【 英國王室】英國王室後代改名要跟規矩 梅根唔可稱王妃 BB稱殿下?
2019年01月10日10:59

哈里王子同夫人梅根話咁快已經結咗婚半年喇,佢哋嘅BB都即將喺今年嘅春天出世喇!英國王室後代改名原來要跟足規矩,「殿下」、「公主」唔係個個王室小朋友都叫得。

撰文:叮叮| 資料來源:The Sun、Page Six、New Idea|圖片來源:Prince Harry Instagram、 Ladbrokes 、新傳媒資料庫 |編輯:YIU

延伸閱讀:

清熱解毒健脾 蓮藕綠豆章魚湯

2019嬰兒用品展+玩具展預告 5大編輯推介精選產品

殿下名銜係英女皇賜下

呢位皇室BB嘅爸爸媽媽分別係薩爾克斯公爵哈里殿下同薩爾克斯公爵夫人梅根殿下,既然BB嘅爸爸媽媽都叫殿下,大家一定覺得順理成章佢哋嘅BB都應該可以叫殿下啦!大家咁諗就大錯特錯喇!根據皇室規定,只有英女皇嘅長子可以獲稱呼為殿下,其餘次子或長女都一律唔可以獲稱呼為殿下。咁大家可能會好疑惑,哈里明明唔係長子,梅根本來係平民點解可以叫殿下嘅。所有情況都有例外嘅,長子以外嘅人可以叫殿下嘅原因不外乎係英女皇特別下命令將殿下之名賜俾其他人,而哈里梅根嘅殿下名銜係英女皇喺佢哋大婚當日賜俾佢哋㗎!所以,BB出世之後除非英女王特別允許,如果唔係BB係唔可以叫殿下㗎!大家留意喇!

View this post on Instagram

Launch of the boots 💕💕 #princeharry #dukeofsussex #meghanmarkle #duchessofsussex #royaltour #royalvisitnz #newzealand

A post shared by Prince Harry (@princeharryofengland) on Oct 30, 2018 at 5:34am PDT

梅根不可稱為王妃

最後,有個小提示俾大家,根據英國皇室規定,外嫁入皇室嘅女性,若果本身並非出身於其他皇室,係唔可以稱為王妃㗎!除非,係英女皇特別下令,將王妃嘅名銜賜予呢位外嫁入去嘅女性。亦都因為王室呢個規定,本身係美國演員嘅梅根,並非出身於王室,所以按規定,大家係唔可以稱呼梅根做王妃。咁點稱呼梅根好?大家可以稱呼佢做公爵夫人或者哈里王子夫人,任君選擇,就係唔可以叫梅根做王妃。記住呢一點喔!唔好再叫錯喇大家!

凱薩琳的完整頭銜和稱號係:劍橋公爵夫人殿下、斯特拉森伯爵夫人、卡里克弗格斯男爵夫人(英語:Her Royal Highness(HRH), Duchess of Cambridge, Countess of Strathearn, Baroness of Carrickfergus),所以凱特都唔係王妃,劍橋公爵威廉王子目前只是公爵,尚未有親王頭銜,凱特係王子妃而非王妃。只有黛安娜稱號係王妃,由於當時戴安娜嫁入王室,查爾斯王子已經是王儲,擁有威爾斯親王的封號,使黛安娜第一個最高頭銜即是王妃。

傳梅根將不會於皇室慣用醫院分娩

無論係戴安娜定凱特,兩位夫人都咁多胎都係喺St Mary’s Hospital分娩。不過據皇室知情人士透露,哈里梅根好有可能會搬離正在居住嘅肯辛頓宮,並且搬到正在翻新嘅溫莎宮殿待產。而溫莎宮殿比較接近Frimley Park Hospital,所以倘若梅根選擇於分娩而非St Mary’s Hospital分娩亦是可以理解的。

