【錢途無限】譚詠麟22歲餅印仔牛津碩士畢業!任職國外遊戲公司工程師
2019年01月26日06:00

「校長」譚詠麟在80年代紅遍兩岸,他亦在風頭一時無兩的時候與太太楊潔薇結婚,遺憾兩人無所出,多年後,紅顏知己朱詠婷為譚詠麟誕下一子,令網上引起不少討論。而校長的兒子譚曉風家陣22歲,前年牛津大學碩士畢業,譚詠麟飛到英國參與兒子的畢業禮。貴為星二代曉風高大威猛靚仔過阿倫,著名學府畢業,現時任職國外遊戲公司工程師,成個package好完美!

撰文:TLY(原文刊於:Sunday Kiss)|編輯:東方新地|圖片:譚詠麟微博、新傳媒圖片

延伸閱讀:

康華獲佘詩曼力撐進軍樂壇 47歲轉型做歌手!

握財政大權勢追豬仔!黎明女友抱B出巡

兒子譚曉風牛津碩士畢業

兒子譚曉風出類拔萃,遺傳了爸爸的音樂天分,彈鋼琴,吉他,打鼓,同時甚有運動細胞,籃球、足球、划艇各方面都很出色。他在英國GCSE考試中,考獲12A好成績,拔尖入讀牛津大學。前年他碩士畢業,譚詠麟飛到英國參與兒子的畢業禮,身為父親的阿倫引以為榮。譚曉風畢業後,現時任職國外遊戲公司(Axiom Zen)的工程師,開發遊樂器主機遊戲。其公司是一所加拿大的開發區塊鏈遊戲公司,客戶包括NASA和Microsoft。曉風在這間公司工作,真是前途無可限量!

譚詠麟
譚詠麟
譚詠麟兒子譚曉風拔尖入讀牛津大學仲碩士畢業,阿倫緊緊擁抱着兒子四萬咁口豎起手指公讚好,可想而知當時阿倫的情緒有幾咁激動。

譚曉風畢業後,現時任職國外遊戲公司的工程師

譚詠麟 兒子譚曉風牛津碩士畢業

譚詠麟 除了在香港樂壇地位崇高外,其一生最大成就還包括有個出類拔萃的兒子譚曉風。自小已是譚家金叵羅的曉風,雖然與母親Wendy一直生活低調,但卻非常出色,5歲時憑一幅素描贏得全香港兒童繪畫比賽亞軍,11歲已經考獲六級鋼琴,識打鼓又會彈結他,而且甚有運動細胞,籃球、足球、划艇樣樣精,由細叻到大。

曉風樣子俊俏,與後生的阿倫有幾分相似,但沒有阿倫的假哨牙。從小讀書成績甚佳的他,在牛津大學完成碩士課程,成為阿倫的驕傲。

十優狀元 能文能武

曉風運動叻,學業成績更加威威,10年成為十優狀元後被阿倫送去英國升學,於英國GCSE考試中以12A佳績,以拔尖身份攞埋獎學金,考入世界頂級學府牛津大學。對兒子絕口不提的阿倫,當年曾罕有公開大讚:「佢媽咪(Wendy)教得佢好好!但我仲要佢明白到幸福唔係必然,所以自細帶佢去貧困地方探訪,我唔會畀好大壓力。其實我都好想做嚴父,但真係冇可能,印象中,只係喺佢兩歲時打過佢一次。」曉風在牛津攻讀電子工程碩士四年,前年以二級榮譽畢業,阿倫雖然忙於為今個月尾與阿Sam的個唱綵排,但他仍抽空飛英國出席曉風畢業禮。

百萬英國觀禮團

阿倫得一粒仔,碩士畢業咁大件事當然拉大隊去觀禮,包括Wendy娘家的親友及阿倫的好友拉姑、鬍鬚Kong,以及晨曦班主周文曦等,阿倫花過百萬包起觀禮團,為賀阿仔使幾多都值得。

有份出席曉風畢業禮的拉姑搞笑地半跪式送花畀阿倫,穿上阿仔件碩士袍的阿倫過足癮。

雖然來去匆匆只有三日時間,但阿倫仍豪花過百萬拉大隊去參加曉風的畢業禮,除了拉姑及老公鬍鬚Kong,還有與阿倫多年友好的晨曦班主周文曦。

單睇阿倫在畢業禮戴上兒子的四方帽,攬住兒子直豎拇指的興奮照,就知道曉風是他的驕傲,令他非常自豪,雖然他自己po上社交網的照片全都是囝囝的背面,仍看到曉風高阿倫成個頭,身高六呎的他身形壯健,本刊記者更找到他在Linkedin登記的帳號,英文名為「Howard Tam」的他,比幾年前多了一份成熟,是個陽光大男孩,跟阿倫後生時如餅印一樣。

