【荷里活有個大老千】尹光首唱劇集主題曲 精選5首本土文化經典名曲
2019年01月18日17:06

《荷里活有個大老千》日前首播,除了欣賞鄭則仕、湯鎮業、秦沛等老戲骨的演技外,「廟街歌王」尹光首次主唱劇集主題曲《荷里活有個大老千》更是觀眾焦點所在,有網民甚至集氣力推尹光奪取下年「勁歌金曲」獎!

撰文:東方新地|圖片來源:劇照、YouTube、新傳媒

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(虎、兔、龍篇)

精選尹光5首本土文化經典名曲

70歲的越南華僑尹光,立足樂壇50年,歌曲一向以諷刺時弊及啜核的歌詞見稱,加上將廣東詞彙融入歌曲,非常有香港本土文化,所以一直都受幾個年代的香港人歡迎,當中亦有不少經典歌曲深受歌迷愛載。

尹光
尹光

尹光
尹光

|《荷里活大酒店》

《荷里活大酒店》,又名《荷里活有間大酒店》,歌詞中「肥婆學踢波,學到跌落河」的故事,一直成為大家閒聊時開玩笑的材料。歌詞看似「無厘頭」,但尹光用一向諧趣風格的曲詞道出社會現實,反而更能帶出警世的意思。

劇名應該都係改篇先呢首歌!(圖片來源:視覺中國)
劇名應該都係改篇先呢首歌!(圖片來源:視覺中國)
《荷里活有個大老千》的主題曲應該是改編自話首歌。

| 《雪姑七友》

尹光把《雪姑七友》原本流傳得一句「雪姑七友七個小矮人」進行二次創作,再接「雪姑七友七個同床瞓」,露骨的歌詞讓不少香港人對這首歌不但唱得不尷尬,反而更唱得琅琅上口!

|《數波波》

70年代經典金曲《數波波》歌詞搞笑又幽默,不斷唱「波」、「摸」,甚至能說一旦音樂奏起,即刻有畫面!2017年,尹光更推出新版《數波波》,在內地市場依然大受歡迎!

|《你阿媽大減價》

《你阿媽大減價》鬼馬的歌詞唱到街知巷聞,連張敬軒也曾演唱這首歌!

|《少理阿爸》

《少理阿爸》在2002年推出時於全港的士高場所和網絡熱播,歌詞用上諧音字和「粗俗」的字眼表達香港上的問題家庭,再而控訴濫藥等青少年問題。由於風趣幽默的風格帶出社會現實,故讓大眾都一直翻聽,至今仍然廣受大眾歡迎。

《荷里活有個大老千》接力《大帥哥》

王晶監製嘅《荷里活有個大老千》噚晚接棒《大帥哥》播出,由鄭則仕、湯鎮業、秦沛等演藝圈前輩坐陣主演,劇集講述六十年代香港人嘅日常衣食住行之外,仲以賭博為劇集主線之一。

簡單同大家講講呢套劇係關於啲咩,故事講以老千技術聞名嘅「千門八將」中嘅龍四(鄭則仕飾)被華探長文雄(湯鎮業飾)與大師兄龐峰(秦沛飾)聯手設局陷害入獄,其後龍四如何報仇。

當然劇集就唔係只得報仇咁悶嘅,當中再會有懷舊、賭博、感情等元素,其中更有五大主要因素增加觀眾收看性嘅同時,亦令大家絕對唔可以錯過呢套新劇!

5大必睇原因

|老戲骨助陣

呢套劇最有亮點就係演員陣容,劇中搵嚟兩屆金像獎影帝鄭則仕擔正做男主角,而且仲有湯鎮業、秦沛呢兩位演藝圈老戲骨坐陣,三位有幾好戲就唔洗講,淨係聽到有佢哋出演都已經令劇迷好期待佢哋嘅演出!

除咗有以上三位老戲骨,仲有多次獲得香港電影金像獎最佳女配角嘅金燕鈴同張慧儀呢兩位好戲之人出演,成功再令新劇演員陣容再錦上添花!有見及此,相信唔少觀眾都唔想錯過睇佢哋喺劇中大鬥演技嘅時刻!

|王晶出品話題性強

啱啱就提過,今次呢套TVB賀歲劇由王晶監製,雖然有人會彈王晶有份製作嘅劇集同電影水準每況愈下,不過佢搵到咁多有份量嘅演員出演,都足以令新劇充滿話題性!

|懷舊題材

劇中以60年代作背景,除咗講賭博外,仲加插講述懷舊味「大片場」,如果係嗰個年代嘅觀眾,應該會有更大共鳴,皆因60年代正係香港電視發展時期,想當年邵氏捧紅幾多位大明星!

