大角咀咖喱街坊小店重開 咖喱牛坑腩麵+生炸雞髀
2019年01月16日19:34

大角咀有間主打咖喱的街坊小店叫金鑽喱,好多街坊食佢嘅咖喱食上癮,上年租約期滿結業,最近老闆娘在同區重開,仲有無得食招牌咖喱飯?即睇老闆娘解畫!

記者:Joan 攝影:LamLam

延伸閱讀:

【出街搵食】80後情侶開手作熱狗小店 巴東牛肉+炒麵麵包|西營盤

深圳地鐵沿線好去處2019|13大商場+創意園 同閨密跟住打卡尋美食

大角咀金鑽喱回歸!人氣咖喱菜式

說到金鑽喱,大角咀的街坊無人不識!這間主打咖喱菜式的小店,自2006起在大角咀開店,在同區經歷了4次搬舖,最近又在大角咀大全街再開業。

金鑽喱主打咖喱菜式,2006在大角咀開店,在同區經歷了4次搬舖,最近又在大角咀大全街再開業。

金鑽喱之前最受歡迎的是咖喱飯,來到新店,招牌加了麵檔二字,望望餐牌,竟然只有麵,唔賣飯?原來老闆娘是澳門人,2006年開第一間店時都一心想做咖喱麵,但奈何街坊都覺得咖喱應該要配飯,誤打誤撞咖喱飯就變咗主打。今次再開店,當還個心願,主力賣澳門咖喱麵,還有生炸雞髀、墨魚鬚等小食。

好多網友都有疑問新店店名由金鑽喱美食變了做金鑽喱麵檔 ,是不是易手了?不是!都是之前的老闆娘郭小姐打理的,街坊都叫她做大角咀呀姨,或四眼老闆娘,見到她在店內,倍感親切。
主力賣的咖喱麵,可以配搭不同材料,有新鮮牛坑腩、墨柏葉、牛脷、鴨血等。
之前幫襯的麵廠關了,老闆娘前前後後試了6、7間麵廠,最後揀了一間人手造麵、只加雞蛋和麵粉,無其他雜質的麵廠,粗麵、幼麵、油麵都是向他們取貨。

咖喱撈麵+湯麵 新鮮牛坑腩

澳門咖喱不同其他咖喱,不落椰汁、椰奶或咖喱粉,味道香中帶少辣,有粗麵、幼麵、油麵、米粉、出前一丁可搭配,也可選湯麵或撈麵,湯麵的湯底用新鮮牛骨熬製4小時,味道濃郁甘香。餸料有多款牛類,每日從九龍城街市運來的新鮮牛坑腩、牛柏葉等,前者大件軟腍、後者爽脆吸滿湯汁,可以一試。不好牛的,還有鴨血、鯪魚球、陳皮魚蛋等餸料可選。

新鮮牛坑麵粗麵(撈) $55

粗麵先加入豉油和咖喱醬先撈均,放埋牛坑腩再於面頭淋上咖喱薯仔汁和少許葱花,麵條和汁底撈得均勻,麵質帶陣陣咖喱香,但味道不算太濃。

牛坑腩切得大件,咬下軟腍,肉質帶嚼勁,牛味濃郁。
新鮮黑柏葉油麵(湯麵)$45
薄片黑柏葉非常爽脆。
不夠辣的,可以加點自家製的辣椒油,一落麵即充滿香味,辣度高而刺激,未試過的宜先加幾滴試試!

其他小食:生炸大雞髀+墨魚鬚

除了咖喱麵食外,其他小食也相當吸引!生炸特大雞髀有女仔手掌般大,醃後生炸,即叫即製,咬下熱辣辣,鹹香肉滑。白灼墨魚鬚也是記者心水推介之一,墨魚鬚粗身大隻,白灼後拌入咖喱醬、薯仔咖喱汁和豉油,咬下爽口,伴隨咖喱香,吃不停口!

生炸特大雞髀 $32

即叫即炸,有女仔手掌般大,Juicy肉滑,即使要等耐點也值得。

白灼墨魚鬚 $50

私心推介!墨魚鬚爽口大粒,汁底是咖喱豉油汁,鹹鹹香香好快食晒。

炸鯪魚球 $25/3粒

鯪魚球人手搓製,炸後彈牙好咬,可蘸上蜆蚧汁。

陳皮魚蛋$16

拌入咖喱醬汁和豉油,微辣過癮。

其他小食可見Menu
店子是長方形格局,有30多個座位,裝横簡潔。

金鑽喱麵檔

地址:大角咀大全街20號地下A5舖(顯示地圖)

電話:23928968/52040604

營業時間:星期一至六 7:30am-9:30pm、星期日11am-9:30pm

備註:不收加一、只收現金

延伸閱讀:

LINE FRIENDS主題餐廳 BITE & BITE 登陸香港機場!熱香餅+漢堡包

關注我們Facebook專頁
    相關新聞
      更多瀏覽