王晶捧29歲細女王子涵做女主角 演得唔好老竇即鬧爆!
2019年01月22日18:00

《荷里活有個大老千》播出一星期有多,劇中飾演丁小雨 ,花名缽仔糕嘅王子涵好多人都好想知佢邊個,原來佢就係王晶嘅29歲細女!

撰文:東方新地|圖片:劇照、電視截圖、王子涵insatgram、新傳媒圖片庫

延伸閱讀:

蘇民峰2019豬年生肖運程(猴、雞、狗篇)

盤點14個明星感人故事紋身 每個都埋藏深層意思!

王子涵做女主角

現時29歲嘅王子涵喺《荷里活有個大老千》中飾演龍四(鄭則仕飾)、丁玲(金燕玲飾)之女丁小雨,有睇呢套劇嘅朋友應該都對王子涵幾有印象!

王子涵
王子涵

王子涵
王子涵

皆因佢飾演嘅角色缽仔糕喺劇中除非常疼愛玲媽之餘,而且個性格倔強又潑辣,係個有嗰句講嗰句嘅人。無論係王子涵因玲媽過世而爆喊,抑或破口大鬧鳳姐(梁敏儀飾)係「八婆」,都令人對佢留下深刻印象!

星途未如外界預期

王子涵喺劇中嘅角色性格突出,演技自然唔造作,原來佢已經入行近十年,不過就因為佢爸爸係有名導演王晶,而令其星途行得非如一般人所認為般容易!

View this post on Instagram

. 誰理解小雨的世界? #荷里活有個大老千 #丁小雨☔️

A post shared by 王 子 涵 D a d a W o n g (@dadadawongx) on Sep 16, 2017 at 7:32pm PDT

王子涵畢業於著名嘅倫敦藝術大學化妝及髮型形象設計系,07年返港後就隨即加入電影界。同年,亦於王晶電影《七擒七縱七色狼》演出Eleven一角,雖然唔係女主角,但叫做踏出演藝事業嘅第一步。

然而,唔少導演因知道佢係王晶個女而唔敢搵佢拍戲,所以歷年嚟王子涵有份演出嘅作品並唔多,電影《甜心粉絲王》、《黑勢力》、劇集《火線下的江湖大佬》、《我瞞結婚了》、《賭城群英會》等。

View this post on Instagram

. 啦,黎梗呢50幾日你就乖乖地聽聽話話啦!😏😏😏 #我暪結婚了 #崔美鳳

A post shared by 王 子 涵 D a d a W o n g (@dadadawongx) on Jul 29, 2016 at 3:04am PDT

View this post on Instagram

. 賭城群英會殺科了! 辛苦哂台前幕後所有人💪🏻

A post shared by 王 子 涵 D a d a W o n g (@dadadawongx) on Jun 27, 2016 at 2:03am PDT

王子涵曾經於訪問時坦言,外間以為爸爸會為佢安排好工作,故冇人敢搵佢拍戲,但同時唔希望靠父蔭,想以個人實力創出成績,所以要更加努力,令別人選角時就會諗到佢。

View this post on Instagram

. Happy birthday shake shake x #shakeshakeb #jinggorphotobomb

A post shared by 王 子 涵 D a d a W o n g (@dadadawongx) on Aug 23, 2016 at 7:10am PDT

王晶拍劇不偏私細女

眾所同知,《荷》係王晶投資作,而王子涵又喺劇中又擔演一個戲份重嘅角色,所以王子涵都好珍惜呢次機會,喺劇中好用心演好角色。據知,王晶如見王子涵演得唔好,就會即時喺片場嚴厲批評,可見未有偏私呀女!

View this post on Instagram

. 開始捨不得 快要拍完了 最後2星期 #丁小雨☔️ #荷里活有個大老千

A post shared by 王 子 涵 D a d a W o n g (@dadadawongx) on Oct 17, 2017 at 7:53pm PDT

日常生活中嘅王子涵,平日亦愛於夏天出海同陽光玩遊戲,不時會晒出泳照,身材都有啲睇頭!

View this post on Instagram

. 今日happy live船河 今年還有多少次岀海的機會呢? @nextwave_charters

A post shared by 王 子 涵 D a d a W o n g (@dadadawongx) on Oct 3, 2018 at 1:39am PDT

順帶一提,王晶有兩個女兒,據知大女王佟藝開公關公司,主力幕後,而王晶曾指唔希望自己女入行做藝人,不過因自覺細女王子涵對演藝行業甚有興趣,先願意首肯俾王子涵入行!

View this post on Instagram

. 祝太后生日快樂 永遠青春美麗 萬歲萬歲萬萬歲 😘❤️❤️❤️❤️

A post shared by 王 子 涵 D a d a W o n g (@dadadawongx) on Aug 23, 2018 at 5:04am PDT

View this post on Instagram

. Nothing feels as happy as spending this wonderful holiday season with my dear family. X

A post shared by 王 子 涵 D a d a W o n g (@dadadawongx) on Dec 24, 2017 at 12:04am PST

鄭則仕憑4幕演技大爆發

依家67歲嘅鄭則仕多年拍劇無數,曾獲第5及16屆香港電影金像獎最佳男主角,以及第2屆香港電影金紫荊獎最佳男主角,演技被受肯定!

相信唔少人對鄭則仕曾扮演嘅智障人士「肥貓」都有好深刻嘅印象,不過Kent哥並冇因此而被定型,反而多年嚟不斷試唔同嘅戲路,當中有嚴肅嘅正劇、喜劇、鬧劇等,演技不斷提升到更高層次!

