陳家樂與陳瀅被爆結伴同遊東京 溫馨共度4日3夜!
2019年01月08日18:49

上年,29歲女神陳瀅同32歲嘅陳家樂分別各自甩拖,但就喺上年年底二人就被影到秘密單獨約會,因而傳出戀情!最近,二人又再次被爆一齊拍拖去日本溫馨共度4日3夜!

撰文:東方新地|圖片:新傳媒、陳家樂陳瀅Instagram

延伸閱讀:

蘇民峰2019豬年生肖運程(虎、兔、龍篇)

Selina公開變瘦秘訣 3個月體脂30%減到21%!

傳陳家樂與陳瀅拍新劇撻著愛火

陳瀅同陳家樂上年有份合作拍攝無綫新劇《廉政行動2019》,二人當時都係單身,當然就較易擦出火花。點知二人日對夜對之下,於有傳成功擦出愛火花,而且仲極速發展!

陳家樂
陳家樂

陳家樂
陳家樂

當時二人同場出席新劇記者會時,家樂就啱啱回復單身,當被問到有冇機會同陳瀅發展,佢就指自己之前同 女方見過幾次,直至拍劇前開會先有機會第一次傾計,對女方讚不絕口,擺明對陳瀅所象唔錯!

二人外型望落都好合襯!

其後喺上年8月,就有報道指二人成功因拍劇撻著,皆因被影到秘密單獨約會,喺中環撐完枱腳後更一齊返陳瀅香閏!不過其後家樂表示報料讀者太有創作力,指事件並非如此,而陳瀅則聲稱自己係單身!

View this post on Instagram

【邊個話我傻 請佢食燒鵝】 最近太興滿燻燒鵝神還原傳統煙燻味道,我即刻落去試下佢嘅虛實喇!果然名不虛傳👍🏻太興滿燻燒鵝皮脆肉嫩唔在講😋最難得嘅係有陣陣木柴炭火嘅煙燻味!一個字 正啊👍🏻個次去太興我仲試左佢地期間限定嘅金不換醬油回香雞🐔同泰式鰈魚配酸辣汁🐟食完好似去左泰國渡個假咁啊~心情即刻輕鬆哂 . 如果你都想好似我咁食到lam lam脷?🤤只要做齊以下3個steps,即有機會獲得太興「滿燻燒鵝(例牌)」換領券,名額20個 —————————— 遊戲玩法: 1. Like 呢個post 2. Follow @carlosbb @taihinghk 3. Comment @tag 3個朋友 + 講下點解你咁想請佢食太興滿燻燒鵝 截止日期:2018年7月5日 23:59 公布日期:2018年7月10日 遊戲條款及細則: – 每人只限參加一次 – 得獎者將有專人通知有關領獎事宜 – 換領券先到先得,送完即止 – 本活動所收集之個人私隱資料僅供本活動使用 – 如有任何爭議,太興飲食集團將保留最終決定權 #Myhero太好味道 #食得是福 #食飽最幸福 #太興滿燻燒鵝 #木柴炭火香味 #太興燒鵝總廚推介

A post shared by Carlos Chan 陳家樂 (@carlosbb) on Jun 28, 2018 at 4:00am PDT

View this post on Instagram

🧸

A post shared by Jeannie ♚ 陳瀅 (@missjni) on Nov 22, 2018 at 2:16am PST

被爆結伴同遊東京

然而,近日又再爆出家樂與陳瀅喺今個月結伴現身東京機場,雖然兩人均戴上冷帽同口罩,但依然被認出,似乎有啲嘢係點都包唔住喎!

View this post on Instagram

Merry Christmas #2018

A post shared by Carlos Chan 陳家樂 (@carlosbb) on Dec 24, 2018 at 5:07am PST

而當二人返抵香港國際機場後,家樂因發現記者跟蹤,最後決定與陳瀅各自打道回府。不過都唔緊要嘅,皆因據知今次日本之旅二人一齊除夕倒數迎接2019年,浪漫咁過咗4日3夜!

雖然二人暫時都未承認戀情,不過若然家樂真係與陳瀅撻著,相信會係今年上半年嘅一單大喜訊!大家都一定會祝福佢哋!

View this post on Instagram

🥰

A post shared by Jeannie ♚ 陳瀅 (@missjni) on Dec 20, 2018 at 5:15am PST

回顧上年難逃分手命運圈中情侶

|陳家樂余香凝

陳家樂入行15年,當年參加新秀輾轉簽了英皇娛樂開始其演戲生涯,近年事業開始起飛,早前憑無綫劇《逆緣》中「冷凍爺爺」鍾定國一角成功入屋,工作機會不斷,可謂事業高峰期!

