【專訪】登紅館告別青春!許廷鏗:萬二人見證我嘅初夜幾震撼
2019年02月04日10:40

如看不到 請到Youku

許廷鏗(Alfred)今年3月將舉行其首個紅館《許廷鏗再見智慧齒演唱會2019》,他直言紅館對他很有意義:「心目中嘅天王巨星,甚至係好多由細到大鍾意嘅歌手都係喺呢個舞台先見到佢出現。佢哋紅館嘅演出係好獨有嘅!」

問到首度舉行紅館個人演唱會嘅感覺?Alfred笑言:「未知。因為一日未上紅館一日都未知感覺。」但他就表示十分期待,雖然以前在參加歌唱比賽時上過紅館舞台,但當時仍未有自己歌曲,不過當時已經覺得此舞台很有感染力。

對於演唱會海報被網民笑「成口血」,Alfred就澄清是唇膏:「有一種畀人奪去初吻嘅感覺。咁亦係我人生第一次上紅館,咁所以一個萬二人嘅場館,去見證我嘅初夜係幾震撼嘅一件事!」而演唱會主題「再見智慧齒」對Alfred來說是一個成人禮的感覺,好似告別童年,告別年輕階段:「呢個名我一睇已經好鍾意,原因一嚟同我另一個工作,大家最熟悉我嘅牙醫歌手身份有關。」

近年不少男歌手開演唱會總會努力操肌在演唱會上晒成果,Alfred就笑言自己的確KeepFit瘦了不少,但直言不是個個演唱會都要剝衫:「希望以一個比較精神嘅狀態面對呢個舞台,呢個舞台對我意義在於我心目中嘅天王巨星,甚至係好多由細到大鍾意嘅歌手都係喺呢個舞台先見到佢出現,好似哥哥(張國榮),甚至近排問緊show的學友。佢哋喺紅館嘅演出係好獨有嘅!所以準備迎接舞台嘅心態緊要過體態!」不過他就賣關子表示都有準備驚喜給大家!

關注我們Facebook專頁
    相關新聞
      更多瀏覽