另外,劇中一班年輕演員影射當年嘅大明星,例如當時嘅明星點樣上位等,所以即使係較年輕嘅觀眾都會有好大興趣睇!

|加入新面孔出演

劇集正正因為要影射當年明星上位之路,所以就有一班年輕演員加入拍攝,今次更搵嚟公仔箱少見嘅蔡瀚億(BabyJohn)、陳雅思、「晶女郎」文凱玲等,為煲開電視粥嘅觀眾帶嚟一定嘅新鮮感!

值得一提嘅係,雖然BabyJohn喺劇中佔有一定重嘅戲份,可惜因為佢份屬蕭定一旗下,其公司與TVB有官司糾紛影響,所以喺官方宣傳方面就注定冇佢份!不過BabyJohn都好有演員責任心,皆因佢都落力喺自己IG提醒粉絲劇集已經出街!

View this post on Instagram

主演新劇集 即將播出 @tvb 1月14日

A post shared by BabyJohn 蔡瀚億 (@babyjohnchoi) on Jan 4, 2019 at 7:14am PST

|尹光唱主題曲

今次TVB更特登搵嚟「廟街歌王」尹光唱劇集同名主題曲,眾所周知尹光嘅歌曲風格歌詞一向貼地兼鬼馬,今次難得搵佢唱劇集主題曲,令劇集再添懷舊60年代嘅味道!

主題曲歌詞同樣相當諧趣鬼馬!

鄭則仕憑4幕演技大爆發

依家67歲嘅鄭則仕多年拍劇無數,曾獲第5及16屆香港電影金像獎最佳男主角,以及第2屆香港電影金紫荊獎最佳男主角,演技被受肯定!

相信唔少人對鄭則仕曾扮演嘅智障人士「肥貓」都有好深刻嘅印象,不過Kent哥並冇因此而被定型,反而多年嚟不斷試唔同嘅戲路,當中有嚴肅嘅正劇、喜劇、鬧劇等,演技不斷提升到更高層次!

近日Kent哥喺《荷》嘅頭兩集已經演技大爆發,完美示範出點樣演飾多個「痛」樣,每個痛樣都足以令觀眾隔住個mon都知有幾痛,同痛又有分幾多種!

完美演釋不同的痛

《荷》第一集,Kent哥因大師兄龐峰(秦沛飾)出賣而被擒,龐峰更為弟弟報仇與Kent哥玩一局定輸贏,決定要千門事千門了!點知輸咗嘅Kent哥仲要俾華探長文雄(湯鎮業飾)用煙灰缸打斷手,睇到咁大個玻璃煙灰缸打落去都唔好話唔驚兼唔痛!

然而,Kent哥喺戲中為咗唔喺咁多人面前知到佢有幾痛,每下被煙灰缸打落去都死忍,唔會痛到嗌出聲,而Kent哥痛苦表情亦相當到位,睇到人心都痛埋一份!

其後,第二集就講Kent哥喺警局被屈打成招嘅過程,雖則呢場戲Kent哥一句對白都冇,但唔少觀眾睇到無辜嘅佢被一班警察隔簿打心口呢個過程都感到好心悒!

雖然Kent哥被警察又用拳打面又用鐵鎚打心口,但依然默不作聲,表情到位,絕對表現出盲目忍痛嘅感受!

而當大師兄龐峰探監時,已經被打至傷痕纍纍嘅Kent哥連一句清晰嘅說話都講唔到!Kent哥仲要憑身體最微弱嘅力氣問與對方之間嘅恩怨係咪可以一筆勾銷,期間當中嘅委屈及Kent哥流出嘅口水都可以話好有戲!

最後,女友百合(張慧儀飾)去到獄中探監提出分手,呢場分手戲Kent哥由重遇女友嘅喜悅表情,到後來聽到被分手嘅心痛,當中欲哭卻無淚,內心嘅悲痛絕非眼淚能表達,令人非常心痛劇中嘅Kent哥!

被打至眼腫面腫嘅Kent哥見到女友百合好開心
其後被分手而變失落、傷心、難過

延伸閱讀:

蘇民峰2019豬年生肖運程(猴、雞、狗篇)

關注我們Facebook專頁
    相關新聞
      更多瀏覽