圈中情侶
圈中情侶
陳家樂在《逆緣》飾演冷凍爺爺備受好評。
圈中情侶
圈中情侶
與兩位前輩姜大衛及黎耀祥擦出不少火花

揚言照顧余香凝一生

陳家樂除了事業順利,愛情同樣得意!陳家樂與余香凝於四年前合作拍港台劇《總有出頭天》擦出愛火花,拍拖近四年,人前人後表現恩愛!去年陳家樂駕車接女友放工不慎發生車禍,余香凝當場鼻骨爆裂,肉赤女友的陳家樂聲言會一生一世照顧女友,並送上鑽石戒指作為見證。

陳家樂
陳家樂
陳家樂與余香凝拍港台劇《總有出頭天》擦出愛火

陳家樂
陳家樂

早已認定對方

陳家樂曾不止一次在訪問中提及視余香凝為結婚對象,二人早已同居及互見家長,實是非卿不娶:「我係嘅!如果可以我係好希望一路行到組織家庭,至於得唔得就睇個天,希望我嘅付出可以做到,依家首期都未有,希望盡快展開人生下一個階段。嗰次撞車睇到佢係好強,我好緊張,反而係佢安慰我話佢冇事,叫我唔使擔心。」

世界盃開鑼在即,陳家樂與余香凝齊齊穿上球衣放閃,余香凝早前喺活動上仲話會跟隨男友捧阿根廷隊!

余香凝被揭一腳踏兩船

陳家樂一往情深,到頭來原來係一廂情願,余香凝被本刊發現一腳踏兩船,與一保險業界才俊打得火熱!

陳家樂含淚回應…

6月12日陳家樂在中環回應本刊記者,對余香凝一心一意的家樂知悉女方連日在新仔寓所過夜,悲痛到一度講唔到嘢,情緒激動轉身拭淚,其後哽咽認分手…

因女方偷食而結束3年情!
陳家樂
陳家樂
記者遞上余香凝新歡的照片,陳家樂表示唔認識對方。

|羅天宇湯洛雯

仲記得上年靚湯同羅天宇仍打得火熱,而佢當時喺男友生日會上送上Birthday Kiss,不過羅天宇今年生日會上,二人已經分咗手!話雖如此,佢哋話當日係因了解而分開,再見亦是朋友,所以喺羅天宇生日派對上,ex湯洛雯都有大方出現,而且大合照仲企喺羅天宇身後!

羅天宇
羅天宇
除咗羅天宇同前度湯洛雯呢一pair,緋聞情侶劉佩玥同男友周志文亦有出席!

靚湯首次演出的劇集《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認,並一直聲稱了解中,但大家早已認定佢哋係一對!

湯洛雯
湯洛雯
湯洛雯與羅天宇
湯洛雯
湯洛雯
湯洛雯與羅天宇

湯洛雯吻賀壽星仔羅天宇

去年10月1日係羅天宇30歲生日,男人三十而立當然要好好慶祝,邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相,連靚湯妹妹Cassandre亦有現身,可見兩家人關係融洽。而重點係,慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳,男粉絲們真係心碎了!

靚湯之前就Post咗張相,相入面嘅佢眼神帶點憂鬱,仲寫:「愛累了,就放手,人累了,就休息,心累了,就淡然。」令到唔少網民都擔心佢,問佢咩事啊!仲有人即刻留言:馬子仁sad(馬子仁係羅天宇喺《愛回家》嘅角色名)。

|洪卓立湯怡

拍拖超過11年的洪卓立和湯怡,一起在IG宣布分手!消息震驚一班網民!IG Post中並沒有透露分手原因,只強調兩人會從男女朋友變成知心好友,一班網民大叫可惜,同時亦有網友直言不敢相信愛情!

不過有網民猜測兩人分手,早於數個月前原來有端倪。兩人自3月13日後沒有再上載合照到任何社交平台,3月13日那張合照也是廣告。

5月,湯怡套擔正電影《某年某日》,開始忙於宣傳。當時洪卓立還有發文叫大家支持對方的新片!

洪卓立與湯怡7月到台灣旅行,兩人互相為對方拍照,亦有放上IG,情侶關係似乎未有改變。

兩人自從高調公開戀情後,也得知洪卓立患上肺積水時,湯怡在身旁陪伴,不離不棄,令外界感動且看好他們的戀情。

湯怡去完旅行後出席活動接受訪問時,被問到與洪卓立的婚事何時實現,她突然三緘其口,表示不欲再提感情事,封口提洪卓立。相隔數天,洪卓立亦有與湯怡探望女方的姪兒,亦有在網上更新。

10月 洪卓立 湯怡上載合照

由於太久沒有更新,當時有網民以為兩人已分手,仔細一睇湯怡最後一次Po與洪卓立的合照已經是在10月的事,是在洪卓立的演唱會那天,兩人看起來已經有點生疏,兩人自此再沒有更新關於他們的消息了。有網民猜測,大洪小怡的戀情在數月前開始情海翻波!

View this post on Instagram

Good Show!!! #他說他的故事

A post shared by yuenkaka (@yuenkaka) on Oct 11, 2018 at 9:20am PDT

延伸閱讀:

盤點14個明星感人故事紋身 每個都埋藏深層意思!

關注我們Facebook專頁
    相關新聞
      更多瀏覽