握財政大權!豬年勢追豬仔 黎明女友抱B出巡
2019年01月30日22:20

金句王黎明除了語出驚人,感情路上的選擇亦估佢唔到,前妻是超模樂基兒,現任女友Wing Chan是細十幾年的失婚素人,得到天王寵幸,由女助手變 成掌管公司要務及財政大權的 左右手,去年4月為黎明誕下 肥肥白白的囡囡,母憑女貴。 女兒出世後,黎明有女萬事足,甚為享受做爸爸的黎明 更希望豬年成功添丁,湊個 「好」字。女友阿Wing亦養好 身子準備生第二胎,平日深 居簡出的她,日前罕有地抱 埋B女去銅鑼灣與親友見面,已經九個月大的明公主皮膚白晳,肥嘟嘟眼仔碌碌, 同爸爸黎明簡直餅印一樣。

原文:東方新地 圖片:新傳媒圖片

延伸閱讀:

止咳化痰藥 你揀啱了嗎?

【盆菜2019】新年必食4大圍村風味盆菜

奉女坐正入宮

黎明2012年與樂基兒離婚,過了六年鑽石筍盤生活,去年暗交同樣離過婚的Wing Chan,本來在黎明旗下AMusic做普通女助手的阿Wing,除了閃升做營業部經理,在公司打晒骰 外,就連黎明位於上水雙魚河St.Andrews Place的6千呎獨立 ,阿Wing都出入自如。去年初,本刊獨家爆出阿Wing陀住約 6個月巨肚,獨自由黎宅駕車出發去沙田行街睇BB床,又去車行揀定新七人車代步。大住肚入宮養胎的阿Wing,獲黎明承認女友身份,並在fb宣布即將迎接小生命的喜訊。

去年本刊獨家爆出黎明離婚六年感情再有滋潤,前年開始寵幸失婚女助手Wing Chan,兼阿Wing狗年報喜將榮升人母,陀B七個月,報道出街後黎明在facebook宣布喜訊,承認與32歲、同樣離過婚的阿Wing交往,且女方已懷孕!

4個月大

去年本刊率先報道黎明與樂基兒離婚六年感情終於再有滋潤,囡囡出世後四個月,黎天王才在fb宣布喜訊,正式公開女兒的正面照,並說:「我的女兒…好胖呵呵,… 平凡是她的運氣!」

9個月明公主

黎明去年8月公開囡囡大頭照後,B女未曾露面,現已9個月大的明公主,單眼皮兼小嘴仔,肥嘟嘟皮膚白晳,有如「迷你版黎明」!

去年4月22日,阿Wing早產一個月誕下五磅B女,雖然BB 出世是開心事,但黎明在社交網上作出回應,字裡行間對醫務人員及其他孕婦深感抱歉,更怒斥爆料者是「漢奸」,為了保護女兒,黎明做了緊張天王,謝絕外人探訪,亦拒絕透露女兒的名字。到B女四個多月大,他終於在其社交網分享明公主的真面目,兩父女的樣子和神情的確好似。

單腳抱女

由失婚女助手升呢為黎明女友的Wing Chan,去年4月誕下五磅B女後,一直深居簡出,早前她帶囡囡去銅鑼灣,司機護住母女上落車,阿Wing一落車就表演金雞獨立單腳抱女,兩母女穿上同款波鞋,襯到絕。

雖然是新手媽媽,但睇得出阿Wing湊女親力親為,右手抱女左手幫女整理口水肩,對她來說毫無難度。

阿Wing與女親友傾飽先離開餐廳,然後等司機前來接她與囡囡 返回上水獨立屋寓所,生完九個月的阿Wing已完全修身,狀況甚弗,可以準備為第二胎開工啦!

生B前

4人團隊傍實

食飯期間B女由女親友抱去換片。

精靈吮手指

阿Wing這日約娘家親友食午飯,明公主身嬌玉貴,有 專人輪流照顧,食飽飽更由男親友先行抱走,B女戴住帽仔吮住手指好可愛。

親友把B女交由司機先抱上車,外籍女傭亦一直緊隨,轉了幾次手都無扭計,好乖巧。

追仔湊「好」字

初為人父的黎明對於女兒出世感到非常欣喜,至於母親阿Wing,生女後得寵程度 更再度提升。知情者透露:「雖然阿Wing身份仲係黎生女朋友,但女都生埋地位已經 穩如泰山,公司大小事務佢都遙控話晒事,財政都管埋,咁短時間就坐正,真係要風 得風。依家黎生唔使開工時,大部分時間都留喺屋企同囡囡相處,見到個女咁得 意,佢都想繼續生,若然豬年追多個仔就最完美。黎生開到口,阿Wing亦好樂意配 合,而佢亦都係一個唔錯嘅媽媽,平時湊女唔會假手於人,成功追多個仔,分分鐘有得名正言順做埋黎太。」

