【必試脆皮馬拉糕深水埗創意點心專門店】
2019年02月02日16:58

蒸嘅馬拉糕就食得多喇,脆嘅你又食過未?呢間深水埗小店除咗傳統中式點心之外,仲有唔少創意點心,好似小編最愛嘅脆皮馬拉糕,雖然係炸嘅,但係零油膩,外脆內軟,另外蒸飯全部都係即叫即蒸,飯粒分明唔會軟淋淋。小店堅持所有點心都係自家製,誠意十足

▲脆皮馬拉糕 ($24)脆皮馬拉糕係原籠上,單看外表可能唔覺佢有咩特別,但咬落去就會知道佢整個外皮都係脆㗎!一問之下,先知道佢係炸出嚟的,食落口感外脆內軟,唔會過甜,,雖然係油炸,但可以話係零油膩,好好味!

▲蒜蓉蒸開邊蝦飯 ($36)蒸飯一上枱已經聞到好香嘅蒜蓉味,飯面有三隻開半嘅蝦,肉質彈牙夠新鮮,用荷葉墊底嘅飯粒由於即叫即蒸嘅關係,粒粒分明,唔會焗到淋晒,大量蒜蓉粒超好送飯,係蒜迷之選!

▲粒粒奶凍咖啡糕 ($16)點心店較為少見嘅甜品款式!咖啡味好濃,混入咗不少奶凍粒粒,整體好滑溜,$15蚊三件好抵食!

▲“H”n“M”船 ($36) 其實係煙燻火腿芝士船,摺成船狀嘅麵包釀入咗大量芝士同火腿,一打開就可以見到拉芝嘅效果,脆卜卜嘅麵包加埋芝士,簡直係最佳嘅組合呀!

▲XO醬炒蘿蔔糕 ($35)一上枱已經聞到好香,粒粒蘿蔔糕夠獲氣,配上XO醬帶點微辣又惹味十足,愛食辣嘅朋友建議可以點埋辣醬,味道更佳!

周師傅點心

地址 :深水埗北河街131號地下

文字來源/圖片來源:香港人.遊香港

相關文章:

【日本北海道名店!鮮蝦湯拉麵 】

【街市中的丼飯小店激抵期間限定優惠】

關注我們Facebook專頁
    相關新聞
      更多瀏覽