被拔尖入牛津,曉風能人所不能,四年完成碩士課程畢業,更是校內多個學會的搞手及成員,睇曉風個樣咁sharp醒,四眼look係斯文啲,不過一定唔係書呆子。
牛津畢業後,曉風即獲加拿大的Axiom Zen聘請任軟件工程實習生。

為兒子感到自豪的阿倫,感動之餘亦不忘搞笑,在牛律大學校園內穿上碩士袍不停影相,又話自己才是真正的哈利波譚。
畢業禮後更準備了一個畢業公仔蛋糕送給兒子,很有心思。

派Wendy睇實個仔

多年來阿倫主外搵錢,教育兒子的重責落在Wendy身上,大學畢業的Wendy由曉風幼稚園開始已親自教做功課溫習,從不假手於人。知情者透露:「Wendy有學識又有耐性,咁多年嚟放咗好多心血同時間喺曉風身上,曉風讀書學嘢全部都好自動唔使人逼。阿倫夫婦從來唔會畀佢覺得自己高人一等,自小同佢講要有收穫就要先努力。阿倫以前好少理佢讀書啲嘢,不過個仔愈大佢就愈緊張,因為唔少圈中人都想打曉風主意,又話想簽佢,其實曉風唱歌真係有天份,不過阿倫同個仔講依家做歌手搵唔到食,叫佢唔使諗,趁後生讀埋個博士先。」

阿倫與Wendy當年在歌迷聚會上認識,粉絲Wendy最後變成紅顏知己,更為阿倫生了兒子譚曉風。早年Wendy與曉風生活得極度低調,直至06年譚父去世,兩母子身份亦刊於訃聞中。本刊記者早年在一次飯局影到Wendy扶住譚母離開,當時仍讀中學的曉風已長得很高大。

據知阿倫把口話唔緊張個仔有冇拍拖,但暗地裏就成日叫Wendy睇實個仔,仲喺牛津區買咗間大屋畀佢哋兩母子,Wendy每年都飛去五、六次,阿倫要知道曉風同啲咩女仔行埋,講到明唔想個仔媾鬼妹。原來呢方面阿倫好傳統,想個仔娶番中國人,孫仔千祈唔好金頭髮!

近年Wendy時有被影到與阿倫外出,不過她依然低調抗拒出鏡。

買酒返香閨歎 何雁詩背鄭俊弘連環撻仔

【皓鑭傳】28小時破《如懿傳》觀看紀錄!劇集5大必睇位搶先看

【荷里活有個大老千】老竇做教育局高官!何浩文屈住荃灣工廈

【荷里活有個大老千】港姐出身 做過空姐!孝順文凱玲:一半人工畀屋企

20位女星素顏大公開 係化妝喬裝定係易容術?

盤點娛樂圈8位高齡爸爸 最大年紀係60歲?!

吳若希晒合照冇菊梓喬份!網民:專登唔影一姐

3字尾索過後生女!劉心悠 公開4招保養心得

陳妍希挑戰朱茵演「紫霞仙子」捱批!

【一個因去跳舞】黃智雯做周子瑜師妹!讀藝校壓力大 跟唔上進度爆喊

大方分享B女得意樣!李亞男:同奶奶餅印樣…

深宵睇《蓋世豪俠》笑住瞓!嚴選最想大台重播的8套經典神劇

背同居有米男友收兵 江嘉敏姣撻伍允龍

家庭聚會冇男友份 17歲沈月黑面對抗邱淑貞

姊妹幫口催婚 鄧麗欣台灣置業等嫁王子

《比悲傷》女主角陳意涵 陀B八個月 肥B唔肥身

吳孟達慨嘆與星爺形同陌路 揭17年冇再合作的原因

插菊梓喬冇人撐!吳若希發難扭跳槽

搣甩地獄廚神惡名 黃翠如煲靚湯 蕭正楠嗌「好滾動!」

靠吳綺莉接濟 卓林煙駁煙遊街

酒井法子被封「網上乞兒」!只因加了兩條連結⋯

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

Selina離婚3年仍相信愛情!任爸自責害了女兒…

關注我們Facebook專頁
    相關新聞
      更多瀏覽