狂掃減價貨

貴為明嫂又手握財政大權,但阿Wing買衫 畀囡囡就好慳,早前本刊記者見她約朋友 到尖沙咀茶敍,之後獨自行街專吼減價BB衫,主攻粉紅色裙仔同運動褲。

以往黎明不時化身明福俠活躍於社交網,但囡囡出世後,黎明似乎分身不暇,近 月已沒有再更新社交網。為了不想女兒曝光,黎明下令不能隨便帶明福囡周圍去,阿 Wing誕女後除了專心留家照顧女兒,閒時亦會約友人茶敍及行街抖氣,本刊記者多次 見阿Wing獨自外出為囡囡掃減價衫及玩具,貴為天王女友的她,生女前愛買名牌,陀 住女由頭到腳都全身名牌,但為人母後卻突然變得知慳識儉。

全職湊女

產女後阿Wing全職湊女,愛買名牌的她,早前撇甩女兒去元朗形點血拼,逛的都是玩具店、書店與童裝店,與一般港媽無異。

帶囡囡見親友

日前阿Wing鮮有地帶埋囡囡外出,由司機專車接載到銅鑼灣鬧市,雖 然有外傭同行幫手,但阿Wing落車後堅持自己抱B,去到餐廳與兩名親友 食午飯,阿Wing才交由外傭照顧片刻。現場所見,已九個月大的B女可能 少出街,對所有事物都非常好奇,不時眼仔碌碌周圍望,頭髮唔多的她皮 膚似足爸爸黎明白晳,當日阿Wing明顯為女兒悉心打扮,母女穿上同款波 鞋。食完飯準備離開,一名男親友抱走B女行去搵司機,離開母親視線範圍 都沒有扭計爆喊,可見黎明女兒的性格非常好亦唔難湊。見完親友,阿 Wing即帶囡囡返回上水寓所,唔敢周圍去。

產後九個月,現年約33歲的阿Wing身體狀態已完全回復,她亦準備好再為黎明生第二胎,而去年黎明開過巡迴演唱會,又拍過內地古裝劇《將夜》,現在正好是空檔期,再加上近年養精蓄銳少外出應酬,要一擊即中添豬仔非難事。今年娛樂圈繼續喜事停不了,早前郭富城已公開認太太方媛再有喜,雖然未知係仔定女,但如果黎明都兩年抱兩,四大天王應該有機會打破四大岳父之名,總之生到有仔為止。

專人服侍

為女兒掃了幾大袋戰利品,阿Wing交由司機代勞,她只負責拎住盒外賣食物。

阿太生活

今時唔同往日,阿Wing身份唔同晒,排場亦唔同,現在出入酒店,有司機車出車入,過住阿太式生活。

產前買專車

去年初,本刊影到阿Wing 陀住巨肚去睇七人車,現在她與囡囡 出入所坐的七人專車,就是由她親自試坐後購入的。

公司打骰

身為AMusic營業部經理的阿Wing大肚前曾以背心短褲打扮返工,放午飯有同事左右護法,產女後仍手握大權,不過已甚少在公司出 現,以遙控式掌控公司決策。

獨立屋女主人

阿Wing與黎明交往不久已進駐上水雙魚河 St.AndrewsPlace,該棟三層獨立別墅是 07年黎明豪擲4,800萬買入。

追仔在望

52歲的黎明有心有力,要追多個仔繼後香燈絕對唔難,據知阿Wing亦非常樂意配合,有望在豬年再添豬仔。

有女萬事足

曾自稱明福俠的黎明去年8月在澳門舉行《 Leon MetroLive》演唱會時,在巨型LED大銀幕 播出「明福囡」的卡通, 他謂這是替他畫明福俠的朋友畫出來,他更將一批印有「明福囡」的小手帕放在部分觀眾座椅下作為禮物,可見初為人父非常開心。

忙搵奶粉錢

黎明近年頻頻北上搵錢,兩年前演出真人騷,最近又友情出演古裝玄幻劇《將夜》,獻出睽違多年的古裝扮相,這次則飾演充滿謀略的唐王,英氣十足。

誓破四大岳父之名

90年代紅爆的「四大天王」中,以張學友最先成家立室,巧合地劉德華、郭富城以及黎明都是岳父 相清一色生女,四個天王已經有5條Queen。早前城城終於承認太太方媛懷第二胎,而黎明又好大機會今年再生 B,睇吓邊個可以率先打破岳父命生個男B先?

昔日的四大天王,至今都變成「四大外父」,事關個個都已榮升爸爸,而且個個王天嫂都係生囡囡!

延伸閱讀:

【日本親子遊】和歌山自駕親子遊5日4夜行程 溫泉+海鮮+探訪熊貓BB

關注我們Facebook專頁
    相關新聞
      更多瀏覽