王祖藍爆囡囡愛靚仔識放電
2019年01月09日03:00
(左起)何遠東、王祖藍、郭晉安與梁嘉琪,濟濟一堂宣傳賀歲片。

【星島日報報道】王祖藍、郭晉安、何遠東與梁嘉琪,昨日接受《今日VIP》錄影訪問,宣傳賀歲片《你咪理,我愛你!》。剛榮升人父的王祖藍近日忙於湊女,但坦言仍未上手,換片跟掃風都未敢幫忙,就連餵奶都有點怕怕。他笑道:「而家係最幸福嘅時間,囡囡由朝瞓到晚,又有外父外母、陪月同工人姐姐幫手。阿男(太太李亞男)就辛苦啲,要餵奶、泵奶同換片,又要等傷口埋口,做媽媽真係好偉大。」

王祖藍更笑指囡囡乞人憎,只愛睇靚仔。他笑言:「早兩日鄰居陳智燊兩公婆嚟探阿囡,Jason一抱就望實佢,個衰女放電!我抱佢就一係瞓一係唔望我。佢仲對Jason笑咗三下,我等佢笑就好似等孔雀開屏咁!」

此外,今次客串演出賀歲片的郭晉安,在片中重演經典廣告橋段,祖藍大讚此幕非常爆笑,睇試片時觀眾都大讚。安仔謂:「我覺得既然要客串,就要有特別演出,淨係賣樣就唔係咁好,今次雖然得一組戲,但其實我想演多幾組。」

關注我們Facebook專頁
    相關新聞
      更多瀏覽