近日Kent哥喺《荷》嘅頭兩集已經演技大爆發,完美示範出點樣演飾多個「痛」樣,每個痛樣都足以令觀眾隔住個mon都知有幾痛,同痛又有分幾多種!

完美演釋不同的痛

《荷》第一集,Kent哥因大師兄龐峰(秦沛飾)出賣而被擒,龐峰更為弟弟報仇與Kent哥玩一局定輸贏,決定要千門事千門了!點知輸咗嘅Kent哥仲要俾華探長文雄(湯鎮業飾)用煙灰缸打斷手,睇到咁大個玻璃煙灰缸打落去都唔好話唔驚兼唔痛!

然而,Kent哥喺戲中為咗唔喺咁多人面前知到佢有幾痛,每下被煙灰缸打落去都死忍,唔會痛到嗌出聲,而Kent哥痛苦表情亦相當到位,睇到人心都痛埋一份!

其後,第二集就講Kent哥喺警局被屈打成招嘅過程,雖則呢場戲Kent哥一句對白都冇,但唔少觀眾睇到無辜嘅佢被一班警察隔簿打心口呢個過程都感到好心悒!

雖然Kent哥被警察又用拳打面又用鐵鎚打心口,但依然默不作聲,表情到位,絕對表現出盲目忍痛嘅感受!

而當大師兄龐峰探監時,已經被打至傷痕纍纍嘅Kent哥連一句清晰嘅說話都講唔到!Kent哥仲要憑身體最微弱嘅力氣問與對方之間嘅恩怨係咪可以一筆勾銷,期間當中嘅委屈及Kent哥流出嘅口水都可以話好有戲!

最後,女友百合(張慧儀飾)去到獄中探監提出分手,呢場分手戲Kent哥由重遇女友嘅喜悅表情,到後來聽到被分手嘅心痛,當中欲哭卻無淚,內心嘅悲痛絕非眼淚能表達,令人非常心痛劇中嘅Kent哥!

被打至眼腫面腫嘅Kent哥見到女友百合好開心
其後被分手而變失落、傷心、難過

《荷里活有個大老千》接力《大帥哥》

王晶監製嘅《荷里活有個大老千》接棒《大帥哥》播出,由鄭則仕、湯鎮業、秦沛等演藝圈前輩坐陣主演,劇集講述六十年代香港人嘅日常衣食住行之外,仲以賭博為劇集主線之一。

簡單同大家講講呢套劇係關於啲咩,故事講以老千技術聞名嘅「千門八將」中嘅龍四(鄭則仕飾)被華探長文雄(湯鎮業飾)與大師兄龐峰(秦沛飾)聯手設局陷害入獄,其後龍四如何報仇。

當然劇集就唔係只得報仇咁悶嘅,當中再會有懷舊、賭博、感情等元素,其中更有五大主要因素增加觀眾收看性嘅同時,亦令大家絕對唔可以錯過呢套新劇!

5大必睇原因

|老戲骨助陣

呢套劇最有亮點就係演員陣容,劇中搵嚟兩屆金像獎影帝鄭則仕擔正做男主角,而且仲有湯鎮業、秦沛呢兩位演藝圈老戲骨坐陣,三位有幾好戲就唔洗講,淨係聽到有佢哋出演都已經令劇迷好期待佢哋嘅演出!

除咗有以上三位老戲骨,仲有多次獲得香港電影金像獎最佳女配角嘅金燕鈴同張慧儀呢兩位好戲之人出演,成功再令新劇演員陣容再錦上添花!有見及此,相信唔少觀眾都唔想錯過睇佢哋喺劇中大鬥演技嘅時刻!

|王晶出品話題性強

啱啱就提過,今次呢套TVB賀歲劇由王晶監製,雖然有人會彈王晶有份製作嘅劇集同電影水準每況愈下,不過佢搵到咁多有份量嘅演員出演,都足以令新劇充滿話題性!

|懷舊題材

劇中以60年代作背景,除咗講賭博外,仲加插講述懷舊味「大片場」,如果係嗰個年代嘅觀眾,應該會有更大共鳴,皆因60年代正係香港電視發展時期,想當年邵氏捧紅幾多位大明星!

另外,劇中一班年輕演員影射當年嘅大明星,例如當時嘅明星點樣上位等,所以即使係較年輕嘅觀眾都會有好大興趣睇!

|加入新面孔出演

劇集正正因為要影射當年明星上位之路,所以就有一班年輕演員加入拍攝,今次更搵嚟公仔箱少見嘅蔡瀚億(BabyJohn)、陳雅思、「晶女郎」文凱玲等,為煲開電視粥嘅觀眾帶嚟一定嘅新鮮感!

值得一提嘅係,雖然BabyJohn喺劇中佔有一定重嘅戲份,可惜因為佢份屬蕭定一旗下,其公司與TVB有官司糾紛影響,所以喺官方宣傳方面就注定冇佢份!不過BabyJohn都好有演員責任心,皆因佢都落力喺自己IG提醒粉絲劇集已經出街!

View this post on Instagram

主演新劇集 即將播出 @tvb 1月14日

A post shared by BabyJohn 蔡瀚億 (@babyjohnchoi) on Jan 4, 2019 at 7:14am PST

|尹光唱主題曲

今次TVB更特登搵嚟「廟街歌王」尹光唱劇集同名主題曲,眾所周知尹光嘅歌曲風格歌詞一向貼地兼鬼馬,今次難得搵佢唱劇集主題曲,令劇集再添懷舊60年代嘅味道!

主題曲歌詞同樣相當諧趣鬼馬!

延伸閱讀:

蘇民峰2019豬年生肖運程(蛇、馬、羊篇)

關注我們Facebook專頁
    相關新聞
      更多瀏覽