背同居有米男友收兵 江嘉敏姣撻伍允龍
2019年01月07日11:46

24歲當紮小花江嘉敏入行即被封姣花,去年初與王浩信去英國 拍劇集《兄弟》,被指吼實人夫狂放電,到去年9月搵到有米筍盤,即極速同王浩信劃清界線,認戀電競公司高層Anthony,更成功出招挾男友同居。正當大家以為江嘉敏會封盤,大把青春又未嫁得的她卻繼續出姣功收兵,最新一期招返來的新兵有形象好上緊位的伍允龍。

細伍允龍17年的江嘉敏,嗲聲嗲氣冧爆她口中的「師傅」,二人去英國拍《兄弟》後開始混熟,江嘉敏以跟伍允龍學武為藉口,收兵為實。早前出席完宣傳活動,江嘉敏陪住伍允龍行街買禮物,邊行邊笑春心盪漾狀似拍拖,女友逢人電唔識收,電競公司高層Anthony真係忍到?

撰文:東方新地 圖片:新傳媒圖片、江嘉敏IGAnthony FacebookAnthony IG

延伸閱讀:

盤點14個明星感人故事紋身 每個都埋藏深層意思!

Selina公開變瘦秘訣 3個月體脂30%減到21%!

江嘉敏背同居有米男友收兵

人不可以貌相,江嘉敏前年在劇集《親親我好媽》演清純學生妹形象入屋,成功俘 虜大班宅男,外表pure 純過蒸餾水,其實卻是無綫新紮姣花,拍劇合作的對手頻頻中招,24歲已經緋聞一大籮,去年初拍劇集《兄弟》被指姣黐人夫王浩信,去英國拍外景 主動獻殷勤,買埋嘢食咖啡冧男方關係超曖昧。到去年10月被踢爆撻著年約30歲的有 米電競高層Anthony Cheung,拍拖一個月已公開認愛箍實筍盤,除了火速同居,兩個月前江嘉敏生日,Anthony 更專程飛去台灣,親手做了她最愛的焦糖朱古力生日蛋糕 與她慶祝,平時拍劇捱夜,Anthony 又會買湯包給她,生暗瘡又會代買藥膏。

電競高層正印

江嘉敏男友 Anthony是著名電競公司高層, 對住女神女友即變大細路,拍拖不時玩相機Apps扮可愛,其個人IG頭像更用了可愛合照。

騎牛搵馬

雖然有個廿四孝好男友,但江嘉敏依然仔照媾,據知情者透露:「Kaman(江嘉敏)咁精靈梗係知點樣可以極速上位同搵長期飯票啦!佢好有異性緣,好易就會令啲男人當佢妹咁錫,收兵呢家嘢冇女仔會嫌多,有男朋友又點?眼見陳凱琳、單文柔同黃心穎都搵到個一線小生做老公同男友,Kaman亦唔會放過任何一個機會,你估真係嫁硬電競高層咩?拍拖都唔夠半年,仲喺熱戀階段,表面上係好sweet,不過唔係談婚論嫁,Kaman當然好想箍實對方,但好多嘢都講唔埋,所以佢喺公司都仲係好受男同事歡迎,不過女同事就會藐爆佢,覺得佢有男友都唔知足,仲周圍發姣唔好囉!」

戶外發電

早前為劇集《兄弟》上街做宣傳,江嘉敏對住伍允龍姣到出汁,見對方除褸 , 立即笑到心心眼,又深情對望傾偈。

鬧市護花

現場場面混亂,不少宅男對江嘉敏虎視眈眈,伍允龍亦好gentleman充當護花使者!

宣傳活動當日,江嘉敏除了向伍允龍放電,就連人夫莫家淦都唔放過。

拜師變收兵

去年初去英國為《兄弟》拍外景,江嘉敏在劇中飾演王浩信的貼 身保鑣,與對方出雙入對傳緋聞都唔出奇,但原來與她對手戲甚少 的伍允龍,亦是她的姣黐對象,據知每次有大圍戲份或外出食 飯,江嘉敏都會乘機黐實伍允龍,有時更會開心玩自拍。知情者說 :「 全個電視台都知Philip(伍允龍)係好仔,單身咁多年都冇拍拖,係因為佢事業心重,其實佢對女仔好nice為人亦好風趣,不過可能太正直唔係太識得媾女,近年只係同劉佩玥傳過緋聞,雖然只係得個傳字,但Philip就表現得好開心,可想而知佢內心其實好恨拍拖。Kaman就係睇中Philip呢個弱點,成日叫對方做師傅教佢拍打戲,私底下又會約食飯一齊打機,仲會send 短訊畀Philip,有小妹妹崇拜自己,Philip當然心花怒放,畀人嗲多兩嗲,做埋兵都唔知。」

江嘉敏
江嘉敏
出席完宣傳活動,江嘉敏與伍允龍離開大隊在尖沙咀周圍逛,二人毫不避嫌愈行愈埋,單看外形又幾登對喎!

