吳卓羲否認林峯飯局報婚訊
2019年02月02日03:00
■吳卓羲笑言與黃宗澤為林峯做花仔花女。

【星島日報報道】(星島日報報道)邵氏兄弟皇牌系列《飛虎之雷霆極戰》昨晚舉行煞科宴暨邵氏兄弟團年飯,劇中主要演員,包括苗橋偉、吳卓羲、黃宗澤、馬德鐘、吳業坤、梁競徽、苟芸慧及一眾邵氏兄弟合簽藝人到場支持,星光熠熠,卡士強勁。

黃宗澤(Bosco)撐着拐杖到場,跟好兄弟吳卓羲一同接受訪問。談到終於煞科,黃宗澤笑說:「美其名是煞科宴,我就仲有一日戲要拍,係撞車戲分,同陳山聰、吳業坤一齊拍。咁當然我用替身啦,不過都考演技,又要扮跑又要扮被撞。」問到可希望添食拍第三輯?他們異口同聲表示要先看收視再談添食,吳卓羲說:「成績好唔介意拍嘅!但都要睇番三哥,今次拍得舒服都係靠三哥,因為係三哥要求秋冬拍。」

此外,提到有指早前林峯舉行飯局,於吳卓羲、黃宗澤、 梁競徽及苗橋偉等人面前公布婚訊。吳卓羲說:「無喎!完全無提過,當日基本上係為梁競徽慶祝攞最佳男配角,一係阿峯收得好埋,一係完全無呢件事發生。」談到若林峯跟張馨月結婚,各人是否會做兄弟,他笑說:「係啊!我做花仔,黃宗澤做花女。(林峯好事近?)唔知啊!今日唔好講呢啲,今日係煞科宴。」談到農曆新年,吳卓羲透露會到加拿大登台,黃宗澤笑說:「新年Book咗物理治療師,我同物理治療師過。」

另外,馬德鐘來感受氣氛望有份演第三集,但角色若不合適就算自薦演出也沒用,慣常會找他演飛虎角色,他反而想演反派覺得更過癮好玩,做反派同樣要操練。今年他會跟家人到澳洲過熱辣辣新年,簽邵氏後未有新工作,農曆新年假會休息,做運動操肌希望更弗更有活力。

關注我們Facebook專頁
    相關新聞
      更多瀏覽