靠吳綺莉接濟 卓林煙駁煙遊街
2019年01月07日00:38

吳綺莉的19歲女兒卓林,出走加拿大接近一年,上年11月中突然宣布同31歲網紅外籍女友Andi結 婚,找到她所謂的偉大愛情,唔想被約束,但又唔生性做人,返港半個月就爆出拖欠賓館二千多元租金被包租婆報警,要阿媽吳綺莉出手打救,卓林更帶埋老婆返吳 綺莉大坑寓所暫住!不過住唔夠兩日,卓林再次離家搬到旺角賓館,日前,兩人就拍拖遊街煲煙自拍,無所事事,繼續做無業遊民,靠阿媽接濟過活!

撰文:東方新地 圖片:新傳媒圖片

延伸閱讀:

Selina公開變瘦秘訣 3個月體脂30%減到21%!

蘇民峰2019豬年生肖運程(虎、兔、龍篇)

卓林 靠吳綺莉接濟

自小與吳綺莉相依為命的19歲卓林,前年識咗現時的外籍老婆Andi後就搞作多多,離家出走加拿大接近一年,又在當地直播尋父,山窮水盡靠食 物銀行過活,最後在加國拖欠三個月租金未清,被迫執拾細軟返港。

企街煲煙

上年11月同老 婆Andi返港,並宣布開多媒體公司,但現實只見到卓林同老婆生活無所事事,閒時拍拖遊街煲煙。

阿媽打救

上年12月中卓林因拖欠賓館二千多元租金唔找,畀包租婆報警,最後卓林致電搵阿媽吳綺莉求助,更同老婆Andi坐的士返回阿媽大坑寓所暫住,身心俱疲的Elaine,更帶卓林去銀行攞錢。

開腔指控阿媽

驚人行為一次爆過一次,上年11月中宣布同外籍女友Andi結婚,卓林 更大搞多媒體公司,返港滿有大志受訪,開腔指控阿媽吳綺莉未能接受同 性太太,才令兩人關係愈嚟愈差,又指未見過生父成龍,表示冇諗過在對方身上得到任何嘢云云!

講到正氣凜然!可惜搞大龍鳳唔夠一日,卓林就唔爭氣爆出欠租,被 賓館包租婆報警,要向阿媽吳綺莉求助,身上只剩二十元的她,同老婆 Andi坐的士返回吳綺莉大坑寓所,要阿媽落樓畀車錢再去銀行攞錢接濟。

冇錢交租識得返屋企,收到錢卓林再次變回甩繩馬騮,日前吳綺莉出席活動,就指女兒卓林已經搬走:「每個人嘅觀點角度都唔同,唔能夠逼 人做唔鍾意嘅嘢,等佢出去經歷同感受,我只能夠從旁提點佢!」

幫買日用品

幫女兒清付欠租後,吳綺莉翌日再一個人揸車去西環藥房,幫女兒同外籍新抱買日用品。

阿媽寓所避難

欠租被賓館包租婆報警趕走,走投無路的卓林帶埋老婆Andi返阿媽大 坑寓所避難,不過住咗兩日就搬走!

幫補生活費

同女兒卓林關係變僵,無助的吳綺莉一直靠工作和信仰支撐,據知情者透露:「卓林好似中咗降咁,阿媽講乜嘢都聽唔入耳, Elaine(吳綺莉) 依家只係希望卓林唔好再闖禍,佢同Andi一齊佢知自己已經管唔到,都開 始接受,只係想個女生性做人,有一日會明白阿媽嘅用心,依家卓林要Elaine幫補生活費,兩母女keep住有聯絡,起碼知卓林喺出邊情況,佢都冇咁擔心!」

街拍成狂

自稱係模特兒的Andi ,個人社交網一直有大堆自拍照,現在連卓林都被她洗腦,遊街不停自拍自娛,無聊到極!

日前,本刊就拍到卓林同外籍老婆銅鑼灣出巡,完全陶醉於自己 的愛情世界的卓林,孖住老婆Andi 有講有笑沿途行去利舞台期 間,就不停搵景自拍,自稱係Model出身的Andi似乎已經將卓 林完全洗腦,兩人街拍忘晒形,期間又一齊去便利店買煙,兩 人更企街煲煙,影到攰,再企街煲煙,之後便一齊坐港鐵返 去旺角新填地街賓館,生活拮据,但選擇買煙,與其批判父母對與錯,卓林倒不如先好好反省自己,做個有用嘅人!

便利店買煙

卓林同Andi 入了便利店買煙,只見卓林離開 時,手上攞住一疊錢有二十元有一百元,似乎生活有阿媽接濟,仲有錢消費!

煙癮大

卓林同老婆煙癮頗大,兩人買完 煙,繼續煙駁煙冇停過!

