Kelly細仔患流感好心痛
2019年01月21日03:00
Kelly與新鴻基地產代理執行董事馮秀炎,一起主持apm商場的「開運潮豬迎新春」開幕儀式。

【星島日報報道】陳慧琳(Kelly)昨日為商場的迎新春活動擔任開幕嘉賓,又模仿劉德華打鼓與粉絲玩遊戲,笑言體會到華仔唔易做。她表示會留港度歲,但談到兩名兒子劉昇(蝦餃仔)和劉琛(小籠包),即心痛透露細仔小籠包患上甲型流感。

Kelly談到兒子生病,仍猶有餘悸。她謂:「真係好驚,細仔在學校受感染,一發病已高燒達40多度,很辛苦的不停扯衫話好熱,幸好第一天吃了特敏福已開始退燒,不用入院,但要在家隔離像坐監似的,每日只能卧牀瞓覺,還要關着門,不準哥哥(大仔)入房,搞到哥哥問『細佬係咪會死?』,最慘係連細仔都問『自己係咪就死?』加上做流感測試時要用很長的棉花棒塞入鼻中,令佢辛苦得不斷掙扎狂喊,要動用三個大人按住佢,真係心都痛,並且連照顧她的姐姐(傭人)都受感染,要服用特敏福!不過今日完成5天的藥物治療後,明天細仔終於可以放監,並且已回復精神,真係安心晒,但待過完年後再讓兒子返學。」

Kelly表示今年將入紙申請明年的紅館個唱檔期,慶祝2020年入行25周年紀念,她笑言這麼快就過了25年很驚,為此今年亦不會分心拍電影。她笑謂:「最好可以有暑假檔期,兩個仔放假可以捧場,不過唔係話咁易,最重要是紅館肯批,甚麼檔期都可以。(會否效法張學友每三場休一日?)學友開咁多場,如果好似學友咁就發達啦,但我不用咁多場,太辛苦,主要是慶祝一吓入行25周年,如果像上次一樣開11、12場已經好開心,當然如果中間可以休息一日就更開心,哈哈!我而家已經開始為演唱會搵靈感。」

對於自己25年來外貌身形如一,問到曾於演唱會上大跳肚皮舞的她會否再度大晒身材?Kelly笑稱:「我得嗰個位可以露,無其他地方了,而且會嚇到兩個仔問『阿媽,你做乜呀?』」談到劉德華補場不獲紅館批准,Kelly建議對方可於其他場地開騷,如亞博館和中環海濱等,相信粉絲都會好開心。

另外,談到演藝人協會會長古天樂有意辦一個有認受性的樂壇頒獎禮,Kelly表示會支持和尊重對方,但相信會有難度,因涉及太多唱片公司,而唱片公司各有自己的一套。

關注我們Facebook專頁
    相關新聞
      更多瀏覽