7-11微波小食先係香港名物 不服來辯!嚴選10大宵夜必試小食!
2019年01月18日18:45

去親日本,人人都必定走去Familymart、Lawson等店大量吞噬飯團,回港後更大嘆為何香港沒有如此高質之物。老實講,有就有嘅,你未必識欣賞啫。這次編輯部一眾麻甩佬嚴選岀10大睇波、蒲完、OT必食的7-11叮叮宵夜,當中有不少意外驚喜,即管看看食後感係如何?

撰文:NM編輯部麻甩佬 |相片:NM編輯部麻甩佬

延伸閱讀:

2019 Game List 第一季10隻必玩遊戲 PS4 Switch Xbox One

他喜歡我嗎? 男生對妳有好感的10個表現

嚴選10大7-11叮叮宵夜必試小食

嗱今次呢就絕對無收取任何廣告費,全部都是編輯部一眾捱OT的單身麻甩佬㚒錢買的,所以我哋絕對有嗰句講嗰句!

7-11
7-11

這次嚴選了10多款微波食品,由小食,到主菜再到甜品都一一收購,至於揀唔中你心水嘅,留待我哋下次再寫過7-11食評第二集吧!

(這次食評並不會給予任何分數,只會與大家分享食後感,俾分呢啲太廣告啦!)

7-11
7-11

小食、主菜

1. 雞脾(照燒、孜然)$19.4

兩者均附上膠盤以及手套,處理食物時倍加方便。而且雞脾從來都係要用手食,呢下堅持同細心要讚!

誠實食評(照燒):論肉汁,微波食物而言可謂高品質之作,不過照燒又係甜,瑞士都係甜,兩者分別較少。始終照燒乃日式造法,建議再多加一點芝麻扮下嘢。至於肉質方面,確實滑嫩,雞皮雞肉亦醃得夠入味。

誠實食評(孜然):孜然的味道較岀,但始終以汁煮方式入饌,很難要求它造岀譚仔的土匪雞翼的質地。肉質一樣有水準,夠滑之餘亦夠Juicy。

2. 雞粒(燒烤$21.5、泰式$21)

誠實食評(燒烤):如無意外,它是選用雞脾肉作原材料,叮完外層夠乾,咬開亦有雞汁。調味理應選用上甜椒粉,帶微辣,夠惹味。不足之處是份量較少(得嗰五粒),一個男人怒啪三盒都未必夠。

誠實食評(泰式):泰式雞粒的設計較特別,盒內附有醬汁隔,以及一包沾醬,亦是所謂的泰式味道來源。雞肉繼續穩打穩紮,不過醬汁只是單一的酸辣,如果屋企有用剩的M記泰式甜辣醬,不妨轉用一下。

3. 點心拼盤 $16

誠實食評:內𥚃共有三粒燒賣、三粒牛肉球、兩粒燒賣。味道都是大致如此,無雪味都當佢贏。豬肉燒賣有誠意,上方備有蟹籽,蝦餃亦有些少蝦味,至於牛肉球呢,下次俾埋喼汁就更好。

4.翠玉餃 $16

誠實食評:本以為是健康之選,但諗深一層,食微波小食又怎能要求健康?翠玉餃食落油膩感相對較少,但可能微波爐加熱與雪櫃儲存的關係抽乾了外皮水份,幸好,內裡的菜肉餡料足以濕潤口腔。

5.碗仔羹 $16

誠實食評:留意返,唔係碗仔翅!不過與碗仔翅無異,湯底加入大地魚,並以豬肉絲、香菇、粉絲以及雲耳豐富口感,食落夠濃稠,亦有頗強的胡椒味。必讚的是,包裝內備有膠羹、一包麻油一包紅醋,方便調味。

6.肉醬意粉 $18

誠實食評:張志明大愛之物,「它很咸,很不健康,又不多肉,不過喜歡就是喜歡。」由於記者是《志明與春嬌》的fans,所以好難中肯去批評意粉!經雪櫃抽乾意粉的水份後,質地夠al dente,醬汁調味確實偏咸,但又不會過酸,份量都足以撈均整碟!正!

7.紅咖哩雞配黃薑飯 $26

誠實食評:同事們聲稱它是此回的驚喜作。黃薑飯夠香,紅咖哩汁料亦夠綿滑濃稠,味道帶椰香偏辣,配料備有雞粒、車厘茄、木耳等。(雞粒份量極少)不過包裝難拆,汁料亦易淺岀,大家小心。

甜品

8. 十勝大福本鋪甜夢忌廉(香港限定)

誠實食評:聲稱是香港限定之物,餅皮確實加入紫薯焗成,食落有蕃薯味回甘。至於紅荳餡料甜度適中,但忌廉不夠滑。

9. 牛奶忌廉瑞士卷

誠實食評:瑞士卷不會太乾,加上大量忌廉,食落其實幾爽。不過忌廉牛奶味不足,幸好夠綿滑,可加返小小分。

10.吉士忌廉泡芙

誠實食評:賣相不俗,泡芙亦夠空氣感。不過食落極乾身,吉士醬亦太實,直情與泡芙完美分離…

延伸閱讀:

秒殺大肚腩! 必學大肚腩脂肪分佈地圖 助你秒速拿回小蠻腰

關注我們Facebook專頁
    相關新聞
      更多瀏覽