據知《兄弟》眾演員會在聖誕期間開party聯誼,江嘉敏主動陪伍允龍買禮物交換,嗲聲嗲氣邊行邊玩,旁若無人。

猛男開路

大時大節周街都係人,伍允龍好識做咁為江嘉敏開路,有猛男相伴,江嘉敏心情風騷,行街時表情多多。

前《兄弟》在尖沙咀鬧市舉行宣傳活動,當日王浩信與楊明等 主要演員都缺席,江嘉敏與伍允龍自然成為男女主角,活動上江嘉 敏已施展渾身解數,不停向伍允龍放電,伍允龍亦大爆江嘉敏是打 機高手,看來二人的確非常熟絡,活動後更結伴離開,行到附近的 商場逛街。現場所見,在精品店內揀選禮物時,他們全程有傾有講,伍允龍或許被青春無敵的江嘉敏感染了,變得愛笑愛玩,不時 做出鬼馬表現,盡顯鐵漢柔情的一面。

江嘉敏收兵年齡與身份都不限,加入無綫兩年媾仔戰績彪炳, 由小鮮肉余德丞、上位中的黃嘉樂、視帝王浩信到武打男星伍允龍 都唔放過,雖然被封無綫新一代姣精,但江嘉敏的星途卻未受影響, 相比起曾經與她爭奪無綫姣精寶座的蔡思貝,已成力捧花旦的江嘉敏似乎百毒不侵。知情者說:「同人唔同命,蔡思貝接二連三同當家小生傳緋 聞,因為影響形象即被照肺,所以最近佢都靜咗好多,再唔低調冇得翻身點算?但 Kaman 就唔同,佢畀人封姣精又公開認拍拖,但公司都仲畀好多機會佢,因為有唔 少高層同監製都話佢做戲好有潛質,只要私人嘢唔影響工作都唔會太過干預。」

笑唔停

有冧仔本領甚高的江嘉敏同行,伍允龍中晒招,無時無刻都笑唔停。

解凍後受力捧

但原來江嘉敏當年拍完《 親親我好媽 》, 曾為對台ViuTV客串處境劇《三一如三》一個單元,為此激嬲無綫,被禁出席所有宣傳活動,直到17年5月才解凍,有份出席《不懂撒嬌的女人》宣傳活動,之後仲頂埋受傷的鄧佩儀拍台慶劇《誇世 代》,去年她更劇接劇,拍了《果欄中的江湖大嫂》、《兄弟》、《危城First Lady》及《過街英雄》四套劇,套套都佔戲甚重。

人紅自然多是非,對於緋聞不斷引來大 批負評,24歲的江嘉敏坦言面對這些負面報道 曾感到徬徨,她表示自己是個好「麻甩」的女 生,同人打招呼都會好粗魯百厭,好男仔 頭,與王浩信傳緋聞後,唔開心到匿埋一星期 反思,是否待人處事做得唔好,又唔睬王浩信 兩日,最後是好姊妹劉穎鏇拖住佢行過去同王 浩信打招呼打破隔閡。食得鹹魚抵得渴,媾仔咁出色又點會唔識處理緋聞喎!

英國外景黐實

去年《兄弟》去英國拍外景,江嘉敏黐實伍允龍玩到癲,每次伍允龍舉機自拍大合照,江嘉敏都九秒九埋位。

《兄弟》台前幕後打成一片,不時有飯局,而江嘉敏亦例牌黐住伍允龍坐,仲搭晒膊頭感情非淺。

返到香港一樣keep住有來往,無論在將軍澳電視城抑或宣傳活動見到,江嘉敏 伍允龍都相見甚歡。

去年11月挾男友同居

撻著電競公司高層 Anthony唔夠三個月即火速認愛,去年11月江嘉敏再出招挾筍盤男友同居,住正男友同父母 同住的太子寓所隔籬,近水樓台密謀入屋見家長,無非心急上岸。

畫手仔

江嘉敏箍仔本領層出不窮,去年11月搬緊屋仲可以 同男友玩兩小無猜,畀隻手男友玩畫手仔,搞到 Anthony笑晒口冧到暈晒浪,之後仲撒嬌要畫男友,Anthony就合埋眼任佢畫,睇樣都知佢極之冧!

返愛巢

搬屋全由男友代勞,江嘉敏只負責發號施令,但食完飯行返愛巢時竟然要男友為她按摩膊頭。

公主抱

Anthony對江嘉敏照顧無微不至,除了幫手搬屋,行街仲幫女友孭埋手 袋,女友突然撒嬌話攰扭抱,他更man爆將女友成個抱起過馬路,江嘉敏腳撐撐,搞到男友鬼咁high!

Anthony起底有才有米

身高六呎的Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅,平時駕駛名車出入。男友年紀輕輕已事業有成,難怪江嘉敏對戀情都直認不諱。

公司要員

電競公司的老闆之前就上傳同員工聚會,佢大讚眾人好幫得手,齊齊推動及帶領電競事業,而Anthony(白色衫)是其中一員!

