38歲鍾欣潼留言自稱「三八」被糾正 阿嬌幽默回應網民!
2019年01月24日11:00

日前鍾欣潼(阿嬌)38歲生日,獲獲老公賴弘國、好姊妹蔡卓妍(阿Sa)、容祖兒、鄭希怡等一齊慶祝,點知阿嬌喺IG上載派對靚相時卻自稱「三八」,當網民糾正時,阿嬌更幽默咁話…

撰文:東方新地|圖片:鍾欣潼ig

延伸閱讀:

陳浩民大女攞全校優秀學生獎 蔣麗莎:比看爸爸拿獎更激動!

【東京血拼攻略】無視警告亂摸名牌篋!吳若希:係咩,唔摸得咩⋯

38歲鍾欣潼留言自稱「三八」

今年38歲嘅阿嬌早前同老公、好姊妹蔡卓妍(阿Sa)、容祖兒、鄭希怡等人一齊開生日派對,載派對靚相時留言:「當人妻後的第一個生日,也是正式加入三八行列,名正言順成為一名三八,今年的生日很特別,陽曆和農曆是同一天,所以不用被人誤會我生日又搞了一年了!」

阿嬌幽默回應網民

點知有網民發現阿嬌用錯「三八」,並糾正阿嬌:「『三八』不是這麼用的啊,三八是個貶義詞,意思是『八婆』的意思。」,但阿嬌回應指:「我知道呀,肯定要當個死八婆,好讓我在菜市場講價。」,認真搞笑!

賴弘國第一年以老公身份同阿嬌慶生,一向愛錫阿嬌嘅賴生當然唔會放過放閃嘅機會,喺Instagram上分享多張同老婆嘅合照,並留言:「妳是我最好的朋友、家人、老婆,小公主生日快樂🎂」,隔住個mon都覺得Sweet!

賴弘國婚後變「晒妻狂魔」

打開賴弘國嘅Instagram,不難發現最近幾乎每一個Post都同阿嬌有關,就連佢搭搭吓地鐵見到阿嬌個廣告燈箱,都要走埋去同老婆「合照」。

在 Instagram 查看這則貼文

巧遇港鐵女神 @q_gill

Michael Lai(@m01yb46)分享的貼文 於 PST 2018 年 12月 月 6 日 上午 4:46 張貼

網民見到賴弘國咁錫老婆,都紛紛留言話好安慰,又祝福佢哋兩個可以幸福快樂咁生活落去,快啲生返個小弘弘或者小嬌嬌。

在 Instagram 查看這則貼文

我愛妳老婆 @q_gill #gmwedding #loveuall

Michael Lai(@m01yb46)分享的貼文 於 PST 2018 年 12月 月 24 日 上午 12:58 張貼

在 Instagram 查看這則貼文

Michael Lai(@m01yb46)分享的貼文 於 PDT 2018 年 9月 月 14 日 上午 10:07 張貼

阿嬌超唯美水底婚紗照

鍾欣潼婚後都不時係IG放閃,例如Post出同老公遠赴墨西哥拍攝嘅超唯美水底婚紗照,阿嬌著住白色婚紗,老公則白色著住襯衫,水中凝望對方,非常甜蜜。

拍攝過程超危險

阿嬌留言分享拍攝感受,「婚紗照的夢幻長拖尾是十分危險!但這才難忘。」阿嬌曾係婚禮提到,當日拍攝時,鐘乳洞水下溫度很低,所以只拍了幾張就停止,而婚紗太長,被纏腳,點啲窒息。

鍾欣潼自揭飲花膠湯勁減磅

然而,下個月20號就會同賴弘國喺香港擺酒嘅阿嬌,上月就喺IG上載一條名為「阿嬌婚前減肥日誌」嘅兩段短片,記錄自己衝刺減肥嘅過程!

阿嬌在片中透露自己依家用梗嘅減肥方法,就係以花膠湯調理身體同補充能量,只吃肉同菜,戒甜食及澱粉質食物,加上做運動,短短幾日已經減了5、6磅,效果顯著!

大爆自己現時體重

阿嬌更公開自己體重,見到目前係51.3kg,即約113磅,骨骼肌18kg,至於體脂就17.5kg,不過阿嬌嘅目標係45kg,即要以99磅弗爆身型成為賴太,結果企喺旁邊嘅教練即刻話「太瘦」!

目前係51.3kg

大呻「唔得」嘅阿嬌仲緊張到用手比劃出婚紗嘅「蜂腰」,為咗做個最靚新娘,難怪佢立志要減多5至6kg!

有片睇!

阿嬌同老公甜蜜咀嘴

鍾欣潼(阿嬌)與台灣醫生老公賴弘國(Michael)在尖沙咀海旁簽紙註冊結婚,而一對新人在尖沙嘴的The Ritz-Carlton Hong Kong擺喜酒宴請親朋,穿上Deep V復古婚紗的阿嬌勁騷事業線,高貴又美艷,真係索到噴汁!而兩位主角也應記者要求咀嘴,場面幸福又溫馨,再次恭喜阿嬌!

二人接受訪問時,問到賴弘國準備什麼驚喜畀阿嬌,他大賣關子:「準備了一個小節目,一個秘密,也準備了一段時間,有時候抽空就練習,幾個星期。」阿嬌又透露一早已稱對方為老公,她更幸福地說已習慣身邊人稱她做賴太:「我姓賴㗎!可以隨時用姓賴。」

阿嬌話今天十分開心,透露很多朋友也推掉了很多工作來見證二人的婚禮。

一對新人大晒婚戒

擔任姊妹團的祖兒、Yumiko、阿Sa同阿嬌的中學同學會見傳媒,她們穿上蝦肉色閃令令的姊妹裙,超靚!

英皇集團主席楊受成博士和英皇娛樂行政總裁集團營運總裁霍汶希小姐出席阿嬌的婚宴,並和一對新人合照!

阿Sa男友驚喜現身

阿Sa以往甚少跟男朋友石恆聰一起出席公開活動,不過今次好姊妹結婚,阿Sa就罕有地帶男朋友「見家長」,參加飲宴之餘,順便見見老闆楊受成。姊妹之一的鄭希怡在Instagram上載了一張大合照,見石恆聰低調地站在阿Sa身邊,非常登對。

阿Sa男朋友石恆聰是「麻將大王」石鑒輝的後人,而石鑒輝創辦的「瑞興麻雀館」,直到今日仍是業內龍頭,因此石恆聰就被稱為「百億麻將館太子爺」,至今已經有超過100間店舖、幾10棟大廈,家族身家大約300億。

在 Instagram 查看這則貼文

Charlene Choi(@choisaaaa)分享的貼文於PST 2018 年 12月 月 20 日 下午 11:15張貼

延伸閱讀:

Angelababy拍停食穿山甲通乳廣告 被狂轟曲線宣傳

關注我們Facebook專頁
    相關新聞
      更多瀏覽