【2018勁歌金曲頒獎典禮】一文睇晒賽果!菊梓喬、張敬軒成大贏家
2019年01月13日02:22

樂壇最後一張成績表《2018年度勁歌金曲頒獎典禮》今晚終於完滿結束,張敬軒橫掃多個大獎,而「最受歡迎女歌星」亦由菊梓喬「驚喜」奪得,唔知你哋又點睇今年嘅賽果呢?

撰文:東方新地 圖片:新傳媒圖片、無綫電視截圖

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(虎、兔、龍篇)

最受歡迎女歌星 菊梓喬

「最受歡迎女歌星」今年共有8位候選人,分別是容祖兒、吳若希、菊梓喬、王灝兒(JW)、譚嘉儀及田蕊妮、胡定欣兩位視后級人馬。最後由由菊梓喬(Hana)奪得,32歲的Hana入行短短兩年幾就擊敗容祖兒、吳若希、泳兒等一眾前輩奪得大獎,一眾網民都跌晒眼鏡!

勁歌金曲頒獎典禮
勁歌金曲頒獎典禮
歌手菊梓喬被師姐吳若希以「星夢一姐」來稱呼,因而傳二人不和,呢晚菊梓喬攞今年勁歌金曲頒獎典禮嘅最受歡迎女歌星大獎,吳若希全程失控喪笑!
吳若希笑到有冇咁誇呀…

上台攞獎時,Hana熱淚盈腔哽咽話:「我好多謝TVB畀我第一首《一輩子守候》,令到好多人認迫我,多謝張家誠,真係好多謝TVB。好多謝公司星夢娛樂,herman,多謝你一直對我嘅信任,多謝你畀我嘅鼓勵。我真係無諗過,因為最近好多朋友問我都係話平常心,我真係覺得我可以做一個歌手、可以唱歌已經係畢生夢想,我真係好幸福。」

Hana今年共有6首歌入圍,當中《但願人長久》是劇集《跳躍生命線》的插曲,是翻唱自盧冠廷的原名歌曲,網民讚佢唱出不同感覺。

最受歡迎男歌星 張敬軒

張敬軒第四度奪得「最受歡迎男歌星」及憑《百年樹木》奪得「金曲金獎,他說:「我喺清水灣長大,今次攞獎係好大肯定,特別要多謝依然買正版唱片實體碟嘅人,雖然賣碟依家賺唔到錢,但對音樂人係好大尊重。」

大獎「最受歡迎男歌星」由大熱的張敬軒奪得,軒仔再次多謝TVB、何哲圖以及他所屬的公司,還有家人、粉絲和網民等。他說:「呢個獎項對於當年喺清水灣長大嘅我嚟講,係一個好大嘅肯定嚟。」

軒仔今晚攞得5.5個大獎,之前他在三個電台頒獎禮已經有10個獎在手,本年度合共奪得15.5個大獎,成為「獎王」

軒仔的確實至名歸嘅!

最佳演繹女歌星 吳若希

第九及第十首金曲也由吳若希憑《無常青春》及《別再記起》奪得,Jinny在台上講到生B後,第一次參加大型頒獎禮,除多謝老闆何哲圖外,鏡頭亦有影到老公Alex在台下撐場,見他笑得燦爛未有如Jinny所說出現尷尬樣,Alex更聽老婆話沒有穿西裝出現,穿灰色衞衣便服示人。

吳若希不忘多謝前來支持佢嘅老公Alex Ho!

最佳演繹男歌星 胡鴻鈞

最受歡迎網絡歌星獎 菊梓喬

人氣王大獎 周柏豪

柏豪今晚也大豐收,除了憑《男人背後》及《烏托邦》兩首歌曲獲兩個勁歌金曲獎,也攞咗人氣王大獎。

勁歌金曲獎

烏托邦—周柏豪

男人背後—周柏豪

你帶著我的青春離去—王灝兒

騎膊馬—泳兒

飛蛾撲火—菊梓喬

只想與你再一起—菊梓喬

缺—張敬軒

天才兒童1985—張敬軒

無常春秋—吳若希

別再記起—吳若希

遙不可及—胡鴻鈞

有了你—譚嘉儀

無悔無愧—胡定欣

神不守舍—吳業坤

無畏的肩膊—鄭俊弘

忍—林欣彤

獻醜—洪卓立

太難開始—胡鴻鈞

但願人長久—菊梓喬

百年樹木—張敬軒

最佳合唱歌曲獎

金獎 周柏豪、楊千嬅 – 背後女人

最佳舞台演繹歌曲金獎

開心節 鍾舒漫

最佳樂隊獎

金獎:Supper Moment

最佳唱跳藝人 Super Girls

「最佳跳唱組合金獎」就由Super Girls奪得,但成員Yanny缺席,只有四人現身。

傑出表現獎

金獎:田蕊妮

銀獎:譚嘉儀

銅獎:石詠莉

去年再次出歌的田蕊妮獲「傑出表現金獎」,台上獲獎時阿田都說很意外:「真係冇諗過,頭先都『吓!』咗一聲,我表現唔傑出,傑出係幫我宣傳嘅同事,多謝歌迷,多謝公司,我會梗加努力出年希望再上台。」之後阿田演唱歌曲《兩口子》。

年度最佳進步獎

金獎:許靖韻

銀獎:伍富橋

銅獎:鄭世豪

最受歡迎新人獎(排名不分先後)

戴祖儀

曾樂彤

謝文欣

薛家燕、胡楓頒發「最受歡迎新人獎」時,兩人活寶薛家燕、胡楓便出場頒獎,修哥不慎踩到謝文欣條拖尾裙擺,搞到文欣好尷尬呀!

打頭陣先頒「唱片銷量大獎」,排名不分先後,包括有菊梓喬嘅《忘記我自己》、胡鴻鈞《到此一遊》、鄺美雲《C Again》、陳潔麗《15 Fifteen》同石詠莉《Moving Forward》

陳潔麗

延伸閱讀:

盤點14個明星感人故事紋身 每個都埋藏深層意思!

關注我們Facebook專頁
    相關新聞
      更多瀏覽