C君向港台DJ女友求婚成功!想請XXX擔任星級兄弟!
2019年02月03日22:45

現年35歲的農夫成員C君(鄭詩君)今日求婚成功!C君今日在個人Instagram上公佈喜訊,並晒出目測有2卡的求婚鑽戒,成功抱得美人歸!

撰文:Kayla(原文刊於:Sunday kiss)| 編輯:東方新地|圖片:Instagram、新傳媒圖片

延伸閱讀:

王祖藍細說事業向上爬跌碰之路 「永遠同自己講唔好怕輸!」

重溫40年來11張紅星經典賀年相 群星熱鬧賀新歲!

C君 求婚成功

C君在Insatgram上分享一張拖著港台DJ女友黃天頤隻手的相片,並甜蜜留言:「年紀漸長,很多朋友都有『she says yes』的po文,今日,到我了,she said yes。謝謝,新年快樂。#共你熱戀可抵擋冰天雪地#全世界講一次恭喜」

而黃天頤亦Po出同一張相片,留言:「我們其實相識了很久,同笑的時刻有很多,同哭還好像是頭一次,幸好都是快樂窩心的眼淚。一句願意,以後同哭同笑。」

平時一向搞笑的C君為了隆重其事,非常有誠意地穿上西裝,在一班好友面前向女友求婚,黃天頤當言冧爆,仲話:「雖然我完全聽唔到求婚主題曲《無得比》,但睇到你口震震同我講很久前你已經覺得呢段關係可以圓滿,呢個畫面先係真正嘅無得比。」

C君 想請黃翠如做「兄弟」

C君去年在舉行演唱會時在台上向觀眾宣佈,將於明年與任職香港電台DJ的女友黃天頤結婚,並打算邀請黃翠如擔任星級「兄弟」。C君和黃天頤拍拖4年,二人不時會一同出席朋友聚會,感情穩定。C君在行內出名「寵妻」,有指他曾說希望可以讓女友「住好啲」,因為正計劃購入貝沙灣單位,共築愛巢。

0
0

C君宣布明年娶港台之花黃天頤 曾遭前女友悔婚!

麥玲玲曾rap過:「C君好男人,過幾年就結婚」,近日終於聽到鄭詩君(C君)嘅好消息啦!日前,C君與陸永舉行演唱會,其中C君喺棟篤笑環節向觀眾宣布,計劃於2019年與港台DJ女友黃天頤結婚!

撰文:東方新地|圖片:C君陸永黃天頤Instagram、西瓜facebook

C君宣布明年娶港台之花黃天頤

近日,農夫於旺角麥花臣場館開演唱會,除坐無虛席外,C君更於棟篤笑環節中,向在場觀眾報喜訊,透露自己計劃於2019年與港台DJ女友黃天頤結婚!C君更已為婚禮諗定兄弟團人選,指打算邀黃翠如為兄弟團成員之一。

現時34歲嘅C君,因患有重型地中海貧血症,需要終生定期到醫院輸血和接受藥物治療,因此自小C君就有住與平常人不一樣嘅生活。

View this post on Instagram

妹姐,welcome to our family ~

A post shared by C C (@ckwancheng) on Feb 23, 2013 at 4:52am PST

C君原名鄭詩君,於2000年與陸永組成hip hop組合農夫,出道後雖無緣走偶像派路線,但憑住二人機智嘅反應同口齒伶俐,成功打響組合名號!雖然組合暫時尚未能踏入紅館舞台開騷,但今年亦於旺角麥花臣場館開演唱會。

據知,C君於單親家庭中成長,幾歲時,母親離棄家庭,父親因則需長期於內地工作而無暇照料C君,故C君自細就由祖母湊大,與祖母感情非常要好!

陸永曾向傳媒透露,指好兄弟C君過往經歷過「爛桃花」,難過嘅經歷更潛而默化影響C君嘅感情路。10年時,C君曾宣佈與拍拖6年嘅圈外女友Gloria於12年結婚,當時仲用咗十幾萬買戒指!

View this post on Instagram

其實我真係已經盡咗力著得正經啲。

A post shared by C C (@ckwancheng) on Nov 4, 2014 at 2:16am PST

View this post on Instagram

今日錄稿,拍檔係,毫子!哈!