買麵包

兩人途經一間麵包西餅店,買兩個麵包又當一 餐。

蝸居賓館

上年12月中先因欠租畀包租婆報 警,轉個頭得阿媽清晒租金,卓林同老婆Andi 又搬返入同一間公寓,當日遊完街,兩人就一齊返賓 館上樓。

上年2月,吳綺莉報警指卓林失蹤,同女兒失聯幾個月,直至4月卓林被拍到同女友Andi在加拿大一間超市尋父,自認是成龍女兒,揭發卓林偕女友出走加拿大,之後卓林同女友搞作多多,直播尋父、瞓街執垃 圾,欠租畀包租婆趕走,瘋狂行為冇停過。

公布婚訊

上年 11 月,19 歲卓林在 IG 晒出結婚證書,公布同31歲外籍女友Andi 註冊結婚。

加拿大尋父

同Andi 出走加拿大接近 一年,以往極少提及父親的卓林,更一反常態,被拍到在當地一間超市尋父,自稱是成龍女兒。

卓林返港開公司 暴瘦吳綺莉孤單過活

吳綺莉自99年誕下女兒卓林以來便一直母女相依為命,可惜隨著11年從上海搬回香港工作定居,環境改變、女兒亦長大變得反叛,兩母女紛爭不斷不時搞到報警又入醫院。前年卓林出櫃戀上30歲加籍Andi,吳綺莉再被獨生女兒摒棄在生活之外,好在有信仰和身邊友人支持,一年來慢慢學會放下。

搭上網紅 Andi後,卓林動作多多,繼離家出走、 宣布出櫃、拍片尋父、直播咀嘴後,上周再宣布與 Andi合組多媒體公司,一周內就會回港發展。

宣布訂婚

雖然直播生意所賺生活費有限, 不過冇阻Andi同卓林相愛,去年4月,二人更新感情狀況,宣布訂婚。

獨自逛超市

平時在港島獨居的她除了繼續畫畫、種花草果菜打發時間外,去年45歲生日後亦發布新工作照,更獲邀演出 ViuTV新劇《 理想國 》與林祖輝 飾演夫妻。而本刊發現吳綺莉一個人外出買包、入油。雖然繼續暴瘦做獨家村,不過精 神不錯神色輕鬆,還難得面露笑容,看來已經開始習慣一個人過活。

吳綺莉
吳綺莉
從相依為命到孤獨過活,吳綺莉近日看似已習 慣了一個人生活,日前就一個人去超市買麵包。
吳綺莉
吳綺莉
家中剩下外籍女傭和兩隻愛貓,吳綺莉入貨都 唔似大家庭,行一轉超市只買了兩個麵包。

買完包順便去油站入油,心情看似輕鬆的吳綺莉還向油站職員展現笑容打招呼。

一個人生活就係咁簡單,買完包、入完油,吳 綺莉若有所思自駕打道回府。

短訊賀媽媽復工

卓林與未婚妻Andi 離港將近一年,去年11月突然 update 個人社交帳戶,公告天下二人新 組多媒體公司「UCHU hause」、又請友人粉絲關注個人及公司新帳號。翻看「UCHU h a u s e 」公司面書網頁,卓林與 A n d i 都自稱為公司老闆,而本港超過十間公關公司更同 一時間收到以「UCHU hause」訊息,發訊息的卓林表示一周後會與未婚妻Andi回 港,希望與各大公司品牌合作、獲邀出席活動,還提到尤其看重為本地同志平權組織發 聲及合作。當外人以為兩母女繼續不相往來,吳綺莉則自爆公布最新宣傳相時,收到女兒訊息「you look well」,不過母女對話僅此而已,據悉開公司、返香港咁大件事,竟 一如以往,外人比媽媽更早獲得知會!

吳綺莉
吳綺莉
至於獨自生活近一年的吳綺莉,月初45歲生 日時終於公開新工作相,還自爆失聯已久的卓林亦主動聯絡,讚媽媽「看起來不錯」。

吳綺莉
吳綺莉
吳綺莉亦參與 VIU TV新劇拜神,將與林祖輝在劇中扮演夫妻,無獨有偶,又係講教養與溝通。

早前卓林在 IG貼出和Andi的半裸沙龍照,為二人開設的公司拍攝宣傳照。

自組多媒體公司

個人社交網頁自去年11月後便沒有更新,Andi上月初突然update同卓林恩愛新相,還公布二人新公司的官方fb。

「UCHU hause」資訊可見公司位於加拿大多倫多,而卓林與Andi都是公司老闆。

去年12月雙雙返Andi加拿大老家後,卓林一度山窮水盡求人收留,更被指要拾荒過活,二人亦兩度拍片上網,直播咀嘴之餘,又大呼:「我是成龍的女兒。」

新公司話以相片、短片方式邀請品牌宣傳合作,而負責攝影的卓林亦公開自拍近照,可見比起在媽媽身邊時瘦了不少!

靠吳綺莉接濟 卓林煙駁煙遊街

插菊梓喬冇人撐!吳若希發難扭跳槽

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

蘇民峰2019豬年生肖運程(蛇、馬、羊篇)

關注我們Facebook專頁
    相關新聞
      更多瀏覽