王祖藍細說事業向上爬跌碰之路 「永遠同自己講唔好怕輸!」
2019年02月03日19:00

打從走紅以後,邵氏的賀歲片就年年都有王祖藍份。今年又嚟,不過換個玩法,樂易玲和曾志偉交個波畀祖藍打骰,他也就索性公器私用,一圓自己一個十三年的舞台劇夢!祖藍分享自己於影圈打滾多年的心聲,同時亦分享太太李亞男對祖藍怎樣忍得及大談下個十年的目標!

撰文:東方新地|圖片:東方新地、王祖藍微博、李亞男ig

延伸閱讀:

重溫40年來11張紅星經典賀年相 群星熱鬧賀新歲!

必知9項農曆新年個人禁忌 做錯又俾長輩鬧!

王祖藍細說事業向上爬跌碰之路

王祖藍演藝畢業,舞台出身,卻因為搞笑扮女人紅到上祖國身家億億聲,難得的是一直還沒忘了這個舞台夢。「嗰陣時我都仲係做緊兒童節目,電視台份糧呢就攞嚟養家,自己出去做吓舞台工作叫做繼續追尋理想。你話賺外快,其實又唔算,份酬勞少得可憐,頂攏都係攞嚟做車馬費。」

「我一直想將舞台劇變成歌舞劇,但又礙於個市場,咁多年都做唔到。老老實實,中文歌舞片根本就係一 片死寂!我想賭一鋪大細畀自己試一 次,如果真係唔得,咁就真係要認,歌舞片的確唔適合香港。」,有本錢輸得起,這句話,代表著王祖藍的魄力和能耐。

從籌備到寫劇本、從編曲編舞改歌詞,然後選角搵班底埋班 拍,用二十日標準港產片製作期限如何完成預計得要四十日拍攝日完成的歌舞片,「結果真係碌咗好多人情,用咗二十幾日拍咗四十幾日嘅嘢!」

《你咪理,我愛你!》劇照
《你咪理,我愛你!》劇照

「呢個都係港產片精神,有限時間地方創造到無限奇跡,呢一步亦都係為咗將來而行,我今次要做到,先至有籌碼下次要求四十日畀我拍。」,面對原本不可能的任務,祖藍依然迎難而上,同時這亦是香港人一直存有的精神!

《你咪理,我愛你!》劇照
《你咪理,我愛你!》劇照

打滾影圈多年,祖藍儲下的除了經驗,同時亦有信心:「一套電影,由十二個故事連場歌舞組成,唔止電影未試過,連舞台都係只此一次。不過我對舞台劇有信心,所有笑位經由十幾年台上琢磨出嚟,一定精準過由頭寫過個劇本。我亦都對香港班舞台劇演員有信心,毛舜筠同我講做得好好。」

「最挑剔嗰班舞台劇原班人馬都話滿意,先唔好理票房,我做到,就應該要為自己喝彩,呢個credit我受得起!如果咁都唔得,香港觀眾都係鍾意以往模式,咁我認我脫節,最多咪返去做番幕前囉!」,至少一試無悔,總好過日後後悔。

王祖藍兩個原則

提到回想過去,祖藍指出有兩個原則十分影響他:「第一樣嘢,唔好再坐喺度等,與其問自己唔知仲要等幾耐,不如換個講法:『仲等咩呀?做啦!』」

「第二個原則,就係真係唔怕輸,永遠都要話畀自己聽,prepare for the worst!TVB撈唔掂,咪返舞台囉。戲劇組跑龍套,最多咪又去主持兒童節目。就算追李亞男我都係咁諗,追唔到,我咪一樣單身啫嘛,有咩輸啫?每次你要問自己,輸嘅代價我承唔承受得起先?承受到,咪去囉。」,也許世事要抱有一個不怕輸的心態,才會推動及提醒自己無妨一試!

名利雙收時,祖藍被身邊人甚至親戚指摘「變咗」,他說:「不止自己受罪,連阿媽唔得閒打牌都會被親朋戚友鬧:『家陣個仔有錢,你就巴閉喇!』呢行就係咁,名氣大,錢賺得多,附帶條件就要預咗被討論被批評」。

幾年之間從名利雙收到自立門戶成為娛樂製作經理人公司老 闆,王祖藍話家庭作業嚟啫,還請古天樂畀條生路嚟行。

因此,祖藍表示:「我都學識一樣嘢,原來真係冇辦法滿足所有人,得到所有人認同並唔係我人生目標。調番轉頭,我屋企人、我老婆仲有個女畀咁多愛我,我有咁多正能量,就算被街外人扣咁啲,都仲剩番好多!」

太太李亞男對祖藍好忍得

藍說全年無休由年頭忙到年尾,密麻麻的時間表中,最感恩的一件事,應該是元旦當天,總算攝到了年多以來唯一 的一天假期,總算實實在在感受了三口之家的平凡一天,「初生嬰開眼有幾難得,我同亞男一等到就好似孔雀開屏一樣咁興𡚒」!

「我為套舞台劇戒口戒咗好耐,跟住陪亞男食坐月餐又日日清淡,嗰日最開心係咩你知唔知?就係一個人落咗超市,買咗薯片又買咗汽水仲食埋炸魚柳㖭,幾個月未試過咁滿足,真係渴咗好耐好耐!」,大忙人最快樂的一刻是有最平凡的一餐。

剛滿月的女兒 Gabrielle,亞男話似奶奶,祖藍同媽媽是餅印母子,囡囡果然似足爸爸。

「寫《老表》劇本嗰陣時,真係三個月都冇諗過返屋企,晚晚就係喺劇本房瞓。直至亞男入院先至知,亞男份 人好忍得,成日話畀我知佢冇嘢,同我講『你去啦你去啦』,我真係走咗去,原來佢受苦唔出聲。到佢出聲已經頂唔順,。」

五年後入院陪生 產則交畀內地電視台全程直擊全國播放。
五年後入院陪生產則交畀內地電視台全程直擊全國播放。

下個事業目標

「我唔想再試,尤其係依家仲有個女㖭,所以推得嘅就推,唔會接劇、唔會離開香港太耐!依家我學識喇,唔會再好似以前咁,一味係衝。返到屋企陪到老婆同個女, 而又發掘到新人接手,何樂而不為?呢個至係下個十年嘅目標。」

爸爸離世十七年,王祖藍把媽媽和弟妹照顧得妥妥當當的,還為媽媽買了樓,就在自己隔籬一棟,當年剛滿二十歲就要半工讀擔起頭家,王祖藍說從來沒有抱怨,不過累和受委屈的時候,會跟爸爸說:「 我真係唔覺得佢唔喺度,一個禮拜十個夢起碼有三個會見到佢,辛苦嘅時候,細佬妹唔聽教嘅時候,我都有向佢請教,人生每個重要時刻,我哋都有對話。」

十七年前兄代父職,王祖藍說最難的是不小心以為自己就是爸爸就該負起養家責 任,有時候教細佬妹時覺得委屈,會在夢裡向爸爸請教。

延伸閱讀:

2019女星5款熱捧髮型 首選百變「Lob頭」!

關注我們Facebook專頁
    相關新聞
      更多瀏覽