張智霖減產 搵錢責任交靚靚
2019年01月22日03:00
張智霖因為擔任家燕姐的演唱會嘉賓,獲廣告商睇中齊齊做代言人。

【星島日報報道】張智霖(ChiLam)和薛家燕昨日以宣傳大使身分,現身於灣仔新身分證換領中心獲頒感謝狀,ChiLam表示早前為家燕姐的演唱會任嘉賓被廣告商睇中邀請兩人合作做代言人,更笑言好心有好報,獲得對方帶挈也要送番份禮物畀對方。家燕姐大讚ChiLam對她很好,試過親自送她入院又請她吃「忘不了」,開個唱時對方二話不說應承任嘉賓。ChiLam聞言即說:「呢個情係真,係真情。」

問到兩人可會想演情侶?家燕姐笑言要問過袁詠儀(靚靚)先,ChiLam搞笑謂睇新聞指對方好多男友,這麽多對手不容易。他說:「真係嚟真?係笑聲笑聲滿載溫馨嗰隻。」家燕姐則謂是親情,由心感動出來。談到太太袁詠儀身形清減不少,ChiLam笑言太太現正拍真人騷及一部電影,自己則減產工作,賺錢的責任交給太太。問到可覺太太身形夠fit?他說:「可以有進步空間,可以再fit啲!(你會有壓力?)難度覺得我唔夠fit?不過開演唱會時有六嚿腹肌,都覺得自己過瘦,但純天然無添加。」

關注我們Facebook專頁
    相關新聞
      更多瀏覽