2019年最受歡迎的8大類型BB英文名 O字頭及含X字名最熱門
2019年02月01日09:46

近年每個BB出世後,爸爸媽媽除咗要煩惱改咩中文名,仲要為BB諗個特別嘅英文名!最近有外國網站預測2019年7大類型嘅熱門BB英文名,當中O字為首、或者含有X字嘅英文名成為今年熱門趨勢!如果你未諗到為仔女改咩英文名,可以參考一吓!

撰文:Sunday Kiss|圖片:新傳媒資料庫、ThinkStocks |編輯:KM

延伸閱讀:

【母乳教室】產後湯水助增乳汁 6款簡易催奶湯水食療

【新年小朋友剪頭髮】新年扮靚 全港必去兒童剪髮樂園一覽表

2019年最受歡迎 8大類型BB英文名

踏入2019年,越來越多爸爸媽媽喜歡為仔女改個特別嘅英文名。最近有外國網站預測2019年7大類型嘅熱門BB英文名,如果爸爸媽媽正煩惱緊要為仔女改咩英文名,可以參考一吓!

BB英文名
BB英文名
最近有外國網站預測2019年7大類型嘅熱門BB英文名

1.「O」字頭

網站一開首就估計,在2019年開始,「O」字頭的英文名會成為熱門英文名!其中「Oliver」成為英國最熱門英文名,甚至首次成為美國頭十受歡迎嘅選擇!另外就係「Owen」,呢個名一直高倨頭五十,現時為二十八位,大家可以考慮一吓呢!

講完男仔,以下都有唔少「O」字行頭嘅女仔名!例如聽上去好有節奏感、長期排頭十名嘅「Olivia」都係大熱,仲有包括「Octavia」、「Ophelia」,同以「oaky」開首嘅名,好似「Oaklyn」、「Oaklynn」、「Oaklee」、「Oakley」等等,又特別又有記憶點!

BB英文名
BB英文名
Oliver 已經連續幾年排熱門英文名頭十名。

2. 較中性嘅選擇

唔想太男仔或太女仔?放心,以下有啲「非性別二元」嘅BB名俾你參考一下!「Elliot」就係一個唔錯嘅選擇,皆因佢仲有其他變化,好似「Eliot」,男女都用得!其他熱門嘅中性BB名包括「Briar」、「Campbell」、「Finley」、「Journey」、「Justice」、「Laken」、「Revel」、「Robin」、「Royal」同「Story」, 特別提提「Revel」呢個名涵義係「未知」,「Briar」就喺塞爾特文化入面係指「強壯的人」,「Finley」則指「公平的戰士」,個個都非常有意思!

BB英文名
BB英文名
中性英文名亦非常受歡迎。

3. 大自然系列

從大自然身上取材都係唔錯嘅選擇,有強壯雄馬意思嘅「Colt」,女仔嘅可以用木蘭花「Magnolia」、月亮「Luna」、榛子「Hazel」或者指晨曦嘅「Aurora」。如果你鍾情於寶石珍珠的話,紫晶「Amethyst」、翡翠「Emerald」、石榴「Garnet」、黃玉「Topaz」、石英「Sapphire」同碧玉「Jasper」都係近年熱門嘅名!

愛好動物嘅又有咩其他選擇?唔介意仔女聽上多一點「野性」嘅話可以考慮用「Bear」、「Falcon」、「Fox」、「Hawk」或者「Koala」都可以呢!

View this post on Instagram

祝大家Happy 2019!!!!

A post shared by 應釆兒 (@yingcaier) on Jan 1, 2019 at 8:43am PST

4. 含「X」字

近來以含有「X」嘅名成為好受歡迎嘅男仔名,好似係熱爆嘅「Alexander」嘅縮寫「Xander」、代表和平嘅「Axel」或者「Axl」、短小易記嘅「Dax」、頭百位受歡迎嘅「Xavier」,或者有唔同串法嘅「Jaxon」同「Jaxson」。

BB英文名
BB英文名
「X」開頭嘅名近年好受男B歡迎

5. 「權力遊戲」主題

有睇開「權力遊戲」都知劇中唔少角色名都英氣十足!好似女皇「Khaleesi」、公主「Lyanna」、「Arya」同「Aria」,都係女仔名嘅熱門名!戲外演員嘅真名都好受歡迎,女主角「Emilia」同「Maisie」等等。

BB英文名
BB英文名
權力遊戲熱潮持續,其中演員及角色名成2019BB改名指標!
BB英文名
BB英文名
女主角 Emilia

6. 美國西部狂野主題

同上面提到野性一點嘅動物名外,大家都可以考慮美國西部牛仔文化下嘅英文名!除咗有勇敢意思「Wyatt」嘅大熱選擇外,男仔的話可以考慮美國西部嘅「Clyde」、「Boone」、「Stetson」,而女仔可以考慮「Jolene」同「Oakley」,以上都係充滿濃濃嘅美國西部本土嘅味道嘅名字!

BB英文名
BB英文名
美國西部牛仔嘅名夠晒型格!

7.小暱稱

唔想大嚴肅,想為仔女改一個輕鬆一點又簡潔嘅名又有咩提議?大家可以考慮用一啲小暱稱,如男仔方面有「Charlie」、「Frankie」、「Mike」、「Theo」,榜首嘅「Liam」都係長寫「William」嘅縮寫!女仔就可以叫「Ellie」、「Frankie」、「Jenny」同「Millie」。

小暱稱都可以行復古風!好似取自美國五十年代受歡迎嘅漫畫《阿奇漫畫》中男主角名「Archie」、《阿飛正傳》中嘅「Alfie」、美國第三十四任總統嘅名字「Ike」同英國搖滾樂團皇后合唱團Queen主音嘅名字「Freddie」都係唔錯嘅選擇!

BB英文名
BB英文名
《阿奇漫畫》中男主角名為「Archie」

8. 參考哈利王子與梅根

緊貼英國皇室新聞嘅你都可以考慮參考哈利王子與梅根嘅提議呢!雖然未有結果,但網站就指「 Henry」同「Arthur」會係男仔名大熱,而女仔名則為什「Eleanor」同「Alice」,無論如何係咩名,只要係英國皇室所選嘅都會立馬成為大熱呢!

BB英文名
BB英文名
哈利王子與梅根即將誕下孩子,孩子的名字一定會成為2019爸爸媽媽幫仔女改名嘅熱門名字

延伸閱讀:

濕疹者食物禁忌 9大忌吃食物

關注我們Facebook專頁
    相關新聞
      更多瀏覽