BB名叫維多利亞呼聲最高高

英國人每每都會開盤估皇室即將出世嘅BB名,而今次哈里王子嘅妻子梅根懷孕,英國人當然會照舊開盤估名啦!不過,即使梅根平時幾咁唔跟皇室規矩都好,今次佢出奇地跟隨皇室慣例,到現時為止都冇冇公開透露過BB嘅性別係咩。正因為英國嘅平民唔知道呢個BB嘅性別,大家都係靠英國王室人員嘅言語同行為推測呢個BB嘅性別,所以喺開盤估名嘅時候男女嘅名都有人估。

到現時為止,唔少嘅英國人都估哈里同梅根嘅第一胎會喺女,而且最多人認為呢位未來小公主嘅名會係叫維多利亞。毫無疑問,叫維多利亞大概係想向Queen Victoria致敬吧!除咗Victoria,都有唔少人認為BB會叫戴安娜㗎!原因係因為,哈里王子出曬名孝順母親戴安娜,就連婚禮都據講留咗個位俾已去世嘅媽媽戴安娜。除咗哈里孝順戴安娜之外,梅根都好尊重戴安娜㗎!梅根多次俾傳媒影到喺出席公開場合嘅時候佩戴戴安娜生前嘅首飾,據講呢個行為係為咗向已故嘅戴安娜致敬。不過亦有人認為,威廉王子同凱特嘅女女夏洛特公主個名入面已經包含咗戴安娜,所以哈里同梅根為咗唔想撞名應該會揀過第二個名。

BB跟英女王老公菲臘親王個名都有可能

除咗戴安娜之外,其他名例如:Philip(向菲臘親王致敬),Albert都同戴安娜呢個名一樣咁高呼聲,同樣獲英國公民認為有十分一機會改做呢個名。而Arthur呢個名呼聲都頗高㗎,有十二分一嘅機會。其他熱門嘅名有:Alice, James, Mary 同 Alexander。有熱門嘅名就當然有冷門嘅名啦!冷門嘅名包括:Donald、Piers 同 Winston。

View this post on Instagram

Happy New Year 🎆 #happynewyear #princeharry #dukeofsussex #meghanmarkle #duchessofsussex #royalbaby

A post shared by Prince Harry (@princeharryofengland) on Jan 1, 2019 at 11:16am PST

BB會姓蒙巴頓•溫莎

英國皇室嘅後裔以前一般會跟父姓嘅。原本英王喬治五世同佢嘅後裔個姓都同德國有關嘅,原因係當時嘅英國皇帝喬治五世同德國皇帝係表兄弟。不過後來因為英國嘅反德情緒高漲,喬治五世要立即同德國皇室脫離關係,於是喬治五世隨即宣布佢同佢嘅後裔自此改名為溫莎,亦即係佢哋行宮嘅名,亦都係由當日起所有嘅男子孫同未出嫁嘅公主都要姓溫莎。

講到呢度,心水清嘅讀者會問,又話哈利梅根個B姓蒙巴頓•溫莎,點解宜家又話皇室嘅人係姓溫莎。咁係因為,姓溫莎嘅都係喬治五世嘅後裔,去到英女皇嘅時代,英國王室再次改姓喇!英女皇上位後,英女皇同愛丁堡公爵(即菲臘親王)結婚,佢哋二人打算另開一個世系,所以英女王就宣布自此佢嘅男子孫同未出嫁嘅公主都改姓蒙巴頓•溫莎,而蒙巴頓呢個姓嘅來源就係來源自菲臘親王嘅姓喇!亦都係因為咁,所以哈里同梅根個BB係姓蒙巴頓•溫莎。(P.S. 菲臘親王好慘,因為相信佢係全英國唯一一個自己嘅子孫唔係跟自己姓。菲臘親王同英女王結婚之後又放棄咗自己喺希臘嘅皇室身分,仲要放棄埋自己子孫跟自己姓嘅權利!)

View this post on Instagram

Good Week 💕💕💕 #princeharry #dukeofsussex #meghanmarkle #duchessofsussex #royalblogger #love #truelove

A post shared by Prince Harry (@princeharryofengland) on Nov 5, 2018 at 2:31am PST

延伸閱讀:

貼20年前孕照慶囝囝生日 曾華倩:感謝上天賜給我最寶貴的禮物

關注我們Facebook專頁
    相關新聞
      更多瀏覽