A post shared by C C (@ckwancheng) on Aug 22, 2013 at 12:32am PDT

可惜,喺11年時,有指其女友Gloria因擔心C君嘅地中海貧血症會遺傳俾下一代,故思前想後後最終決定與男方分手!

View this post on Instagram

新年快樂!帶埋麻油去拜年~

A post shared by C C (@ckwancheng) on Jan 30, 2014 at 11:21pm PST

同年11月,C君承認已經與未婚妻分開,仲透露分手初期有喊。除了Gloria外,C君其後亦曾短暫與林珊珊女兒西瓜拍拖,但都係分手告終。

然而,經歷過「爛桃花」嘅C君依然樂觀看待,重新找到另一半時,C君就講過:「是新的好開始,我有我advantage——她知道我一定有誠意結婚。」。4年前,C君開始與今年34歲有港台之花嘅DJ黃天頤拍拖。

天頤更不時會上載與男友C君出席友人活動時嘅大合照,例如同男友慶生時嘅生日派對、聖誕派對等,都會見到二人蹤影,可見女方非常融入男友朋友圈中!

上年,農夫舉行《農夫等錢洗世界巡迴演唱會》,天頤當然亦有去捧男友場,仲喺ig打千字文大讚農夫及自己一直以嚟對農夫嘅感受。

View this post on Instagram

入行時認識了這兩個哥哥,算起來已經是十多年前的事。那時我不知道「農夫」即係咩,又唔知佢地咁樣Rap即係點,大佬,我細個聽LMF唔係咁架喎。於是只有點白痴地覺得佢地幾好笑,歸納成「hip一點的尹光」。 很快成為了朋友後,我擁有了我第一張農夫唱片《月下思》。未至於驚為天人,但觀感總算由「hip一點的尹光」變為「hip hop過尹光」。之後,每一張唱片我都有收藏,也未有再將農夫同尹光連上。更加想像不到的是,因為他們,除了露齒笑,我竟然不只一次聽嘻哈聽到眼濕濕。 若然唱片單曲加起來是一個歌手的履歷表,那演唱會就是他們的一個「面試機會」,你肯俾個機會嚟見見就知道真人是否好過上鏡,當然不是講樣,而是他們說的唱的說唱的。面試及格了,從此就是成長的同伴。 從來覺得笑中有淚的表演是好不容易的,如果你來看有跟我一樣同笑同哭,那應該慶幸這個「壇」裡的農夫跟我們是在同一個時代成長。 我不敢說他們是後無來者,但一定是前無古人。 而在這個年代,除了他們,演唱會裡出現的RX,咖啡因公園,Double T,葉因,HanaX⋯⋯都是本地很好但未必是最主流的表演者。DJ Tommy更不用多說吧?! 演唱會是期間限定,同樣一個表演者的生涯也是,可以的話請儘量給予他們一個「面試機會」,雖然俾錢係你,上門搵佢「面試」嗰個又係你。 不論拒唱禁歌「港女收港男皮」的女歌手是誰;「好彩分手」的前女友是否真有其人;當年如果真係陳奕迅唱「重新找到你」又係咪會唱紅首歌;廿年後佢地仲會唔會check it out ,這些都不重要。重要是這次「面試」證實了「農夫」是這個年代最有代表性的rapper之一,不用待雲海或龍哥證實他們在2017年是確確實實存在過的。 *寫於農夫送客中 #農夫等錢洗演唱會 #農夫真人乜野話唔記得左 #陸永呢個頭令人好想打佢

A post shared by tinyeewong黃天頤 (@tinyeewong) on Nov 14, 2017 at 8:10am PST

據了解,C君對女友天頤寵愛有加,加上近年收入大增,故曾講過「希望給女友住好一些」,坦言目標是購入貝沙灣豪宅與女友居住。儘管現時目標尚未實現,但C君亦租咗荃灣千呎單位與女友同居,盡顯對天頤嘅愛!

今年10月,曾有傳媒發現C君與女友天頤行婚紗展,而C君亦坦言為婚禮做功課睇資料!另外,由於C君經歷過悔婚嘅關係,故曾深思熟慮婚後生兒育女問題,不過C君指自己會尊重女友決定為先!

延伸閱讀:

必知9項農曆新年個人禁忌 做錯又俾長輩鬧!

關注我們Facebook專頁
    相關新聞
      更多瀏覽