愛同藝人合照

Anthony都鍾意同啲星影相,之前佢就把許廷鏗及側田嘅合照放過上Facebook,見到桂綸鎂嘅巨型相片,Anthony企埋去合照仲留言話「She is so into me~」似乎鍾情於氣質型美女!

IG隔空傳情

Anthony的IG設定為私人賬戶,未有對外公開,但見江嘉敏都有Follow!而之前女友心情似乎欠佳,上傳史諾比卡通圖片話想要一個抱抱,Anthony雖然未有多言,但就留下一個彩虹圖案鼓勵她!

Anthony的IG

派撻冧仔

江嘉敏除了外形QQ討人歡喜,更入得廚房精通甜點冧盡男士歡心。據知近年她不時整餅、整蛋糕、整月餅又整撻,包到靚一靚拎返公司派給同劇男演員,落晒甜頭,實有人食過翻尋味。

小生收割機

江嘉敏加入無綫兩年IG已成為「 新一代宅男女神 」,更由首部參演的劇集《親親我好媽》演學生妹,到最近的《兄弟》首次擔正 演女一,24歲的她青春無 敵,電力與姣功亦驚人,出 道以來緋聞不絕,而對象大 部分都是同劇合作的小生。

拍《果欄中的江湖大嫂》, 江嘉敏因同黃嘉樂有感情 線,死纏已經有女友的黃 嘉樂,搞到人哋女友打爛醋埕要掃狐。

《兄弟》姣黐人夫王浩信,有傳江嘉敏去英國拍外景時旁若無人,唔止為男方買咖啡,私下 又不停傳短訊。不過江嘉敏完全唔識收斂,近日繼續在放合照,仲話好唔捨得套劇大結局。

拍《危城First Lady》傳與大隻仔余德丞撻著 , 更經常在社交網站甜蜜傳情外,江嘉敏承認拍劇時有交流同食飯,不過只是普通朋友。

江嘉敏連媾女王吳業坤都唔放過,為了與對方自拍合照,應承做男方MV女主角。

純龍戀事

41歲的伍允龍雖然好打得,但追女仔就唔叻, 入行多年公開的戀情就只有鍾嘉欣一個,其他都係煲無米粥被消費的假戀情。

因合作電影《十分愛》傳緋聞,二人同在外國長大同聲同氣,發展地下情四年多,最後卻分手收場。

《 城寨英雄》成為熒幕情侶,女方高調向外表示二 人關係要好,又出席伍允龍與友人的約會,隨住劇集做完,緋聞無疾而終。

姣思貝讓路

要數無綫小花中的姣精,蔡思貝曾經是 No.1,不過近月她明顯變得低調,緋聞與負面新聞亦大減,江嘉敏成功取代其姣精之位。

江嘉敏 前年登Google人氣搜尋第1位

近年忙於拍劇的Kaman,成為2017年Google人氣搜尋女藝人,擊敗神奇女俠Gal Gadot和話題港姐雷莊𠒇,成為2017年Google人氣搜尋女藝人!

這張男友視覺,樣子清純,無過份「人工化」的靚樣,天呀!

其實Kaman 2012年已入行開始拍微電影,影相扮家政婦比結衣BB絕無輸蝕。

罕見入廚賢妻造型

江嘉敏早在17歲已經狂拍私影,做Model經驗豐富,不過水著晒身材就不常見,其實佢曾跟《新假期》出過不少Trip,除了文青look示人,佢去過馬爾代夫影三點式,大晒噴血身材呀!大家一齊睇吓佢啲靚相,就知Anthony好識揀!

據知Kaman對飯煲都好有興趣。

招牌甜笑,睇嚟扮演月薪嬌妻都無問題。
扮吸塵又晒下長腿。
最後來多個長腿Look,煞食!

初熟水著曝光

江嘉敏17歲已經狂拍私影,做Model經驗豐富,不過水著晒身材就不常見!

無綫小花江嘉敏清純又得,性感都得!

健康做瑜珈,Sport Bra造型碎料。
呢個封面位,據攝影師講試咗幾shot就收貨!
三點式坐床上,喂!唔好再FF!
呢張男朋友視覺真係無敵!超多幻想空間!咪心邪,我指超甜美笑容,救命呀!
三點式出浴照!無懼水沖落嚟的素顏樣!

入大台前,Kaman其實拍過獨立電影同港台劇,她不算好靚,但順眼、清純女學生形象令人形象深刻;在Google香港2017年熱爆搜尋女娛樂名人中,江嘉敏跑出榮登第1名,證明清純玉女形象係男女通殺!

-870x1024
-870x1024

靠吳綺莉接濟 卓林煙駁煙遊街

插菊梓喬冇人撐!吳若希發難扭跳槽

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

蘇民峰2019豬年生肖運程(猴、雞、狗篇)

關注我們Facebook專頁
    相關新聞
      更多瀏覽