飛飛翔翔四歲生日 黑人陳建州畫漫畫頭像送兒子 黑人畫工出奇地好
2019年01月05日18:29

台灣藝人黑人陳建州同范瑋琪范范嘅可愛雙胞胎兒子飛飛翔翔嘅四歲生日就快到喇,作為寵兒狂魔嘅黑人就發揮佢嘅畫畫小宇宙,畫咗兩張有兩兄弟漫畫版嘅大頭樣嘅卡作為禮物送俾兩兄弟。飛飛翔翔嘅前保母,依家范范黑人嘅特別助理小亨堡見到都忍唔住讚黑人嘅畫工厲害!

撰文:叮叮 | 圖片:小亨堡Instagram,黑人Facebook,范瑋琪微博

延伸閱讀:

2018嬰兒用品展+玩具展預告 5大編輯推介精選產品

清熱解毒健脾 蓮藕綠豆章魚湯

黑人畫漫畫頭像送兒子

黑人同范范喺2011年結束九年嘅愛情長跑拉埋天窗,五年後范范生咗一對雙胞胎叫飛飛翔翔。炫子狂魔黑人自飛飛翔翔出世之後就不停上載兩兄弟嘅生活照片上社交網站,所以唔少網友都好似睇住飛飛翔翔長大咁。近日小亨堡就上載咗一段片上Facebook,影片入面講到飛飛翔翔就快四歲生日喇,而黑人就準備緊生日禮物俾兩兄弟。而黑人所準備嘅禮物就係一人一張大卡,卡上面有好多飛飛翔翔嘅相,記載住飛飛翔翔成長卡點滴,而卡嘅上方就有黑人畫嘅飛飛翔翔漫畫頭像。可能大家會覺得男人畫畫一定唔好睇啦,不過黑人就例外,黑人嘅畫工靚到連小亨堡都忍唔住讚。

黑人因愛看漫畫而學懂畫漫畫

其實黑人並唔係首次畫漫畫風格嘅畫俾兩個仔架喇,平時黑人都會攞兩個仔嘅兒童畫板嚟畫畫,就算只係隨便畫喺兒童畫板都畫得唯妙唯肖架!黑人就自己點解會畫漫畫風格嘅畫畫得咁好就話係因為細個鍾意睇漫畫,睇吓睇吓就跟住啲漫畫畫,日積月累嘅練習就練成依家嘅好畫工喇!

網友大讚黑人係好爸爸

依家唔少港爸港媽因為工作繁忙,平時連照顧小朋友嘅時間都冇,好多時將照顧小朋友嘅責任交俾外傭,更遑論好似黑人咁咁用心親手做張卡送俾小朋友。正因為黑人並冇試恃住自己係藝人好忙但又多錢,就送物質禮物俾兩個仔,反而係好用心咁自己一筆一劃咁畫份禮物俾個仔,所以好多網友都讚黑人係個好爸爸,畫飛飛翔翔好幸福㖭!

延伸閱讀:

【母乳教室】奶媽唔易做 餵母乳的10個難處

關注我們Facebook專頁
    相關新聞
      更多瀏覽