身家做善事

發哥不時被人影到貼地搭地鐵,或者行山做吓運動咁,多年嚟樸素嘅生活方式相信都為發哥儲落唔少錢。

儲落咁多錢到底點樣使先好呢?上個月發嫂陳薈蓮接受訪問時就表示,佢同發哥兩夫婦諗住將成筆身家14億全數捐出,亦已經設立好慈善基金會,以幫助有需要嘅人。真係為善不甘後人呀!

發哥又話每個月只係使到八百幾蚊港幣,而部舊手機一用就用咗成十七年,直到兩年前先至換電話,就連買衫都係喺啲折扣店揀!呢種咁節儉嘅生活方式,分分鐘慳過螢光幕前嘅你呀!

發哥發嫂設立慈善基金會捐身家

反遭網民質疑純粹為避稅

發哥發嫂做善事當然係好事,但成日都有人懷疑呢啲善舉會唔會別有用心,做善事之餘仲用黎避稅。唔怪得之有網民懷疑發哥有咁嘅打算啦。

親民的發哥周潤發面對fans的合照要求一直來者不拒,不少成功捕獲野生發哥的網民都在網上晒命,近日連台灣市民都唔例外,令仲未遇過發哥的人(例如小編) 好葡萄!以下根據網民分享的資料,整合了幾個在過往較容易捕獲發哥的行山熱點,依家天氣涼涼哋幾舒服,大家不妨去行山順便撞發哥!

文:BoBo | 圖片及資料授權:新傳媒、微博、捕獲野生發哥| 原文:GOtrip

發哥去台灣一貫親民作風

發哥周潤發出晒名生活貼地又親民,佢喺香港行山、去街市時都常被市民野生捕獲。早前發哥去到台灣一樣貫徹親民作風,搭捷運時被一大班市民重重包圍,個個都爭住同發哥玩自拍!發哥當然亦來者不拒,逐一合照!

發哥
發哥

發哥
發哥

發哥
發哥

發哥
發哥

呢次台灣行,發哥仲拉大隊同班台前幕後去陽明山跑步,佢仲相當照顧班全程都跟出跟入嘅當地傳媒,就連由酒店揸車去陽明山都特登叫司機揸慢啲,等班台灣媒體唔駛跟得咁辛苦,真係非常關照大家呀!

最有機會遇到發哥的8個行山熱點!

01 | 捕獲次數最高-大帽山郊野公園

多年來最多人成功捕獲野生發哥的行山地點-大帽山!時間由上午11時至下午4時不等,不過大帽山的路線多變,要偶遇到還是需要點運氣。發哥經常光顧位於山腳的「 大帽山茶水亭」,老闆蓮姐都大讚發哥雖是國際巨星,但一點架子都沒有!

最常出現日子:星期五、星期日

捕獲熱點:大帽山茶水亭、大帽山巴士站

捕獲黃金時間:上午11時至下午4時

除了老闆之外,網友多次在這個小食亭遇見發哥,看來大家可以去碰碰運氣。
網友在小食亭捕獲發哥,看看發哥身後的照片,看來他已經變成招牌了吧!

02 | 輕鬆捕獲-城門水塘

別以為城門水塘只是種輕鬆的路線便不可能遇到發哥,原來這裏也是另一個「捕獲熱點」。發哥早年經常在城門水塘出沒,風景這麼優美,再同發哥影自拍,夠浪漫啊!而網友分享的照片,不難看出地點就在下城門水塘主壩。各位行山初學者又想同發哥影相的話不要錯過!

最常出現日子:星期五、星期日

捕獲熱點:城門水塘主壩

捕獲黃金時間:上午10時至下午4時

03 |冬季最易捕獲-鳳凰山

據聞鳳凰山也是發哥喜愛的行山路線之一,但這路線對於行山新手而言難度都較高,而且也花較多體力。發哥於2013年為了拍攝電影而減肥,積極行山,鳳凰山、八仙嶺是他鍛鍊身體的行山路線,上午走到中午時分,一走就是五、六小時。

最常出現日子:星期五

捕獲黃金時間:上午11時至下午5時

04 |秋季賞芒草-大東山

大東山因為芒草吸引很多人前往,原來有幸運的行山人士在11月、在大東山賞芒草之餘還捕獲到發哥,fans排隊輪流自拍!根據過往紀錄,發哥會由11時出發,來回花4個半小時左右,其間12時至4時是偶遇的黃金機會!

最常出現日子:星期五

捕獲黃金時間:上午11時至下午4時半

05 | 周末都捕獲到-元荃古道

元荃古道郊遊徑連接元朗及荃灣,在過往的周末,發哥多次被補獲,2014年發哥更帶領杜德偉及方力申走完整段15公里的路程。

最常出現日子:星期日

捕獲黃金時間:下午1時至下午5時半

06 |春季出現次數較多-大浪西灣

除了城門水塘,大浪西灣也是一個適合行山初學者去的路線,鹹田灣的景色也是出了名的優美,也是捕獲發哥的好機會!

最常出現日子:星期日

捕獲熱點:鹹田灣

捕獲黃金時間:下午1時至下午5時半

07 |過往最喜愛行山路線-龍脊

聞說龍脊也是發哥喜愛的行山去處,但好像較少人在龍脊碰見他,不過在早年發哥在這裏被捕獲的次數很高,說不定今年又可以在這裏遇到他行山呢!

08 | 新年大年初四都行山-八仙嶺

和鳳凰山一樣,八仙嶺也需要較多的體力完成路程,如果是行山初學者不建議走這條路線。不過早年大年初四就有網友在山上成功捕獲,一家人同發哥自拍!

延伸閱讀:

傳97歲賭王留院入ICU 三太否認:身體OK,有精神嘅!

關注我們Facebook專頁
    相關新聞
      更多瀏覽