薛凱琪做「成都」城市代言人 開拓品牌食「大茶飯」
2019年01月09日12:30

薛凱琪近日獲邀出任內地城市成都的「新經濟城市品牌代言人」,大會指Fiona在歌、影、視三棲發展,與成都的城市發展信念非常一致,所以邀請佢做呢個「城市」代言人。薛凱琪就話今次責任重大,代表整個城市做代言:「以前做過好多品牌代言,都係實體Product比較多,今次做城市代言人就比教虛無,可能佢地睇中我係演員同歌手之外,仲做過做美指、導演,相對上比較多元化,所以我都要做好自己,如果唔係就失禮成個城市。」

最近薛凱琪積極開拓自己服裝品牌,邁向「薛老板」行列:「咁做藝人都好鍾意衫,比較留意潮流,可以將自己興趣變成生意,個感覺都幾幸福。其實今次代言其中一個理念,都係鼓勵年青人喺創業方面勇敢作出新嘗試,去追尋自己的夢想,未來有機會都想同當地年青人交流心得,傾下大茶飯!」

成都當地亦支持薛凱琪的生意大計,希望將文化、創意慈善和城市新經濟體融合:「搵唔搵到大錢就後話,我成日覺得藝術係城市發展好重要嘅原素,因為藝術除了可以影響其他人,同時都代表著無限創意同可能性,所以未來我可能喺成都放多少少時間,做好我呢個代言人。」

關注我們Facebook專頁
    相關新聞
      更多瀏覽