大埔墟街市小店 新推三色芋圓!芝麻花生糯米糍+石磨芝麻糊
2019年01月18日21:47

大埔墟街市的甜品小店最近推出$20薑汁三色芋圓,煙韌Q彈,非常抵食,即睇詳情!

撰文:Joan 攝影:Joan、Yee

延伸閱讀:

10大保暖食物!冬天不再怕凍 踢走手腳冰冷|食是食非

【食是食非】港人缺乏Omega-3營養!黃花魚含量最高 食蠔都OK

大埔滑嘟嘟 冬季限定 薑湯芋圓

大埔滑嘟嘟以芝麻花生糯米糍打出名堂,老闆娘Bonnie坐在門口包糯米糍的好手藝,也是區內人所皆知。最近小店就趁冬天限定推出新甜品薑汁芋圓,$20有一大碗,非常抵食!

芋圓在店內人手搓製,所以每粒圓類的樣子都不盡相同。

三色芋圓以芋頭、紫心番薯和黃心番薯製成,食材均在樓下街市入貨,洗淨切件後,蒸熟後隔掉水份,壓成蓉後加木薯粉,再按照食材的狀態倒入適量的水份再搓成粒狀,芋圓形狀有大有小,充滿手造感!食落煙韌Q彈,非常好咬,配上辣度高的薑水,驅寒一流!

一份薑汁芋圓會舀上一大勺芋圓,份量非常慷慨,芋圓控一定滿足!
薑汁手工芋圓 $20
各款芋圓的口感均煙韌彈牙,非常好咬,芋圓的芋頭味較突出。薑汁用老薑和黃糖煮成,薑香辣度高,但帶少甜順喉,凍冰冰飲一流!
新鮮芋圓盒裝 $68、薑茶 $20

有客人食過意猶未盡,叫Bonnie推出外賣版,盒裝的三色芋園和樽裝薑茶,一套買回家分開煮熱就可以食得,非常方便。雪藏版的限量出售,想買的記得打給Bonnie預訂,不然就要碰運氣了。

芋圓均撲上生粉,以防在雪櫃存放時水份被抽乾,食前先洗走粉末,再放入熱水內浮起就食得了。想Q彈點的,可再用冰水過一過冷河。

其他招牌甜品

招牌即包糯米糍,只有一款芝麻花生餡,糯米糰在店內即蒸;芝麻則是前一晚預先炒好,每次炒足30斤,翌日早上再以石磨磨香,混入焗花生碎粒,糖不會落太多,確保大家吃得健康。包餡時非常重手,舀到滿瀉才肯收手,左手轉轉轉、右手摺摺摺,一分鐘後便有顆脹卜卜的糯米糍誕生!另外亦有石磨芝麻糊、合桃糊,樽裝紅豆沙等甜品。

花生黑芝麻糯米糍(少甜)$7/件、$18/3件、$35/6件
石磨芝麻糊(熱)$17/碗
香滑合桃糊(熱)$20/碗
薏米紅豆沙(凍)、海帶綠豆沙(凍) 各$15/支

舊店的兩款糖水也搞搞新意思,糖水倒入樽內變成飲品,喝時記得倒轉攪勻!

延伸閱讀:

佐敦口碑麵包「品穀」進駐灣仔!芝麻/抹茶牛角包+全新茶飲系列

關注我們Facebook專頁
    相關新聞
      更多瀏覽